إبقى بجانبي إلى الأبد

البارت الخامس

ميرا : ( جتهم ) عليش تضحكو نسمع في الضحك متاعكم من الجنان
عائشة : هههههخ وربي فاتك الجو
اماني : فاتك نص عمرك ههههههه
ميرا : تي باهي اتكلمو
لينى : هادا يا حنى انتي تعرفي منير ودنيا ديما عراكات
ميرا : اني اللي نعرفهم ، باه
لينى : جي يشرب معانا في نسكافيه والنسكافيه متاعه ناقص سكر قالتلا دنيا جيبا تو اني انحطلك سكر
ميرا : ( قاطعتها ) هييء غريبه
لينى : تي غير خلي انكملك
ميرا : باهي كملي
لينى : بعدين قاللها جيبي معاك حتى اميه قالتلا حاضر امشت جابتلا اميه واشبح شن حطت في المية والنسكافيه هوا شرب النسكافيه ههههه قعد يسب في دنيا هههههههههه هههههه
ميار : هههههههه
ميرا : تي كملي يا شلال
لينى : هههههه باهي ،بعدها شرب اميه لقاها احرف من النسكافيه ههههههه ودنيا هربت وهوا امشي يجري يلحق فيها ههههه
ميرا : ههههههه وربي منورة كلا دنيا
آيه : اشبح شن صار فيهم اكيد شدها ويضرب فيها توا ههههه
ملاك : ههههههه
تسنيم : تي غير خلونا نرجعوا للتحدي متاعنا
ميرا : تحدي شنو ؟
ملاك :  منديرو تحدي من اللي اتدوق من النسكافيه والميه واتشوف شن حاطين فيها
ميرا : اهاااا
آيه : كلا اني منضحيش بروحي ع خاطر موضوع تافهه
ياسمين : من تقدر اديرها
ملاك : ( شدت طاسة النسكافيه ) ساهلة انديرها اني ( وشربت )
البنات : ( كلهم يشبحو لي ملاك )
ملاك : ( حطت الطاسة ) اااااااه حاطه فيها ملح الفالحه هههه
ميرا : حي عليك كيف شربتيها
اروى : مش مالحه ؟
ملاك : اععععع ووووه مكتره الملح منمشي نشرب ميه
دانيا : هي من اللي اتدوق من الميه ؟
تسنيم : اني هي خاطري اندوقها ( وشدت الطاسة وشربت وحطت الطاسه طوول )اعععععع شن هدا حاطه فيها خل يععع وربي معاه الحق منير
البنات : هههههههه
ميس : منضرك تحفه
لينى : هههههه بككل ملامح وجها طول تغيرو
البنات : ههههههههه
ميرا : هي خلي انوضو انضمو المطبخ ونغسلو الصفرة قبل ما انروحوا
ياسمين : هي نوضوا
( وناضوو البنات وخشو للمطبخ وبدو يضمو )
_______________________________________________________________________

* عند دنيا ومنير *

(امشت دنيا تجري ووراها منير وخشت للدار وقبل ما اتسكر الباب بالمفتاح دف منير الباب وخش قعد يقدملها وهيا توخر لعند لصقت في الحيط دنيا قعدت تشبح لي منير ،ومنير يشبحلها ودنيا دقات قلبها تتسارع وتوترت من قرب منير ليها بس مبتش اتبين ضعفها )
دنيا : (بتوتر وتحاول انها اتكون معصبة ) بعد من عليا
منير : ( بعصبيه )وكان مبعدتش شن بديري ، هنيلي روحك ره تماديتي شن لعب الصغار هادا
دنيا : ( بهزوة ) لا يا كبير انت ، مديرش شي ميجيك شي
منير : ( بعصبيه ) شن تشبحي فيا عيل ،اتلكمي بي اسلوب كويس
دنيا : ( ضحكت ) تؤتؤ لا حشاك إنت بس اللي زيك بلحيتهم توا هههه ( وهربت منه )
منير : ( بقلة صبر ) يارب صبرني عليها (مشي وهو يفكر في قوتها وإصرارها ويفكر كيف يستفزها زي ما استفزاته )

