نجوم الروك ⭐

حلم حياتنا ⭐⭐⭐

آلاء ومريم بنتين عايشين في القاهرة في نفس المدرسة وساكنين جمب بعض ...
بيحبوا بعض جدااا لدرجة أن كلمة صحاب قليلة في حقهم هم أكثر من اخوات 🌠

بيحبوا فرقة روك معروفة وكانوا هيتجننوا لما سمعوا إن الفرقة دي عاملة مسابقة لمدارس الثانوية ويختاروا مدرسة منهم علشان يدرسوا فيها 😻 فطبعاً المدرسة كلها فرحت لدرجة كانوا هيتجننوا المهم كلهم عملوا عروض ومسرحيات وأغاني وزينوا المدرسة بصور النجوم الثلاثة وروحوا سشوروا شعرهم وكووه وعملوا ماسكات بقى وكدة وراحوا المدرسة ثاني يوم وهم مستنيين النجوم ييجوا وفضلوا مستنيين كتيير بس ما جوش وهم زعلوا أوي ورجعوا فصولهم ولما جه اليوم اللي بعده على طبيعتهم ( يعني من غير سشوار ومكواة شعر وكدة ) ففي اليوم ده بالذات جم النجوم على المدرسة وكلهم كانوا متوترين علشان النجوم هيشوفوهم من غير مكياچ وكده يعني بس مترددوش وراحوا قدموا عروضهم كلها وكانت النجوم قاعدة على كراسي كدا عاملين زي حكام برامج المواهب 😂 وكانوا حاطين رجل على رجل وراكنين على الكرسي ومش هاممهم حد لحد ما جه دور البنات ( مريم وآلاء ) وعملوا مسرحية عن حياة الفرقة دي والفرقة عدلت رجلها وقعدت كويس وفتحت عينها على الآخر وانبهروا بصراحة بآداءهم وجمالهم 😻 ولما خلصوا النجوم سقفوا للبنات جامد ومسكوا المايك وقالوا لكل المدرسة :- شفتوا بقى ؟! انتوا كده وانتوا على طبيعتكم أحلى ١٠٠ مرة من امبارح 😂

فالمدرسة كلها اتكسفت أوي وخلص اليوم واليوم اللي بعده كان يوم إعلان النتيجة والمدرسة كلها كانت مستنية عند البوابة الرئيسية علشان لو الفرقة اختاروا مدرستهم يرحبوا بيهم .

بس الفرقة مجتش فقالوا بنبرة فيها خيبة أمل :- يمكن اختاروا مدرسة ثانية ورجعوا فصولهم ولما البنات رجعوا لاقوا الفرقة قاعدة في الفصل في المكان اللي جمب البنات على طول 😻...

_-_-_-_-_-_-_-_-_-_-_-_-_-_-_-_

ستوب ...
كدا خلص البارت الاول أتمنى تكون الرواية عجبتكم وحتى لو محستوش بإثارة فأحب اعرفكم أن البارت الجاي هيكون ناااار ☺متنسوش بقى شوية ڤوتس وكمنتات حلوة زيكم 😂⭐
يلا سلام يا بني آدمين ❤