نجوم الروك ⭐

هنسرق التسجيل

في مكتب المدير ~

المدير :- ممكن أفهم ليه سرقتوا الحاجات بتاعة المختبر؟!

مراد :- يا مستر إحنا مسرقناش حاجة صدقني  وبعدين إحنا اللي قولنالك إن اللي سرق الحاجات دي حد من فصلنا يعني لو كنا إحنا اللي سرقناها أكيد مش هنقوللك بالعقل كدا.

الناظر :- تقصدوا إيه؟ احنا لقينا كل حاجة في شنطكم يعني عندنا دليل إنكم إنتم اللي سرقتوها

أحمد :- يا مستر صدقني اللي سرقوا الحاجات لما عرفوا إن فيه تفتيش حطوها في شنطنا

المدير :- وهما هيكونوا عرفوا منين إن فيه تفتيش أصلاً

نادر :- معرفش عرفوا إزاي بس إحنا ممكن نقوللك أسماءهم لو تحب

الناظر :- مينفعش تقولوا أسماء حد طالما معندكوش دليل ضدهم

مراد :- ونجيب منين دليل؟!

المدير :- لا إحنا مش محتاجين دليل إحنا حاطين كاميرات مراقبة في كل مكان في المدرسة وهنتأكد بنفسنا.

أحمد :- أحييه أأأأقصد الحمد لله كدا لما تشوفوا تسجيل الكاميرا هتتأكدوا بنفسكوا إن إحنا مسرقناش حاجة.

الناظر :- طيب تقدروا تمشوا دلوقتي على ما نتأكد بنفسنا من هوية السارق

نادر :- طيب انتو هتشوفوا التسجيل إمتى؟!

المدير :- بكرا الصبح

مراد :- طيب إحنا هنمشي دلوقتي يا مستر

_-_-_-_-_-_-_- _-_-_-_-_-_-_-_-_

وطلعوا الولاد بس مرجعوش فصلهم وقعدوا في الحديقة يتكلموا شوية.

نادر :- شفتوا اللي حصلنا بسببكم ؟

أحمد :- ما انت كنت موافق 😏 وكنت معانا ضدهم

نادر :- مكنتش أعرف إن دا اللي هيحصل

أحمد :- أديك عرفت

مراد :- باااس 😡 انتو ناسيين البلوة اللي احنا فيها وعادي جداً قاعدين تتكلموا في الهبل دا؟

نادر :- يعني هنعمل إيه ؟! مخلاص خلصت وهنروح فيها

مراد :- لأ مخلصتش لسة في إيدينا نغير اللي حصل

أحمد :- إزاي؟

مراد :- هنسرق التسجيل

نادر :- نسرق تاني؟! انت مبتحرمش؟ مش كفاية اللي حصل ؟ بص بقى أنا مليش دعوة ومش هسرق حاجة تاني

مراد :- يا غبي لو سرقنا التسجيل مش هيكون فيه دليل ضدنا وهنخرج من الموضوع زي الشعرة من الطحينة

أحمد :- اسمها زي الشعرة من العجينة 😒

مراد :- whatever مش مهم يعني 😒

نادر :- طيب أنا معاكم بس دي آخر مرة

مراد :- يبقى اتفقنا على بركة الله 😌

_-_-_-_-_- خلص البارت -_-_-_-_-_

تتوقعوا إيه اللي هيحصل في البارت الجاي؟ 😈
شوية votes و comments حلوين كدا علشان أكمل 😇💙