لو انك لم تعد .....

تكمله

لو اضوج طب كرم ورايه ويحجي وي امي احد مضوجكم ليش حتروحون كالت امي تعبنه وحماتي رقيه تريدنا هم .. وهسه راح يجي رجلها علينه
كال براحتكم بيتكم شوكت مترجعون
طلعوا بره اجه رجل عمتي وصعدو رضا بالسياره شالوا شيل ميكدر يصعد وخلو الكرسي مالته فوك السياره ودعت امي حضنتها كالت ديري بالج على روحج بس حجايتها هي طالعه غصب عنها تدري مابيدي شي على روحي
طبيت وطب ورايه كرم .. وئام بالحديقه واني الدنيا طالعه من روحي ..
كالت راحوا اهلج لعد انت ليش مارحتي
كتلها بنتر مضايقج وجودي شي ؟؟ من هسه الحكهم بس خلينطوني ملك
وئام .. تره مااقصد شي اني بس مستغربه وجودج
غرور .. باعي تره هي داريد اكمل كلامي اجه كرم كال اشش كافي روحي طبي جوه يله باوعتله بخزر وطبيت بيدي ملوكه
اسمعه يحجي عليها .. ليش هيج تكولي وهي تبررله بانه متقصد شي ...
صعدت فوك للغرفه وخليت ملك بالكاع وشمرت شالي ووظليت اروح واجي بالغرفه ...
بنفس اليوم عرفت وئام حامل والكل فرح الها
كعدت وصفنت الروحي زين واني شون راح ابقى هيجي حتى مااعرف روحي شنو ..
قررت احاجي الكرم يعوفني خلص اني تعبت كلش
لليل اجه كرم تلكيته من الكراج .. نزل من السياره صرت مقابيله كتله كرم اريد احاجيك طلعت وئام من الباب الرئيسي للبيت صاحت اجيت حبيبي باوعلي كال بعدين وراح الها
طبيت من باب المطبخ
واسمعهم بالهول يكللها ماكو شي تكله جذاب شفتك يمها واكف طليت عليهم دفعها من زندها كللها كتلج ماكو شي لتلحين ..
صعدت فوك اني .. ومكدرت انام متت قهر على فراك اهلي بس احسن الهم هناك يرتاحون
وراها انفتحت باب الغرفه طب كرم اني نايمه على السرير وملك بفراشها كعدت واكف يم الباب سد الباب كال تردين شي مني ..
ضجت اني ليش اجه للغرفه قابل شريد منه اني
كمت من الفراش وكفت يمه كتله كرم انت تزوجت وزوجتك حامل وعايشين حياتكم
اني هم اريد اعيش حياتي كافي ذله حرام عليك طلكني وخليني اخذ ملك واتبع اعلي
كرم .. وين ترحين تشتغلين بالمخدرات مره ثانيه ؟
لو تشتغيل ..گ_
عيب عليك كافي كافي تكلي هالكلمه كافي
احترم الورقه الي بينه ..
اطلعين منا بدون وانت اختاري
طلع وسد الباب وراه ..
كعدت وحدي افكر شون بيه اني تعبت من الذل والقهر .. اذا اعوفها الملك واشوف حياتي اكيد راح تعيش من بعدي عادي يعني بس اني مااتحمل تعبت بعد السنه اخليهه هنا واروح وكعدت ابجي
مابيدي شي اني لشوكت ابقه هيج وافني عمري كله وغيري مرتاح
مرات الحياة تجبرنه نتخلى عن اشياء نحبها مجبورين موبيدنا ..
مرت الايام واهلي احاجيهم بالتليفون من ام زيد واطمئن عليهم
لااني المتزوجه وبعيده عنهم ولااني ممتزوجه وعايشه وياهم
بفد يوم صار عرس. روان عزمت الكل وخابرتني كالت تعالي للعرس بيا وجه اجي اني
حتى كرم كال لامه خلي تروح بس اني مااريد اروح
بعد الفراح مزاعلني
جنه اني ووريم نطلع اعراس ونتونس هسه بعد مااكو
فرح حياتي صارت هم
دائما اشبه الي اني بي بالقبر واني ميته ودااتعذب
الكل راحو لعرس روان حتى ملوكه لبستها بدله سمائيه مدنفشه تجنن عليها واخذتها بيبيتها واني بقيت بالبيت متعلمه ع الخنكه ..
