الوقت بيطير وفجأة بقينا الخميس .. والمسابقة ليلة السبت , تقريباً محدش نام طول الاسبوع ده والاولوية للرقصة الاساسية واللي بمعجزة اتقنوها الحمد لله ودلوقتي اخر تدريب عليها وبعد كده هيبدأ التدريب عالسولو اللي كانوا مأجلينه طول الوقت ده
شيندونج : عاش يا شباب الرقصة مفيهاش غلطة
جومي : ريووك تابع التدريب عالنفس وانته بترقص بس متقلقوش انته كده تمام اوي لو دخلتوا المسابقة هتسحقوهم
نيللي : انا حاسة اني عايزة اعيط
دوني : انا بالفعل بعيط .. حضن جماعي يا رجالة بقى
هيتش : مع نفسكوا انا رايح اشوف الدرامز وحشتني
سونجمين : استنى خلينا نخلص العزف بتاعنا النهاردة .. ندى , هنري يلا
هنري جري يجيب الكمان وندى طلعت المسرح لقت كيو وراها بعد ماجمع شجاعته طول الاسبوع ده عشان يكلمها
كيو : ندى .. مش هنتدرب عالسولو بتاعي ؟
منغير ماتبصله وهي بتجهز اي حاجة ملهاش وجود في الكيبورد
ندى : واضح ان حالياً عندي تدريب تاني لما افضى هنبقى نشوف .. ولا اقولك هبقى اعزفها واسجلهالك تتمرن عليها وخلاص
كيو : بس ...
ندى : ايوه يا هنري انا جاهزة
بصلت لكيو منغير اهتمام وهي بشوح بأيدها
ندى : انزل من عالمسرح عشان نتدرب لو سمحت
عارف احساس اما تقعد تسخن في حاجة وقت طوييييييييييل وفجأة تروح راميها في الفريزر .. في حاجات بتطق .. وحاجات تانية بتتشرخ .. كيو كان من النوع التاني .. ولما لقاها فعلاً مش شايفاه وبدأت تكلم هنري كأنه مش موجود ببطء نزل من عالمسرح وراح قعد في ملتقى البؤساء ورا المسرح لوحده بعد ماكتشف انه ضيع كل حاجة حلم بيها لأكتر من سنة وبتصرف غبي محسبوش ومفكرش فيه في لحظة جنان .. وحتى لما اعتذر مقبلتش اعتذاره
كيبوم من فوق الشجرة كالعادة : الكل بيقول انك المفروض اذكى واحد في الكلية .. واول مادخلت اعتبرت نفسك اذكى واحد في الشلة دي .. احب اقولك انك وبلا فخر اغبى واحد فيهم
كيو : انته حياتك فراغ لدرجة انك موراكش حاجة غير مراقبة الناس
كيبوم : غصب عني .. مبقدرش اقاوم الساسبينس
أنت تقرأ
Super Show
Fanfictionفي عالم السوبر جونيور فيه مجرد طلاب جامعة مهيسين واتدبسوا في انهم يعملوا حفلة بقيادة واحدة مجنونة يمكن اكتر منهم فقرروا يعملوا سوبر شو .. ياترى ايه تحضيرات السوبر شو وهيتجمعوا فيه ازاي * اي ذكر لأي فرقة تانية في الفيكشن غير مقصود بيه التقليل ا...
