بداية حياتي معاك

الفصل الثالث

رواية بداية حياتي معاك ( الفصل 3 )
وقفنا عند
محمد :آخر حاجة فاكراها ايه
لينا :مش فاكرة حاجة
محمد كشف عليها و أتأكد من اللي في مكانه
محمد :للاسف الخبطة اثرت علي دماغها و حصلها فقدان ذاكرة
كلهم بصدمة :ايه
عمر :ازاي يعني فقدت الذاكرة يعني مش هنعرف اهلها مين
لينا :اومال انتو مين مش انتو اهلي و لا مين
حبيبة :لا احنا اصلا مش عارفين انتي اسمك ايه ولا انتي مين
لينا :اومال قاعدة عندكم ليه و خبطة ايه اللي اثرت عليا
هاجر :اصل انتي عملتي حادثة و عمر ....
عمر قاطعها :بصي هو اللي حصل ان انا كنت في الغردقة بحضر ندوة هناك وانا راجع شوفت واحد خبطك و العربية جريت ملحقتش اخد نمرتها حتي و اخدتك في عربيتي انا و محمد و بعدين جبتك هنا و كشفت عليكي و اديتك حقنة عشان تفوقي و لما فوقتي و فقدتي الذاكرة وللاسف معرفتش انتي مين لانك مش معاكي بطاقة ولا تليفون ولا اي حاجة
لينا :بس انا مش فاكرة اي حاجة من دي
محمد :طبيعي متفتكريش لانك هتقعدي فترة لحد ما الذاكرة ترجعلك
لينا :وانت عرفت ازاي
محمد :انا دكتور مخ و أعصاب
لينا بصت لعمر:وانت دكتور زيه برضو ولا ايه
عمر:لا انا دكتور جراحة و قلب
هاجر :طب انتي مش فاكرة اي حاجة عنك خالص
أميرة :صعبان عليا اهلك زمانهم دلوقتي قلقانين عليكي يا حبيبتي
هاجر :مش لو كان ليها اهل اصلا
حبيبة بعصبية :هاجر عيب كدا
هاجر :انا نازلة أتفرج علي tv تكون الآنسة دي افتكرت ولا انتي قاعدة معانا
عمر بعصبية :هاجر مالك في ايه يلا انزلي شوفي وراكي ايه ولا روحي ذاكري معلش يا ... انسة بس هاجر كدا بتحب تهزر
لينا دموعها نزلت :انا بجد متشكرة لحضرتك عشان جبتني هنا و مش عملت زي الحيوان اللي خبطني ربنا ينتقم منه هو السبب في اللي انا فيه
عمر :هو اكيد مكنش قصده
لينا :ليه اعمي مش شايف قدامه ضيعلي كل حياتي بقيت مش فاكرة حاجة
محمد :ان شاء الله هتخفي و هتفتكري بصي انا هكتبلك علي العلاج ده و ده هيساعد علي تنشيط الذاكرة و استرجاعها بإذن الله
لينا :يعني هفتكر امتي
محمد :الله اعلم علي حسب بقا
________
آدم اخد العنوان من ريم و مامته و باباه جهزو و هو بيركب سليم كان داخل الفيلا و شاف حالتهم قلق
سليم :في ايه يا آدم مالك ... مالك يا عمتو
نجوي ببكاء :لينا يا سليم مش لاقينها
سليم بعصبية :ازاي مش لاقينها ازاي
يوسف :راحت رحلة الغردقة مع صحابها في الجامعة و راحت تشتري ماية و عصير و مرجعتش تاني لحد دلوقتي
سليم بعصبية :ازاي يعني راحت فين تاهت
آدم :معرفش يلا يا بابا عشان نلحق نوصل الغردقة بسرعة و ندور عليها
سليم :انا جاي وراكو
_________
تقي و ريم قاعدين بيعيطو و المشرف لسة بيدور عليها
تقي :تفتكري لينا هترجع
