?¿?: مصلحتي؟ هههههه مصلحتي أنك تنحيلي الشركات اه؟ مصلحتي تخرجني مالخدمة؟ هادي هي مصلحتي؟
الأب: "أليكسوس" ما تجادلنيش و بالزيادة ما حرمتكش مالشركات هذا مؤقت لازم تبرهنلي بلي قادر تعتمد على روحك ، اليوم آخر يوم ليك فالشركة و غدوة تبدا تحوس على خدمة و نهار لي نشوفك قدرت تأسس روحك نمدلك نص الشركات والنص الثاني حتى تتزوج و تأسس عائلة و نشوف أحفادي قدامي
أليكسوس: واشنوووو، راني قابل نأسس روحي بصح واشنو هادي تاع الزواج لالا و خدمت فيلم من عندك :عائلة أحفاد واش راك تخلط
الأب: احترم روحك! و كيما قلتلك اذا ما عجبكش الحال ما عندي مانديرلك
خرج أليكسوس مالدار مقلق و عروقو بارزين.
نعرفكم على بطل روايتنا "أليكسوس" شاب روسي عمره 29 أسمر و عيونه بحر صافي تقاسيم تاع وجهه تقول مرسومة ، لوحة إبداعية ، شعر اسود فحم و لحية خفيفة زادت فيه النص سنانو صف من اللؤلؤ الابيض عندو تفاحة آدم (اي قلبي) بلا ما نهدرو على البنية تاع الجسم تاعو. عايش مع باباه في فيلا قصدي قصر، يماه ميتة لأسباب راح تعرفوها في الرواية، عندو أخ واحد مزوج و ساكن معاهم
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
ننتاقلو للشخصية تاعو، أليكسوس بارد بمعنى الكلمة ، البرود تاعو راجع لأسباب غامضة تقدرو تقولو عندها علاقة بالطفولة تاعو، عندو نظرة حادة يشوف فيك تبول على روحك ، يتقلق بالخف و يولي وحش ، طبعا أليكسوس داير البنات تحريشة، وحدة صباح و أخرى عشية، وحدة تخرج تدخل الأخرى ما يآمنش بالحب لانو عندو حاجة وحدة دايرها فراسو واللي هي....
