الحلقة 12 (رواية بداية حياتي معاك )
انا اتأخرت بسبب اني ضميت الحلقتين مع بعض يعني كبرت الحلقة و الأحداث
وقفنا عند
عمر :ماتتكلمي يا حبببة هاجر عملت ايه
حبيبة : لا دي الآنسة هاجر اختك يدوب بس ..
( هاجر حطت ايدها على دماغها ومش مستوعبه العقاب اللي هيحصلها و خصوصا أنها عارفة اخوها كويس !!! )
عمر : يعني عملت ايه يعني ؟؟؟
حبيبة : تحبي تقوليلهم انتي ولا اقولهم انا ؟؟
( هاجر باصه على الشباك ومكسوفه تحط عينها في عين امها واخوها .. )
حبيبة : يعني اقول انا صح ؟ على فكره هتبقى احسن وأخف وأهون لو قولتي انتي .. ولا جرائتك مبتطلعش الا من ورانا ؟؟
اميرة : اخلصي وقولي حصل ايه
لينا :قولي يا حبيبة في ايه
عمر بيوشوش لينا : تراهنيني على 100 جنيه ان الموضوع هيطلع تافه ؟؟
لينا ضحكت ضحكة صغيرة و بترد عليه بوشوشه : اتنين جنيه بس
عمر : Done
عمر بصوت عالي : ها احكي حصل ايه
حبيبة : الست هاجر دخلت عليها الأوضه وكانت بتتكلم ف التلفون .. عارفه كانت بتكلم مين ؟؟؟ بتكلم سيرين صاحبتها وبتقولها أنها مبتحبش لينا
عمر في ودن لينا : انا ليه وافقت على الاتنين جنيه ؟؟
عمر : طيب وايه الجديد يعني ؟؟؟ مامعروفه ان هاجر مش بتطيق لينا من ساعت ما ايجت هنا .. نعمل ايه احنا بقى ؟؟؟ هتجرجرينا كل شوية عشان تشكيلنا منها ؟؟؟
لينا اتضايقت و خصوصا انها صدقت هاجر لما صالحتها
حبيبة : بس متوصلش انها تقول كدا للغريب .. تقولنا كدا ماشي
عمر : البنات و دلعهم بقى انا نازل تحت اعمليلي العشا يا ماما
اميرة : مقولتليش عاوز تاكل كريب بالشاورما ولا بطاطس محمرة و بانيه محمر ؟؟
عمر :كريب و شاورما
حبيبة : تصدقو انا غلطانه اني خايفه على مشاعركم .. انا غلطانه ولله ...... ماما انا عايزة بانيه
لينا بصت لهاجر بحزن و نزلت معاهم
___________________
( حبيبة قفلت باب الاوضة من هنا .. و هاجر جريت عليها حضنتها من هنا )
_____________________
آدم : قومتوا ليه
ريم : معرفش تقي قا
تقي قطعت كلام ريم :اصل انا
سليم ايجا عندهم و استغرب أنهم قامو من مكانهم
سليم :ايه انتو رايحين فين انا طلبت الايس كريم
ادم:معرفش تقي قامت
تقي: مفيش يا ادم انا تعبانه اووي يلا نروح
سليم:طب مش هتاكلو الايس كريم
تقي :لا يلا نروح
سليم و آدم استغربو ايه غير تقي كدا
ريم بصت لادم ورفعت كتفها : صدقنى معرفش حاجه
تقي مشيت وهي سرحانه ومش مصدقه اللي شافته و آدم و سليم ركبو عربيتهم و ريم ركبت معاها
ريم : يا توتا في ايه مالك
تقي : ولا حاجه ولا حاجه
ريم:يعني انا مش عارفاكي
تقي :مفيش يا ريم مفيش
____________________________________
هاجر و هي في حضن حبيبة : انا اسفه بجد والله مش هعمل كدا تاني
حبيبة بهدوء : احنا من امتى يا هاجر بنكلم ولاد في التليفون ؟؟ انتي في ثانوية عامه والمفروض انك تركزي في دراستك وبس
هاجر: خلاص والله توبه .. لو اتصل تاني هقوله يقطع علاقته بيا وميكلمنيش تاني
حبيبة : انتي فاكره الموضوع بالساهل ؟؟ عملتي كدا ليه ؟؟ ماهو لو انا بكلم ولاد هقول اني قدوه سيئه ليكي حتي عمر مبيكلمش بنات و بيركز في شغله بس .. بس اديكي شايفه !! عملتي كدا ليه ؟
هاجر دموعها نزلت : انتي عمرك ماكنتي جمبي في اي حاجه .. و لما لينا جات دايما مع لينا في اصغر واتفه التفاصيل انما انا ولا كأني اختك .. فمتجيش تعاتبيني على حاجه بعملها من وراكي .. انتي معودتنيش ابقى صاحبتك واصارحك بكل حاجه .. كل صحباتي اللي عندهم اخوات بيكونو قريبين منهم وبيقفو معاهم ضد كل الناس .. وانتي بتقفي مع لينا ضدي ..
(هاجر ب عياط اكتر ) عاوزاني اقلدك ليه بقى ؟؟
أنت تقرأ
بداية حياتي معاك
Romanceإلي كل قلب دق بابه الحب وأقتنع أنه لا يوجد طريق أبشر سيجمعك الله بمن أحببت " وهو على جمعهم إذا يشاء قدير" يا من يأست من الحياة وظننت أن الله نساك أبشر فالله يسمع دقات قلبك وهمسات عقلك فلا تيأس فاليأس خيانة