ريم :يارب قولي يارب ان شاء الله هترجع
تقي:يا ريتني ما كنت سيبتها تروح لوحدها ياريتني كنت روحت معاها
ريم :نصيبها كدا بس ان شاء الله لينا هترجع هي اكيد تاهت
_________
لينا كانت قاعدة علي السرير بتفكر هي مين و هاجر بتتفرج علي tv و حبيبة مع أميرة بيحضرو اكل
و عمر كان قاعد في اوضته مع محمد
عمر :اللي انا عملته ده غلط و لا صح ... ضميري بيانبني عشان معترفتلهاش يا محمد
محمد :ولو كنت قولتلها انك انت اللي خبطها عارف كان هيحصل ايه .... كانت أول حاجة هتزعق و تدعي عليك و تقولك انت اللي دمرت حياتي حتي لو مش قصدك بس انت اللي خبطها كانت هتسيب البيت و ممكن تروح القسم تبلغ عنك و تدخل نفسك في سين و جيم
عمر :و الحل ايه يا محمد انا خايف اوي و هي هنعمل ايه معاها دي لا عارفيناها اسم ولا عنوان ولا اي حاجة
محمد :انا شايف أنها تقعد كام يوم لحد ما نشوف اهلها فين
________
أميرة و حبيبة حضرو العشا و جهزو السفرة
أميرة :حبيبة اطلعي اندهي البنت اللي فوق و عمر و محمد عشان ياكلو دول اكيد يا حبة عيني علي لحم بطنهم
حبيبة :حاضر يا ماما
حبيبة طلعت ل عمر و بعد كدا دخلت عند لينا
حبيبة :احم ... احم
لينا بصتلها :أيوة
حبيبة :بصي انا و ماما حضرنا العشا يلا عشان تاكلي
لينا :لا شكرا مش جعانة
حبيبة :بس انتي مكلتيش حاجة و اكيد جعانة
لينا :شكرا لو جعانة  هقولك بس ماليش نفس
حبيبة :طب ممكن تعتبريني اختك او صاحبتك و عازماكي علي العشا
لينا :صدقيني مش جعانة
حبيبة :مفيش حاجة اسمها مش جعانة ولله انتي جعانة بس مكسوفة و عارفة ان مالكيش نفس بس حرام لازم تاكلي حاجة انتي كدا هتتعبي
لينا :انا مش جعانة ميرسي لو جعانة هقولك
حبيبة :ماشي شوية كدا و هجبلك اكل
_________
آدم و سليم و يوسف و نجوي كانو وصلو الغردقة و قابلو مشرف الرحلة و تقي و ريم
آدم :يعني مش لاقينها ازاي
المشرف :يا استاذ آدم احنا دورنا في القرية السياحية كلها و الغردقة كلها و مش لاقينها للاسف
يوسف :يلا يا آدم نبلغ البوليس نروح أقرب قسم هنا
تقي :احنا هنيجي معاكو انا و ريم
آدم :اركبو مع سليم  في العربية

سليم و آدم اتحركو بالعربية
______
حبيبة و هاجر و أميرة و محمد و عمر بياكلو لكن عمر مش بياكل
أميرة :يا بنتي طب ناديها تاني تتعشا معانا
حبيبة:يا ماما هي مش راضية
هاجر :ما خلاص يا ماما احنا هنتحايل عليها أن شاء الله عنها ما كلت
حبيبة :عيب كدا علي فكرة بطلي اسلوبك ده بقا
هاجر :يا شيخة اتنيلي
أميرة لاحظت ابنها مبياكلش :عمر انت مش بتاكل ليه و سرحان ليه
عمر:ابدا مش جعان
محمد :كل يا عمر ان شاء الله كل حاجة هتتصلح و نوصل لأهلها
عمر :امتي بس و ازاي
محمد :مع الوقت هتفتكر ..... الحمد لله انا شبعت ولازم امشي عشان اتأخرت جدا
عمر :خليك يا محمد
