إبقى بجانبي إلى الأبد

البارت الأول

*صباح يوم جديد*

ملاك :( نازلة من الدروج ) صباح الخير ماما
جنان : "أم ملاك "(طلعت من المطبخ )صباح النور، هي وتيتلك الفطور تعالي افطري
ملاك : لالا منبيش وين بابا تأخرت واجد ؟
جنان :  غير تعالي خودي حتى طاسة نسكافيه ،تو ينزل بوك ( مع نزلت أسامة " بو ملاك " )
أسامة : صباح الخير
ملاك : صباح الورد، هي بابا تأخرت واجد ره
أسامة : حاضر يا بنتي نشرب قهوتي بس
ملاك : به أعطيني مفتاح السيارة تو نمشي نراجيك فيها
أسامة : ( أشر عالطاولة ) أهوا تعالي خوديه
"خدت ملاك مفتاح السيارة وإمشت ركبت فيها وولعتها وقعدت تستنى في بوها ( حي عليا تأخرت تو الدكتور المكروه ميخلينيش إنخش لأني متأخرة أوووووف قعدة نتأخر واجد لازم نلقى حل أحسن حاجة إنقول لي بابا نتعلم السواقه ويشريلي سيارة علشان معش نتأخر .......) قطع تفكيرها صوت بوها يضبح عليها "
أسامة : ملاك ...ملاك.....ملاك .....
ملاك : نعم يابابا
أسامة : وين سارحة من إمبدري إنضبح عليك
ملاك : ولاشي بس تأخرت تو الدكتور مش حيدخلني للمحاضرة بالله عليك عجل يا بابا " الكلية كانت بعيده على حوشهم "
أسامة : حاضر يا بنتي ( حرك السيارة وبدى يمشي )
"قعدت ملاك تتفرج من الشباك والدنيا هادية "
ملااك
شوي ورن تليفوني طلعته من الشنطه شبحت الإسم لقيتها أسيل : ألو
أسيل : ها لوكا صباح الخير
ملاك : صباح النور كيف حالك اليوم
أسيل : تمام التمام كيف حالك إنتي
ملاك : والله أهو نايضه بالسيف مزلت نعسانة كلا منك يا فرخه مسهرتيني لعند الساعه 4
أسيل : ههههه كسولة اني نايضه اليوم زي الحصان
ملاك : انتي حتى كان مترقديش تقعدي زي الحصان
أسيل : تي غير هيا مش وقتك خيرك تأخرتي عشرة دقايق وإنخشو
ملاك : تي باهي قاعد في الطريق ؛ أسمعي
أسيل : نعم
ملاك : جي الدكتور المكروه ؟
أسيل : هههههه قصدك الدكتور فراس
ملاك : في غيرة مكروه هوا
أسيل : هههههه إي جي
ملاك : زيدي أضحكي انتي كانك جنبي راه نتشتك
أسيل : هههه
ملاك : خلاص طيري ربع ساعة وإنكون جنبك
أسيل : تمام باي
ملاك : باي
سكرت من أسيل وحطيت التليفون في الشنطة وقعدت إنساوي في وشاحي على المراية : بابا
بابا : نعم
ملاك : بابا راهو قعدت نتأخر واجد نص المحاضرات معش نحضر فيهم لأني نتأخر
بابا : والله يا بنتي أني مدايرة كل جهدي علشان إنوصلك وإنتي تعرفي إن كليتك بعيده ، شن رايك إندخلك في باص إيجيك بدري
ملاك : لالا يعععع يا عن جد باص يابابا
بابا : به شن إنديرلك يا بنتي
ملاك : نبي نتعلم السواقة ونبي نشري سيارة هكي أحسنلي علشان نمشي للكلية بدري وعلشان اي حاجة نبيها نطلع انجيبها
بابا : بس إنتي عارفة وضع البلاد مش آمان وخاصة توا الحوادث كاترات
ملاك : لالا متخافش يا بابا حنتعلم كويس
بابا : خلاص ياللي إتشوفيه يابنتي ، اليوم نمشي إنسجلك في دورة تعليم القيادة ونسئل أمتى تبدي
