معاناتي

الجزء 1

(١)
مرحبا اني روان عمري ٢٤ سنة  احجيلكم القصة من البداية
طبعاً اني بنيه كلش مطفيه ومعقده وفقيره من عائله محافظه لابعد الحدود عندي ثلاث اخوات وخمس اخوان حالتنا الماديه مرتاحه الحمدلله المهم من جنت بالابتدائية واني فقيرة وهادئة كلش والبيت كله يحبني ومن صرت بالاول متوسط جان ابن عمتي يريدني وكلش حابني هو مواصفات وجميل بشكل بس اهلي مينطون لاهل ابويه ولا ياخذون منهم بسبب مشاكل قديمه الولد حبني ورادني وامه خطبتني اهلي ماقبلو وانسدت الشالفه بس اني ضلت تصير عندي كوابيس وتقريبا شبه حالة نفسية صارت بية اني كاعده كلشي مابيه فجأة احس راسي يبرد واليمي كلهم مااعرفهم يعني عشت معاناة بسبب هالشي تخبلت حاولو وياي اهلي ساده وكذا خفيت بس بين فتره وفتره ضليت تجيلي الحالة بس مااحجي لان شفتهم ملو او يمكن اتبعو هالاسلوب كعلاج حتى اعتمد ع نفسي المهم كملت المتوسطه وجنت شاطرة بس مستواي كلش قل ضليت اقرا بس كلشي ماافهم عبالك دا اقرا هندي ضليت ع هالحال بس اسوي العليه واكطع نفسي بالدراسه ووصلت للسادس واني فقيره وبريئة وكلشششي مااعرف حتى الزواج شلون يتم مااعرف رغم جانن ويانا بنات حجيهم فشار وكلشي يعرفون بس ماتأثرت بيهم حتى من اسمع الغلطه ماعرفلها المهم امتحنت الحمدلله خلصت سادس وكعدت انتظر النتيجه وطلعت معدل ٧٧ ودور اول اهلي فرحو وارتاحيت تقريباً