لو انك لم تعد .....

part one

#لو_انك_لم_تعد
الجزء الاول
بقلمي نوره Nora Naser

بليلة حنة ابن خالتي ... بالبيت امي گالت الولد وحدهم والبنات وحد فأخذوا راحتكم باللبس
اني لبست فستان اسود .. قصير لحد الركبه بربع ردان
قصة الصدر جانت ع شكل قلب والاكتاف مبين منها شي بسيط لبست عليه عبايه اسلاميه وشال لان اني محجبه وخليت مكياج كلش خفيف

رحنه للحفله اني وامي واختي وزوجة اخويه 

اني غرور .. عمري 18سنه
..بعد وفاة ابويه انتقلنه من واسط ... لبغداد ..
امي من بغداد ابويه من الكوت ..
عندي اخ واحد متزوج
اختي اكبر مني بسنتين ..
سبب انتقالنا البغداد امي رادت تكون قريبه من اهلها
لان عمامي هناك مشاكل احنه وياهم قبل وفاة ابويه وحتى اكلو علينا ورث جدي ومنطونه حصتنه منه
كل هذا وبابا الله يرحمه سكت وماطالبهم بشي
امي شخصيتهه ضعيفه ومو عراكه حتى تطالبهم بي ابد
انتقلنا البغداد واجر النا اخويه شقه واستقرينا

نرجع ليلة الحنه .. اول مادخلنا مشغليين دجي واصل صوته لراس الشارع .. سلمنه على الكل وكعدنه ع القنفات بالصاله .. البنات جانن يرگصن .. والولد طابين طالعين
اهل امي كلهم فري وسبورتيين
بس احنه ملتزمين شويه
كعدت بصف امي واختي ريم .. بصفي
غرور .. ماما احتريت الجو حار الولد طابين طالعين انت مو گلتي بس بنات وحدنه
ام غرور .. شمعرفني يابنتي خالتج هيج گالت
ريم .. غرور شويه تحملي شدعوه عليج
غرور ..لج الدنيا حاره شتحمل والفستان ديگرصني من جوه العبايه  اووف ادري ذول ميحسون ميكولون ناخذ راحتنه
ريم .. لج اسكتي لااحد يسمعج
غرور ...
نوب البيت مليان. .. .. والولد يطبون ويباوعون للبنات شون يركصن والبنات عادي ماخذات راحتهن ..
اني ممتعوده على هيجي اختلاط جنت اذا اشوف ابن عمي يم بيتنه مااسلم عليه .. هالكد ماماخذه على الولد
اولاد خوالي وخالاتي هم نفس الشي والعقدني اكثر
علاقة اختي بأبن خالي زيد بقت تحبه ويحبهه سنتين
بعدهه رضخ لقرار امه وتزوج بنت خالته
اختي ريم انهارت بوقتها وتعقدت هوايه وتركت دراستها حتى بسببه
بس بقت تحبه وكوه رجعت لطبيعتها ولولا تشجيعي الها وگفتي  بجانبها يلا كدرت ترجع تكمل دراستها بكلية الادراه والاقتصاد ..
گلت الريم اني كايمه اشوفلي مكان ارتاح بي شويه
كمت من الصاله طبيت بالممر مليان يروش نسوان وبنات وولد معبالك حنه عبالك عرس
شفت روان بنت خالتي واكفه يم المغسله دتعدل مكياجهه سلمت عليها وكفت يمها
روان .. ها غرور ليش متنزعين العبايه
غرور ..لج لا الولد طابين طالعين ..
روان ..لج عادي مثل اخوانج
غرور ..لا مااكدر  لج دااحس نفسي داافور
روان ..صعدي فوك شوفيلج غرفه ارتاحي بيها مبقى شي ويطلعون يحتفلون وحدهم بره
غرور .. هاا تمام خو ماكو احد فوك
روان ..لا ماكو اصعدي ..

