✴✴✴✴✴✴✴✴✴✴✴✴✴✴✴✴✴✴✴✴
السلام: أول حاجة بغيت نبدا بيها هي نخبركم بقراري الجديد
لاحظت أنني كنضيع وقتي باش نلوح ليكم قصة فأسرع وقت ممكن
لكن ما كاين لا تفاعل لا والوا المهم القراري الجديد لي هو
أنني مانلوح شي جزء حتى توصلوا 7 ڤوت عاد نلوح الأجزاء الباقية
✴✴✴✴✴✴✴✴✴✴✴✴✴✴✴✴✴✴✴
امل : اديك البرهوشة بعدي لي من الحوايج ديالي
ايمان : هدي ديالي انا ماما خداتها لي في السيمانة لي فاتت ولا نسيتي؟
امال: لا منستش اختي لكن ماما قالت لي خوديها نتي خودي القديمة الموف الي فالبلاكر مبقيتش بغيتها.. معرفتش ماما علاش ولداتك معيا كون ها تزاديت بوحدي اووووف منك.. ماما ماما دوي مع هدي
ماما: ايمان بعدي من ختك
ايمان: لكن اماما راه ..
ماما: قلت ليك عطيها لي بغات
ايمان: وخا اماما
هدي انا واشوفو فيا ولا تا نتوما عجبتكم امل وثارت الانتباه ديالكم هدي انا ايمان الدرية لي مور امل دبا شفتوني مزيان يه، لي ديرة النضاضر، هدي انا وي عرفة غتقولو بالي امل زوينة عليا ويي كاع الناس كيقولوها وخا حنا ولاد كرش وحدة اه تزادينا فنهار وحد ويي حنا توأم نفس الكنية ونفس الام الاب، ونفس الجينات، ههههه هكدا كل صباح ختي كتبقا تعير فيا وكاع الحوايج الزوينين ديالها متبغنيش نلبس بحالها، كتقول لي بلي كنحرجها قدام صحابتها وبعد المرات كاع كتنكرني. المهم حنا توأم ها بسمية مكنت كنسمع بالي الإخوة التوأم كيكون عندهم بزاف الديال الحوياج مشتركة كيكون كيحس ببعضهم لكن هدشي ها هدرة انا ختي عمرها ماحسات بيا ولا سولات عليا وخا نكون كنموت مكتسوقش لي وتقول واش عمرها قالت لي الله يشفيك عكسي انا كنبقا مقابلها تا تولي بخيير ومع دليك عمرها ماشكراتني، حنا دابا فالسنة الثانية بكالورية علوم مكنتش بغا ندير نفس التخصص مع ختي حيتاش هي مكنتش بغاني معها لكن بابا رغمنا نديرو نفس التخصص باش نديرو لافاك وحدة ونسكنو بزوج .. انا كنقرا مزيان وعمر شي حصة مافتني كنت كنجي انا الاولى فجميع المستويات وختي كنت ديما انا الي كندوز ليها النقلة وكتجيب النقط على ظهري لدرجة وحد النهار بقيت نكتب فالورقة ديال الوساخ وعطيتها تجاوب وترجعها لي ومرجعتهاش دوزتها لصحبتها وخلتني كنبكي حاولت نستدرك ونكتب شي حاجة لكن الوقت سلا ومجبتش شي نقطة مزيانة والي زاد كمل عليا انها مشات للدار وقالت لماما بلي هد النقطة جابتها بالمجهود ديالها ماشي بحالي انا لي كسولة وكنتفلا معرفتش شنو بغا مني مزال.
