اتجمعوا كلهم في المسرح تاني يوم بيحطوا خطة الحفلة المفاجئة دي
جومي : لازم تظهروا بأحسن صورة يعني انسوا خالص صورة الشبيحة اللي انتوا فيها دي
هيتش : عايزنا نلبس بدل مثلاً
جومي : اه عايزكوا تلبسوا بدل في اعتراض عالموضوع ده
كانج : ياريس انا ملبستش بدلة من ايام فرح جوز اختي
هان : ثواني .. فرح جوز اختك ؟!!!!!!!
كانج : اه مش بيتجوز اختي يبقى لازم اوجب معاه
هان : يبقى تقول فرح اختك يا متخلف
كيو : بجد ده وقت النقاش ده
دوني : اووووووه شوف مين اللي واخد الموضوع بجد فجأة
كيو : منا متفحتش كل ده عشان شلة الصيع دول يتنططوا علينا
هيوك : اظهر يا بييييييييئة
في الحقيقة كيو كان اخر اهتماماته انهم ينجحوا او لا بس اللي معصبة حاجتين اولاً بصتهم لندى ثانياً اهانتهم للشلة اللي هو نفسه مش قادر يستوعب اتعلق بيهم امتى
شيندونج : المهم لازم تبقوا في افضل صورة زي ماجومي قال مفيهاش نقاش دي .. ثانياً اسلوب التعامل هناك
سابوه يتكلم وهيتش مال على هان
هيتش : قصده باننا لازم نبقى في احسن صورة كبنات وشباب
هان : وبتوشوشني ليه منا عارف
كيبوم : كبنات وشباب ونيللي
هان : قصدك .. احيه , استنى اما نخلص
بعد ماخلصوا كلام ادوهم بريك يستعدوا للتدريب وبعتوا نيللي وشيون يجيبولهم فطار * هو الخطة كانت انهم يوزعوا نيللي بس انما توزيع شيون كانت فكرة هيتش وكيبوم لسبب ما *
كانج : في ايه مش مستريحلكوا
هان : في مشكلة .. نيللي كمان لازم تيجي معانا
دوني : وفين المشكلة
هان : المشكلة انها لازم تبقى برضو اخر شياكة بما انها هي اللي هتقدمنا اصلاً نسيتوا انها المسؤولة عن الموضوع , وبما انها في البطاقة انثى يبقى لازم .. تلبس فستان
شهقات متقطعة ثم ضحك حتى البكاء
دوني : نيللي ؟ ففستان ؟ انته متخيل حتى
هان : ماهو عشان مش متخيل بقولكوا .. هنقنعها بالموضوع ده ازاي
كانج : موضوع ايه اللي تقنعها بيه فكك ياعم من الكلام ده مش لازم نخلي ليتوك يقدملنا وخلاص
هيتش : غبي
كانج بعصبية : وليه الغلط بقى
هيتش : عشان هتضيع من ايدها فرصة مش هترجع تاني , انته قدامك فرصة ذهبية دلوقتي عشان تخلي شيون يشوف نيللي على حقيقتها اللي محدش فيكوا مقدرها
أنت تقرأ
Super Show
Fanfictionفي عالم السوبر جونيور فيه مجرد طلاب جامعة مهيسين واتدبسوا في انهم يعملوا حفلة بقيادة واحدة مجنونة يمكن اكتر منهم فقرروا يعملوا سوبر شو .. ياترى ايه تحضيرات السوبر شو وهيتجمعوا فيه ازاي * اي ذكر لأي فرقة تانية في الفيكشن غير مقصود بيه التقليل ا...