غرور ... صعدت فوك صارن كبالي غرفتين
طبيت بوحده منهم .. فتحت الباب ودخلت وسديته قفلته بالمفتاح نزعت العبايه والشال وشمرتهم على السرير فتحت شعري ورحت صوب ميز التواليت
باوعت الوجهي كلت خلي اروح اغسل بالحمام الي بالغرفهه واجي اعدل وجهي مره ثانيه مديت ايدي على يدة الباب اريد افتح اشو انفتحت .. تفاجئت
منو جوه رأسآ طلع ابن خالي كرم
ظل يباوعلي شعره مبلل وقميصه مفتوح وطالع صدره .. اني رأسا اريد اظم الفشله گتله هي انت هنا
كرم /.اي ليش عندج اعتراض
غرور .. انتبهت على نضراته يباوع لكل مكان بيه نسيت نفسي نازعه عبايتي
كتله هي شبيك لتباوع
كرم .. هه اسد عيوني مثلا ..
غرور .. باوعتله بنضرة غضب ظل يضحك بكل برود رحت اركض رأسآ ... للسرير اخذت عبايتي وشالي  واني امشي ... لبستهم وصلت للباب ايد افتحه وايد الف شالي كوه فتحته هالكد ممرتبكه واحسه يباوعلي
طلعت صارت بوجهي روان وكفت يمهه ورايه طلع كرم وهو يباوعلي .. بنضرات جريئه ..
روان .. هي شنو شتسوين يم كرم بالغرفه وحدكم الي اعرفه انت تكرهين .. ولدنه كلهم
غرور .. لج صدفه فتت للغرفه قفلت الباب فجاه هو طلع من الحمام
بهالاثناء طلع كرم احنه جنه واكفين ببداية الممر وهو مقابلينه وكف على المحجر مالة الدرج يم خالتي وطلع جكاره وصار يدخن . ويسولف وي خالتي وعينه عليه اكثر شي ..
روان ..ههه شبي يباوعلج
غرور .. شمعرفني اني
روان ...صار شي بينكم
غرور ..شبيج روان تره نرفزتيني ..  لسه مصار شهرين واحنه هنا يصير شي ويا طلعي هالشي من بالج
روان . مو اعرفه الكرم اذا خله وحده اباله ميطلعها اله اذا اخذ الي يريده منها
غرور .. انصدمت بكلامها باوعت الكرم شفته يدخن ويحاجي خالتي ويرجع يباع عليه
گتلهه ايييع ماابقه اله كرم يخليني اباله حتى افجرله باله بتي ان تي وييع
روان .. ههههه ام تي ان تي ليسمعج ومن صدك يصوب السهم عليج
غرور ...وين يسمع وشنو من ذانات عنده يسمعني واني هنا ..
روان .. هههه توقعي كل شي ..
غرور ... اني اروح انزل بلكي امي الله يهديهه ونروح .. للبيت
مشيت خطوات وصلت للمكان الي بي كرم
وبينما اني داامشي واريد اخلي رجلي على اول بايه من الدرج  هو اندار عليه ونفخ دخان الجكاير باتجاهي .. باوعتله ظل يضحك وغمزلي خزرته وفريت بايدي ع اساس معاجبني تصرفه
رفعت عبايتي بايديه ونزلت الدرج
كتلني الفضول ارجع اباوعله باوعتله واني بنص الدرج شفته   لازم محجر
مال الدرج ومصوب نضراته عليه هذا شبي
خزرته ونزلت ..
وصلت يم امي وريم .. كعدت بصف ريمه واني انفخ
ريم .. شبيج رورو
غرور .. ماكو .. طليت على امي ماما شوكت نرجع البيت
الام .. شبيج مليتي
غرور .. ماما حر حر
الام ..كومي اوكفي يم البنكه الجبيره تهوي
غرور .
. اكو مراوح  كبار جايبيهم .. رحت وكفت يم وحده منهم .. واهفي بايدي لاخفي توتري وافكر بكرم شون شافني بالفستان ..هيج وشعري مفتوح ومفاتن جسمي كلها بارزه
اني طولي 165وزني 63بشرتي بيضه وعيوني جوزيه كبار .. وشفافي بارزه وعندي شامه جوه شفتي السفليه ..
لشويه واني افكر صار گبالي كرم .. يباوعلي ويتفحصني عبايتي مفتوحه .. لفيتهه ودرت وجهي ع المروحه وخصله من شعري نازله .. صارت تطير ويه الهوا ..
كرم هو اخو زيد حبيب اختي السابق .. نفسه سبب حقدي على كل اولاد خوالي وخالاتي .. ياما سهرت على بجي ريم بسببه الي عيشها بحلم مكدرت تكعد منه لحد هسه من تشوفه هو وزوجته ترتبك وتتوتر وتدنك وخوفها وخوفي واحد لاتوكع منها دمعة وجع وتفضحها ..
كرم طويل وعيونه عسلي كبار برموش كثيفه نضراته جريئه وي ابتسامه ماكره
لحيته خفيفه مع بشره حنطيه مائله للاسمرار ...

