إبقى بجانبي إلى الأبد

تعريف الشخصيات

بطلة قصتنا إسمها {ملاك}عمرها 20سنه يعني تقرى تالته كليه تخصصها هندسه معمارية ،حليوة وبيضاء وعيونها عسليات وفيها غمازات وشعرها لونه كستنائي طوي لاتحت خصرها وقصيرونه ،شخصيتها قوية واجد مرات اتكون طيبه ومرات شريرة بس قلبها ابيض، معاندية مفيش حد يقدر يعاندها ويقوللها لا ،قوية متسكتش على حقها ديما واخداته والبزايد ،متتأمنش للناس وماتوتقش بحد بسهولة حتى اللي تعرفهم، معندهاش إلا صديقة وحدة توتق فيها واتقوللها في كل أسرارها ،عندها صديقات تانيات بس مش قريبات منها واجد ،تحب القراية وديما اتصفي في موادها واتجيب في امتياز؛ هي وأختها وحيدات امها وبوها ومعندهاش خوت . امها اسمها { جنان } وبوها إسمه { أسامة }

{أسيل}"صديقة ملاك"بنت طيوبة واجد قلبها أبيض إتحب الناس ومتحقدش على حد ولا تكره حد نيتها صافيه، بس معندهاش إلا ملاك تحكيلها في كل شي، زعولة واجد دموعها مسرع ماينزلو لاكن مسرع ما ترضى، حليوة بشرتها حنطية عيونها خضر وشعرها أصفر  متوسطة الطول، صديقة ملاك من الطفولة  نفس العمر ونفس التخصص ،خشت مع ملاك على خاطر تقعد معاها، عندها زوز خوت يقرو تانيه اعدادي ،بوها متوفي من  فترة متعلمة السواقة على خاطر اتوفر لي مامتها وخوتها كل شي اﻷنه خوتها إصغار { ميلاد_إياد } أمها إسمها { أمنة }

{مروان}: عمرة 24 طالب مجتهد ويحب القراية، كمل الإعدادي وسافر لي بريطانيا هوا وصاحبة يقروا غادي طيران ،لأنه راغب يكون مهندس طيران ،"يكون ولد عم أسيل وخوها في الرضاعة "شخصيته قوية واجد عصبي وغيور وصعب يرضى، حليو وبشرتة حنطية عيونه عسليات وشعره بني غامق، عنده أخت وخو توأم {رنا_راني}، عندة صديق من الطفولة إسمه 'معاد ' أمه إسمها { نادية } وبوه إسمه { عمر }

{معاد}: صديق مروان، شاب وسيم وحلو نقشة كله عالأسود أسمرعيونه كبار وسود وشعره أسود غامق جسمة رياضي وطويل، نفس عمر مروان ونفس التخصص، صديق مروان من الطفولة، معنداش خوت ولا خوات ، أمه وبوه متوفيين من فترة في حادت، يسكن في حوش بروحة وميحبش يخالط خواله وعمامه، شخصيتة قوية يحب الضحك وديما يضحك وميحبش النكد .

{ميار}: " أخت ملاك " عمرها 24 تقرى في الكلية آخر سنة وتتخرج تخصصها محاماة، حليوة بشرتها حنطية شعرها بني فاتح وعيونها عسليات وعندها غمازات متوسطة الطول ،مخطوبة وخطيبها إسمة " أنس " خاطبها على علاقه يحبو بعض من التاناوي يستنى فيها تتخرج وهوا يكمل حوشه ويتزوجوا، إجتماعيه واجد  إتحب اتخالط الناس وخاشه في خوالها وعمامها واجد، وعندها صحبة مقربة إسمها " نور " .

                                                           باقي الشخصيات حتتعرفو عليها القدام.