ملاك : "باساته على خده " ( بفرح ) شكرا يا أحلا أب في الدنيا ربي ما يحرمني منك
بابا : ومايحرمني منك يا بنتي ، هي انزلي وصلنا
ملاك : " فتحت باب السيارة ونزلت وسكرت الباب وتدوي لي أسامة من الشباك "بابا تعالي الساعة 2 متتأخرش عليا
بابا : حاضر يابنتي
ملاك : باي
بابا : باي في حفظ الله يا بنتي
"إبتسمتلا وخشت للكلية وهيا خاشة لمحت شاب من بعيد "
ملاك : "بقلةصبر" أووووف صبح يا فتاح
الشاب : صباح الورد يا حلوة 
ملاك : "طنشاته مردتش عليه وكملت طريقها "
الشاب : " يلحق فيها " تي غير عبرينى حتى شوي
ملاك : لفتلة " بنفاد صبر " مصباح فك عليا أحسن ما نتصرف تصرف ميعجبكش
مصباح : الله إسمي طالع من فمك زي العسل
ملاك : " طنشاتة وكملت طريقها "
مصباح : " لحقها وشد يدها "
ملاك : " إنصدمت من حركت مصباح لفتلا وضرباته كف " ( بعصبيه ) انت شن تحساب روحك جاي اتشد في يدي قلتلك فك عليا أحسن مانتصرف تصرف ميعجبكش لو مزال فكرت انك تقرب مني ولا تتكلم معاي مش تاخد كف تاخد طريحه قليل آدب إمشي دورلك بنت صايعه زيك العب عليها
مصباح : " واقف مصدوم من ضربت ملاك وحاط يده على خده ويشبحلها "
ملاك : ( بعصبية )تفووو عليك وعلى الرجالة اللي زيك " لفت وإمشت "
"إدور في الكلية وإدور على أسيل طلعت تليفونها واتصلت بيها ردت بعد تلات رنات : ها وينك ؟
أسيل : ( بصوت واطي ) تي أني في المحاضرة
ملاك : أوووووف شن هدا شن اندير اني توا
أسيل : به تعالي خشي مرات يدخلك
ملاك : على أساس اول مرة يعني ماهو قبل ميخليش فيا
أسيل : تي جربي إنتي شن خاسرة
ملاك : به هي سكري شوي وإنكون عندك
أسيل : باي " سكرت من أسيل وإمشت شور القاعة دقت الباب وخشت : السلام عليكم ردو الطلبة : وعليكم السلام
" جاها الدكتور : خيرك متأخرة
ملاك : ( إرتبكت ) أ أ مم ماهو الطريق زحمة يا دكتور
الدكتور : خشي هادي أخر مرة المرة الجاية مش حندخلك لو تأخرتي
ملاك : ( بفرح ) شكرا ومعاش إنعاودها
الدكتور : " كشخ عليها وخش داخل "
ملاك :" خشت قعدت ادور على أسيل بي عيونها لانه القاعه فيها فوق من مائة طالب أشرتلها أسيل من بعيد إمشتلها قعمزت : ( تنهدت ) آااااه
أسيل : ههههههه
ملاك : ( بصوت واطي )خير بلاك تضحكي
أسيل : ( بصوت واطي )شكلك إبداع لما سئلك عليش تأخرتي هههههه وجهك قعد ألوان
ملاك : تي والله معاش عرفت شن ندويلا لاكن جت في وقتها الكدبه ههههه
أسيل : ههههههه اي والله طلعتي تعرفي تكدبي يا صديقتي هههه
ملاك : والله غريبه دخلني حمار من بيموت
أسيل : هههه اي والله
الدكتور : " يأشر لي أسيل وملاك " كلمة تانية انتي وياها برا
ملاك وأسيل برقوا في بعضهم ملاك : ( وقفت ) إحني يا دكتور
الدكتور : في غيركم يدوي في القاعة
ملاك : ( بقلة صبر )تو احني أكتر من مائة طالب وطالبة مفيش غيرنا يتكلم