بعدهه طلع بره

صارت ساعه 10ونص  اجه رضا اخويه كال يلا رورو
نروح للبيت صيحي لامي ورفل (زوجته)وريم
اني فرحت لان كلش متفشله وضايجه
اخويه وزوجته وريم يصيحونيي رورو يكولون اسمج ثقيل محلو
بس امي تحب اسمي لان بابا هو اختارلي هالاسم على عكس اسماء اخوي واختي هي اختارتهم ..
فتكول هي احلى ذكرى من ابوج
المهم رحت صحتهم وطلعنه .. اجت عيني على كرم واكف بصف سيارته نازع سترته باقي بس بقميص بيجي وجاي يخابر خليت عيني بعينه وبسرعه وخرتها ونزلتهه ... وهو هم ظل يباوع الي
اخويه ماعنده سياره .. خالي راح يوصلنه وي عائلته طبعا السياره ماكفت الكل دخل للسياره بس اني بقيت اخر شي
رضا .. هاا رورو شون هسه تصعدين ويايه ع الدراجه
غرور ..هههه شون بالله ابقى هنا .. الليله واني بروحي ضجت كلش
لشويه سمعت صوت كرم صار قريب علينه ..
كرم ..ها رضا خيركم شبيكم واكفين ..
رضا .. ها كرم قبطت السياره وزادت غرور ههه
كرم ..اي ميهم  اني اوصلهه
غرور ..يبو مااريده يوصلني احس نفسي خفت منه
كلت لاخويه
لا رضا اجرلنه تكسي عفيه
رضا .. ولج ياتكسي والدراجه تبقى هنا اني جاي بيها شيرجعني وباجر لازم .. اطلع بيها الفجر لتعطليني وروحي وي كرم يلا خال .. اطلع انت غرور تروح وي كرم
الخال ... ههه يلا روحي غرور شثگل اسمج
غرور .. اوو تنهدت ماكو غير حل گتله يلا ماشي
كرم گال يلا تعالي ويباوعلي بنضرة منعس مدري سكران اني ممتعوده عليه ابد ولااحجي ويا
لان نادرا مانجي نزور اهل امي ..
. رحت وراه فتحلي باب السياره الكدام ودخلت باوعت اخويه شغل الدراجه وطلع قبلنه ..
اول مادخل باوعلي .. توترت لزمت راسي احك بگصتي .. ودرت وجهي على الجامه ...
حرك السياره ومشى بيها
وكل شويه يباوعلي وساكت
الا ان نطق
كرم ..ليش متردين تصعدين ويايه
غرور .. تنهدت .. ليش متعوده اصعد وياك اني طبعا خجلت
كرم .. هه انت تخجلين
غرور .. ليش اشايفني ... كرم
كرم .. هه مشايفج .. شي
غرور .. بالله كرم سوق وانت ساكت ووصلني للبيت
كرم .. هه يابيت انتوا مو كاعدين بشقه
غرور .. بشقه بيت قصر اهم شي مستورين وعايشين الحمدلله
كرم .. مو السان رشاشه وترمي صلي خخ
اي صدووك ليش تحجين عليه
غرور .. اني محجيت هي شوكت
كرم .. مساع من جنتي واكفه يم روان تره سمعتج
غرور ..مو ذانات عندك شون سمعت ويه كل هالهوسه خرب
گتله  كرم ضوجتني انت تعمدت توصلني حتى هيج تسمعني حجي شو  وكف السياره
كرم .. ليش اوكفها ..
غرور .. وكفها لااشمر روحي ولزمت يدة الباب اريد افتحها ...
كرم .. تخبلتي تردين تبليني لزمتهه من زندهه سحبتها  باتجاهي واني اسوق
غرور .. عوفني و وگفها يلا تره اسويها وبده صوتي يعلى

كرم .. وجع صبري خلي اركنها بمكان اصبري

غرور .. ركن السياره بمكان ونزلت منها
يتبع ..
رأيكم 😊
توقعاتكم ☺
نوره ...