معاناتي

الجزء2

(٢)
ماكتلكم ع الحالة البية بيوم حلمت بالامام السجاد عليه السلام ورا فتره طلبت منه وكتله انت عليل وتعرف معنى العلة اريد بشفاعتك عد ربي تشفيني ومخليتها يمك ولله الحمدلله دخيل اسمه ضلت الحالة متجي ابددد شفيت منها وجنت كلش ملتزمة اصلي واصوم وحتى صلاة الليل مااكطعها واهلي يحترموني ويسموني الجوهرة اخواتي وامي لان جنت فقيره معليه بالجناين وكيدهم مو مثل اختي الاكبر مني شويه وكحه ويعني بالنسبه لاهلي لان هم محافظين وعدهم كلشي عيب وكلشي حرام بس طيبين وخوش ناس بس هالشي للأسف.
المهم طلعت القبولات ورحت الكلية الجنت راغبتها مااكدر اذكرها حتى لا انعرف والقسم الي احلم بي ومتونسه طايرة فرح اشتريت لبس واكسسوار طبعا اضوج منهم لبستهم مرة وعفتهم ههه وحفيت بس شكلي كلش تغير وصار وجهي يضوي لان اصلا اني شاربي محافته وحفيت بناتي صرت كلش حلوه ووجهي بريء طبعا مواصفاتي بيضه وعيوني حيل كبار وصفر وخشمي طويل وحلكي ماعندي شفه حيل ناعمه وطويلة وجسمي كلش انثوي واني بالكلية ضليت البس ارقى موديل والبس حصر يعني بس ميك اب ممنوع ميقبلون .داومت وتعرفت ع بنات وصارو صديقاتي كلش وطبعا اني ماعندي فون صرت مرحلة اولى واخذولي فون هالحجي سنه ٢٠١١ فتت للكلية وبالبدايه جنت بس ساكته تالي شوي شوي انسجمت وي صديقتي مريم الي اغلى من روحي وصارت حماتي ههه هسه وضلينا كله كعده سوا كل مكان سوا منفترق وطبعا رجعت عمتي تخطب واهلي يقطعون الامل وصلت مرحله ثانيه واني بعدني فقيره من ناحيه الشباب وغيرهم ماعرف اي شي والعلاقه الزوجيه ماعرفها شنو مريم تضحك عليه من عرفت فشرحتلي فهمت ضليت اسبوع مرعوبه وحتى الاكل كطعته مدري ليش😂تالي فهمت الشغله بس بعدني بعيده عن الولد اخاف كملت مرحلة ثانيه رجعت عمتي خطبتني واهلي رفضو امي حاجتني كلش فقيرة امي كالت عمتج وتحن عليج كتلها ماما ميناسبني والبيت كله رافض وع راسهم بابا شلنا بالمشاكل عاد عمتي من عرفت هيج قاطعتنا نهائي وشالو لغير محافظه بس من وكتها ضلت تجيلي القسمه بس تتفركش قبل انخطب بس اهلي معقدين ميعجبهم اي واحد واصلا احنا ماكو زواج قبل التخرج فالسالفه روتين عادي متهمني بس بعدين ضلو من يجون النسوان يشوفني حتى ميحجن حجايتين وكمزن ويوصل الحجي ماعجبتهم بالكليه واحد بالصيدله رادني ودز اهله من شافوني اهله كعدو عشر دقايق وبعد ماشفتهم لا هم ولا هو كلت يلا صدفه نسيت الموضوع