بفد يوم جانت ملك تزحف واني جنت بالمطبخ الي بالمطبخ ينشاف ع الدرج .. شفتها واصله لرابع بايه متت خوف عليهه لتوكع رحت اركض الها وبيدي بطل الزيت وبينما دااخذهه وكع مني على الدرج
واتلف زيت
اخذت ملك ونزلت وميته خوف عليهه ونسيت الزيت على الدرج
شويه واسمع صوت صريخ اركض اشوف شهد واكعه من فوك ليجوه .. ومتكسره واني بيدي ملك وكفت اباوعلها شكد حبيت بلحظتها اسئلهه وينها ايدج الصورتيني بيها وي كرم ضوكي ولو ذره من العذاب الشفته الكل اجه على صوتها .. كومها زيد وظلت تصيح هي غرور صبت الزيت على الدرج تريد توكع ابني
اني بقيت صافنه عليها مجان قصدي ااذي احد بس هي صارت بعد
اجه يمي كرم كال منو شمر الزيت على الدرج
كتله اني شال ايده يريد يضربني اشو راسا ملك شمرت نفسها عليه اول مره هيج تشمر نفسها عليه
اني اخذتهه منه وشهكت بجي رغم دائما اتصنع بالقوه كدامه بس انهاريت وكرهت نفسي ردت اعوفها وهي تحس بيه
كتلهم بالغلط وكع مني والله زيد بالغلط رحت اخذ ملك ووكع على الدرج من شدة خوفي عليها
زيد مايهم قدر الله هذا
شالوهه وودوها المستشفى وبنفس اليوم سوو الها عمليه لان عليها 7اشهر وولدت ولد
مرت الايام اكثر وصارت سنوية ريم ورحنا لقبرها اني وزيد وامي وعمتي رقيه وياهه بس رضا ميكدر يجي صعبه
واخذنه ملك ويانه
بجينه عليها بجي وكانه ميته البارحه صرت احاجيهه ولج ملك عمرها سنه هسه مااشتاقيتيلها متردين تشوفيهه
الاغنيه تشرح اكثر اسمعوها
https://youtu.be/9sBBrXFmmfk
المهم غسلنه القبر بوست اسمها اويلي عليه شكد مقهوره عليها ولاداكدر انساهه ابد وبنتها كبالي تذكرني بيهه
مرت الايام صعبه عليه احس وئام كارهتني وتتقصد تتاذيني مااعرف جانت تنتبه
لنضراتنه اني وكرم وجانت تحجي شيسوي الها كرم حتى علاقتهم الحميميه تشرحها الشهد كدامي تتقصد تحرني ..
مرت الاشهر وولدت وئام وجابت ولد .. هم
كرم فرحان بي اشوف الفرحه بعيونه
اما اني الي الله والضيم والقهر والتفكير والبعد عن امي
بفد يوم الكل نايم ووئام بعدها بالنفاس
الساعه جانت وحده بالضبط مااكدر انام بعد الصار الليل كله ارق اسبح وابدل وادلع روحي اللبس واحس بنفسي انثى من صدك مو للشغل والكراب ولا لاحد لا بس النفسي واكعد اتذكر حياتي كبل والكليه شكد اتمنى اعيش اي اعيش لان اني ميته هسه
بين هذا كله اني جنت واكفه يم الشباك وبيدي البوم صور قديم اكلب بي وابجي اباوع الصورنا اني وريم ورضا وابويه
الباب مااقفله لان مامنه من كل شي شويه وطب كرم
انه لابسه دشداشه قصيره وربع ردن سوده
تفاجئت اريد اخمش شي اغطي بي نفسي ماكو كال مااله داعي تعاي احاجيج اجه يمي ولزمني من ايدي ولحد السرير واني ماادري شيريد كعد واني واكفه كعدني يمه بسحبه من ايدي
واندار عليه
انت مو تردين تعيشين ؟!موكلتيلي هيج باعي اني راح اطلق سراحج واطلكج وينتهي كل شي وحتى اذا ملك ترديها اخذيها اذا قبل ابوها واعرف مايمانع لان ممهتم بس قبل لتروحين اريدج تثبتيلي شي الليله
؟!
يتبع
هلو بنات اعتذر عن التاخير هوايه والله ضروف كلش صعبه ومشتاقه اقرا تعليقاتكم بس صراحه مدااقرا اخاف اقرا شي واتسرع ولو تسرعت هوايه بهذا الجزء المهم توقعاتكم بنات باجر الجزء الاخييير
نوره ...