الدكتور : شنو إنتي اتكدبي فيا متلا
ملاك : ( بنفاد صبر )لا بس والله حسب مانشبح كان اني مش حولة نص القاعة قالبينها هدرزة ما جت غير علينا
الدكتور : كلمة تانيا حتنحرمي من المادة سنه كاملة
ملاك : " شدت يد أسيل وخدت شنطتها ونزلت امشت جنب الدكتور " (بعصبية )والله أني ما نسكتش على حقي اصلا واحد كداب نفسك ميشرفنيش نحضر معاه محاضرة
الدكتور : اتكلمي مع اللي أكبر منك بأدب يا قليلة التربيه
ملاك : ( بعصبية )لما تتكلم معاي بأدب هداك الوقت نحترمك واني متربيه أكتر منك ومنسمحلكش اتجيب سيرة شرفي على لسانك
الدكتور : اطلعي برا وانتي مطرودة معاش تحضريلي ولا حصة طول السنة والمادة ساقطة فيها
ملاك :( بعصبية ) طالعة لأني مخاطريش انشوف خلقتك بس ره وتو انشوفوا من اللي بينطرد يا كداب يا أني يا إنت في الكلية تو انشوفو من اللي بيربح المنافسه الافضل انك متنافسنيش واسئل عليا كان متعرفنيش طلعت وخدت معاه أسيل والطلبة كلهم قعدوا يصفرولها ويصفقولها والدكتور واقف مصدوم
أسيل : تي خيرك يا فرخه حي علينا بيطردنا
ملاك : ( بعصبية ) سكري فمك وألحقيني أني نعرف شن اندير
أسيل : " خافت لأنة ملاك معصبة وااجد ولحقتها " إمشو للإدارة وخشت ملاك ولحقتها  أسيل "
ملاك : "وقفت قدام مكتب " ( بعصبية ) لو سمحتي يا مدام المدير قاعد
الأبلة : اتفضلي شن تبي ؟
ملاك : ( بعصبية ) على ما أعتقد سؤالي واضح
الأبلة : إي قاعد شن تبي منه
" ملاك فاتتها وشدت يد أسيل وكرتها معاها  وخشت لي مكتب المدير دقت الباب وخشت : السلام عليكم
المدير : ( مطبس ويشوف للاوراق ) وعليكم السلام
" مع خشت الأبلة اللي تكلمت معاها ملاك " آسفة يا مدير بس هيا خشت من غير حتى ما تاخد إدني هدا كلا المدير يشبح للاوراق رفع راسة وشاف لي ملاك : أوووو ملوكة كيف حالك يا بنتي
ملاك : ( برقت في الأبلة وإبتسمت إبتسامة نصر قدمت جيهت المدير اللي كان ماد يده وسلمت عليه ) الحمد لله كيف حالك إنت يا عمو
أسيل : " إتبرق في ملاك ومستغربة من اللي صار "
الأبلة : " مصدومة من اللي صار قدامها ومقهورة من الإبتسامة والنظرة اللي عطتهلها ملاك لفت وطلعت وسكرت وراها الباب "
المدير : الحمد لله كيف حال اسامة ليا كم يوم معاش شفتة
ملاك : والله الحمد لله كويس يا عمو أني جاية نطلب منك طلب ومنبيكش إتردني
المدير : إتفضلي يا بنتي أطلبي وان شاء الله منردكش
ملاك : يا عمو أني جاية نشكي في دكتور فراس
المدير : خير ان شاء الله شن صاير
ملاك : تو يعمو انت ترضى حد يجيب سيرت ترباية بابا بالسوء
المدير : ماعاش اللي بيغلط فيك ولا في شرفك يا بنتي
ملاك : اني نبيك تطرد الدكتور فراس
المدير : قعمزي يا بنتي واحكيلي شن صار
ملاك : " قعمزت وبدت تحكي لي المدير شن صار ودبرتها وعرفت كيف تقنع المدير "
__________________________________________________________________________