مسلمة اسرت قلبي

الحلقة الثانية

اسفة على التاخير كان عندي ظروف

استمتعوا بالقراءة

____ النهار الاول تاع الامتحانات ____

طلت الشمس و طل معاها نهار جديد،ناضت الينا ، راحت دوشت نشفت شعرها و لبست 👇

دارت مكياج سامبل كالعادة و هبطت شربت حليبها مع يماها، باباها كان فالخدمة و حسام كالعادة ما ينوضش حتى 2 تاع العشية. كملت باست يماها اللي تمناتلها التوفيق و خرجت مالدار.

Elina pov :
خرجت مالدار و ما ننكرش بلي كنت متوترة بصح كنت دايرة في بالي زوج كلمات ( المرتبة الأولى ) . جازت عليا ميساء مع باباها و داوني معاهم . لحقنا للافاك ، دخلت القاعة ،غير حطولي الورقة راح التوتر لانو الموضوع كان بزاف ساهل بلا ما ننساو اني نعرف نقرا الأدب العربي. كملت الامتحان بالخف و حطيت ورقتي و خرجت . كنت أنا أول وحدة خرجت مالا روحت للمكتبة و قعدت نقرا رواية ( أحببتها طفلة ) لانو كان مزال 2 ساعات باش يبدأ الامتحان تاع العشية " امتحان اللغة الإنجليزية ". ما تقلقتش كامل لاني دايما ندي العلامة الكاملة في هاذيك المادة .
End Elina pov

كملت الينا الامتحانات و هي راضية على اجوبتها. خرجت مالجامعة و راحت للدار. دخلت راحت دوشت و لبست بيجامة منزلية هبطت باست يماها و باباها اللي الأسئلة تاعهم ما خلاصتش
طمنتهم الينا بلي خدمت مليح . رجعت لغرفتها جاها اتصال من ميساء.
ميساء: الو الينا , واش صافا؟ وين راكي؟ واش راكي ديري؟ جاك الامتحان ساهل؟ خدمتي فيه؟
الينا: بلعقل بلعقل اتنفسي شوية شهييييق زفيييير .... راني لاباس نحمد ربي راني فالدار و راني نهدر معاك يالمهبولة و ايه الامتحان سهل بزاااف و حاجة باينة اني خدمت و هكا راني جاوبتك على كامل الأسئلة تاعك
ميساء: هههههه مام انا جاني ساهل و خدمت مليح المهم عيطتلك باش نسقسي عليك دوك راني رايحة لدار خالتي عشية نڨسروا.
الينا: اوكي باي سنفورتي
ميساء: باي لعميرة ديالي
كوبات ميساء . و الينا رقدت بعد ساعة ناضت . هبطت كان خوها هاداك وين جا من عند صاحبو
الينا: خويا حنوني
حسام: ماللخر قولي واش تسحقي علابالي كاينة حاجة مور كلمة خويا حنوني
الينا:😁 اديني نروح نشري حوايج تاع الحجاب
حسام: اوكي خفي وجدي روحك
الينا طلعت بالزربة بدلت حوايجها و راحوا.
~في السوق~

الينا شرات بزاف حوايج لانو ما كانتش متأكدة اذا راح تلقى حوايج يليقو بالحجاب في موسكو ولا لا. كملو التسوق و رجعو للدار . طلعت لغرفتها دوشت و لبست بيجامة و هبطت للكوزينة طيبت العشاء مع يماها و وجدوا الطابلة و تعشاو غسلت الينا الماعن و راحت لغرفتها باش ترقد لانو غدوة عندها امتحان ما لا لازم ترقد بكري باش تنوض بكري.

~جازت السمانة تاع الامتحانات~

الينا كانت مزالها بنفس الروتين تروح تجوز مبعد تولي للدار فرحانة لخدمتها و تخرج مع حسام باش يشروا الحوايج

Elina pov:

بقاو 5 ايام باش نسافر طبعا حسام راح يروح معايا باش يحوسلي على شقة مليحة نسكن فيها و باش يتأكد اذا كنت نقدر نتعامل مع الروسيين لانو هو ماراهش مصدق بلي نعرف الروسية، و كلما نهدر معاه باللغة الروسية يقولي راكي تخلطي فالهدرة و ما يآمنيش . هههه عادي اصلا راهو يهدر هكا لانو ما يعرف حتى كلمة من اللغة الروسية.

End Elina pov

بعد 3 ايام ظهروا النتائج و كانت نتيجة الينا ...............

*انتهى*

رأيكم في الينا؟
ميساء؟
حسام؟
كارول؟
وحيد؟(اب الينا)
واش راح تكون نتيجة الينا؟

الحلقة الثالثة راح تنزل حسب التفاعل