(خليني نحكيلكم على منير شوية ؛ شاب وسيم وحليو شعره لونه بني غامق وعيونه كبار جسمه عضلات وطويل ديما ينكت وجوا ضحكك وفري غالي عليه بنات عمه كلهن ، واللي زيه وفي عمره عندهم لحيه وهوا متعقد لانه هادا وين بدت تطلعله ) 
_______________________________________________________________________
* عند البنات *
(جتهم دنيا وهيا تضحك )
ميس : خيرك
دنيا : ( ابتسمت ) شي
أنسام : أكيد حصلتي كف ولا بوني
دنيا : متقوليش غير البنوتي هداكا بيضربني بوني
ملاك : هههه هي هي بلا كلام خلي انكملو المطبخ وانلفو عالحوش قبل ما انروحو
آيه : ميورة
ميار : ( وهي تشبح للتليفون ) نعم
آيه : قلتي ان اهل انس بيجوكم غدوهه بيحددو موعد البيان واحني طالعين زردة كيف بيصير
ميار : ( شبحتلها ) حي عالغباء كيف فاتت عليا ، ماهو هوا دوالي قبل ما اتكلمنا خالتي فاطمه مش مشكله تو نمشي نكلمه وانقولة يجو السبت ولا الاحد
ملاك : بالله عليك خليهم يخفو روحهم ويجو ياخدوك وتنتلفي من على خلقتي زهقت كبدي منك
ميار : ههههه تو انشوفوك يوم الزفة شن بديري
تسنيم : تلقوها تندب في الشارع ههههه
ملاك : (كشخت عليهم وامشت بحدا عماتها ، قعمزة بحدا عمتها ليلى وباستها ) استاحشتك اعميمه
ع.ليلى : اني اكتر حبيبتي وين معاش اانشوفو فيك ومعاش اتجينا
ملاك : والله يا اعميمه قراية ومعاش فضيت بكل
ع.ليلى : صار القراية خداتك منا
ملاك : خلاص مزاله هالسنه ويقعد وجهي في وجهكم
ع.ليلى : باهي ان شاء الله ربي يوفقك
ملاك : ان شاء الله ( ورن تليفونها وكانت سوسن بنت خالتها وقفت وامشت لجنان وردت)
ملاك : قردتي شن جوكك
سوسن : الحمد لله شن جوكك انتي يا حيوانه استاحشتك
ملاك : والله كويسونه الحمد لله ، اني اكتر وحق ربي
سوسن : وين مختفيين معاش بنتو
ملاك : حال القراية والله
سوسن : كيف حال خويلة جنان وميار
ملاك : والله الحمد لله كويسين شن جوكم انتم كيف حال خويلة ومودة ومالك
سوسن : كويسين كلنا  ، قتلك
ملاك : ها شنو
سوسن : تعالو بحدانا غدوة مكسدين وفي العشيه منطلعو للسوق
ملاك : والله غدوه مفيهاش كيف طالعين زردة مع حوش امي
سوسن : وااك خساره والله خاطرنا فيكم ؛ السبت باهي
ملاك : والله تو انشوف يا سونا لاكن منضنيش ع خاطر جايين اهل انس خطيب ميار كان صار وجونا تعالو انتم وخلاص وتو انزيد نتأكد من ماما 
سوسن : خلاص تمام شوفي وردي عليا
ملاك : اوكِ تمام
سوسن : هي سلامات سلميلي عالبنات وخويلة وميار
ملاك : يوصل ان شاء الله ؛ هي تصبحي على خير
سوسن : وانتي من اهل الخير
(سكرت ملاك وخشت قابلتها ميرا )
ميرا : بببخخخخ
ملاك : ( انخلعت ) خزي يا حيوانه طيحتيلي قلبي
ميرا :وين كنتي يا عافنه
ملاك : انكلم في سوسن بنت خالتي
ميرا : اها
ملاك : تعالي خلينا ناخدو سلفي
ميرا : هي نبي الفلتر لاكن ره
ملاك : (ضحكت) ههه باهي يا زق غير تعالي