محمد :لا يا معلم انا شبعت هجيلك بكرة بقا
عمر :ماشي
_____
لينا قامت من علي السرير و راحت وقفت عند شباك الأوضة و فتحت باب البلكونة و دخلت و كان المنظر جميل اووي و الدنيا كانت بالليل و الجنينه بتاعة الفيلا كان شكلها حلوة و الانوار اللي فيها شكلها تحفة
لينا وهي واقفة سرحت وقعدت تفكر في حالها
لينا لنفسها :يا تري يا ماما انتي و بابا عاملين ازاي دلوقتي طب و اختي و اخويا طب هو انا عندي اخوات ولا عندي اب ولا ممكن معنديش اهل
_________
آدم وصل القسم هو و سليم و تقي و ريم و يوسف و نجوي
آدم بيكلم الظابط
آدم :لو سمحت عايز اعمل بلاغ عن اختفاء اختي في الرحلة و ده اسمها و دي صورتها
الظابط :اختفت من قد ايه
تقي :انهاردة الساعة 2 بعد الظهر يعني
الظابط بيضحك :انهاردة و الساعة 2 الظهر لا ده انت بتهزر بقا يا معلم
آدم بعصبية :هنهزر معاك ليه بقولك اختي اختفت ياريت حضرتك تاخد الإجراءات و تعمل محضر عشان نلاقيها
الظابط :اسف مينفعش واضح ان حضرتك مش عارف القوانين
يوسف :قوانين ايه
الظابط :لازم يعدي 48 ساعة علي اختفائها ساعتها هنقدر نعمل الإجراءات
آدم اتنرفز و مسك الظابط من قمصيه بقوة
الظابط :انت مجنون
آدم بعصبية :أيوة مجنون اختي اختفت من الضهر وانت بتقولي استني يومين
نجوي :سيبه يا آدم سيبه يابني
آدم :اعمل الإجراءات بسرعة ... بقولك اعمل
الظابط :لولا اني مقدر حالتك دي كنت اتخذت إجراء مش كويس عشانك
سليم بنرفزة :ازاي نقعد يومين عارف يعني ايه يومين يعني هتكون اتخطفت ولا حصلها ايه مش قادر أتخيل هي فين دلوقتي
آدم بعصبية :ازاي ازاي بتقولو انكم بتحمونا وانتو بتضيعونا ازاي يعني ايه استني يومين عشان حضرتك تفتح محضر وقتها اختي هتكون رجعت يعني انتو ايه مش بني أدمين زينا لو اختك مكانها هتسيبها يومين
الظابط :صدقني دي إجراءات مينفعش تتغير انا مقدر الحالة اللي انت فيها دي بس ممكن تستني يومين يمكن ترجع بص يا أستاذ آدم ممكن حضرتك تسيب رقمك وانا بعد يومين هاخد إجراءات و أبدا ادور عليها
يوسف :ماشي يابني اتفضل ده الكارت بتاعي
الظابط :وانتو دورو عندكو ممكن تكون رجعت او  اي حاجة
ريم :فعلا الظابط عنده حق ممكن تكون في دمياط احنا وجودنا هنا مالوش لازمة يلا نرجع ___________
أميرة :يا حبيبة انا عملت الساندويتشات دي ل للبنت اطلعي ليها و خدي العصير ده
حبيبة :ماشي يا ماما
عمر :انا طالع انام .... وانتي يا هاجر مش وراكي مذاكرة انتي في 2 ثانوي
هاجر :بتفرج علي tv و هطلع أذاكر
حبيبة :هي هاجر بتذاكر اصلا .... يلا انا طالعة اوديلها الاكل
هاجر في سرها :بت رخمة اوي
________
حبيبة طلعت ل لينا و لما دخلت الأوضة صرخت و الصينية وقعت منها و فجأة ......
يا ترى ايه اللي حصل