زهرة ترفض الذبول

زهرة ترفض الذبول الجزء الثاني

زهرة ترفض الذبول
البارت الثالث
غدير وسام
دصعدي جلبتي صعدت نبع الحنان بلصدر واحنا ورا هو راسا حرك المرايه عليه وغمزلي اني خوووجلت كولش كالت امي زحمناك يومه ضرغام صخام هو ضرغام لاخاله على طريقي كال سويتو بابكم انتبهت يحاجيني امي اي خاله سوا ابوعلي كلي عاشت ايدج على الكيك كالو انتي مسويته شاورت علياء كتلها لا زينب ام الدعاديع سوته كال نعم كتله بلعافيه اخويه كال الله يعافيج اختي والله كلت للوالدة تسئلج على المقادير وتسويلنه زهرة لا اني اسويلكم ادلل باجر ادزها الكم كال منريد نزحمج كتله ماكو زحمه رحمه اخويه اباوع ايدة لابس حلقه تاكدت هو الي خاطب سكتت بعد وكلش انقهرت نزلت امي وعلياء دانزل كال ممكن احجي وياج هذا رقمي اتصلي بيه خزرته ونزلت خاب دطير حتى لو صاك خاطب خنب حضي دخلنه لبيت تغريد ركص وهوسه وانوب طلعنا لبيت العروس صعدنا ويا علي كالت تغريد شبيج شاورتها الصاك طلع هو عزام الخاطب تغريد جذب زهرة والله شبيج خلصت الخطوبه ورجعنا للبيت حجيت للبنات تبارك حرامات متاكدة هو زهرة شبيج اسمه ضرغام ولابس حلقه بليمين شكو بعد يله اريد انام روحن نمت والصبح كعدت بابا ريكته ومن طلع كال شبيج اليوم لاضحكه حلوة لاصوت منو مضوج زهورتي بست راسه محد بس تعبانه يله باباتي رجعي نامي لاتشتغلين باس راسي وطلعت ورا سديت الباب شفت ضرغام طلع سيارته راد يسد بابهم شافني اشرلي درت وجي وفتت رجعت نمت للضهر كعدتني امي اتغدة كعدت تغديت كتلها جبتيلي مواد للكيك داسوي لجيرانج انوب اني اشتغل عدهم امي وجع موانتي تبرعتي اني شكو اي جبتلج يله سويلهم عيب حتى اودي الهم سويت الكيك النا والهم رحت لامي نايمه كتلها هذا الكيك تودي كالت راسي موتني ودخت الاكل مسويته مرت اخوج مالح وضغطي يمكن ارتفع روحي ودي انتي زهرة لا شنو اني موعيب خلي علياء تودي علياء مقبلت تدرس لبست عباني واقدم رجل واخر الاخ متت بدمي وصلت لبابهم كوة دكيته طلعلي ولد كال تفضلي كتله بلكي الوالدة بلى زحمه صاح يوم يردوج اجتي مريه موجبيرة حلوة ومدريه نفسها ايا جذابه ياام عمير هههههغارت من المر بس هي تعبانه كالت تفضلي كتلها اني زهراء بنت ام علي هاي الكيك خاله تخبلت اهلا وسهلا تفضلي يوم كتلها لا والله اروح لزمت ايدي وسحبتني والله مترحين تعالي تفضلي هاي شيخلصها وياها مو مرة بلايس جلبت متفك خاله فدوة يمعودة ماكو جر بيه واني اجر فوتتني جوة كالت ردت اتعرف عليج امج الله يحفظها وام عمر يمدحون بيج وانوب اكلو الكيك تخبلو ماما جيبي الطريقه وسويلنه راحت جابت عصير وكعدت يمي اي زهورة تعالي يمي بلنهار وحدي واني حبيتج قبل ماشوفج كتلها ان شاء الله تحجي وسمعنا صوت ماما ماما هاي وينج يومه صوته وين اختل كلتله تعال ضرغومي بلاستقبال دخل شافني السلام عليكم زهرة وعليكم السلام كتلها يله خاله اروح ضرغام شنو اذا حضرت الشياطين هربت الملائكه زهرة لاحشاك بس ماما تعبانه وماكدر اتاخر جيت جبت الكيك كال منو سوا انتي لو زينب ام الدعاديع كتله شنو اذان فارة عندك ضرغام هههخ كال وانتي لسان لو شنو طلعت وامه وصلتني للباب كال اوصلج كتله لايمعود شسالفه هيانه بابنه كال خاف مينفتح هههه زهرة لا صلحه بابا مع السلامه رحت للبيت مو امشي لااطير شلون ضحكه شلون وجه يجيب الرزق والخير بعدني اسد باب المطبخ شفته ديدك بلباب طلعت كال امي تكول بس تريد تطلع انخبصت هاي حلويات اني جايبهم كتله شكرا اخذتهم كال رقمي جوة بلباكيت الله عليج اتصلي وراح فتت الكل نايم اني رحت لغرفتي هلا والجن الحكني رقمني الصاك زينه كولي والله زهرة والله زينه وراح تخابري كتلها انتي شبيج خاطب الولد شسوي داكه علي ظلن يحاولن يقنعن رفضت يعرفني ماحب هاي السوالف وانوب خاطب لا اني ماخرب على بنيه واكيد هذا يلعب عدت ايام على شغلة الرقم والموضوع بالي بس ماكدر هو تقريبا صادق اخوتي اشوفه من شباك غرفتي وياهم سوالف وضحك ومرات يدخلون للحديقه اوبلاستقبال مالتنه اني اضيفهم وارجع لغرفتي اختي نغم اجتي يمنا لان حامل وشهرها ضلينا اني ومحمد نتاكر على الاسم اني اريدة مهند على اسم مهند محسن عشق اموت علي هذاالمطرب وهو ييردة على اسم مطرب من ذول المطكطكين هسا زين المدري شنو اني داريتها واسويلها اكل بعدين خطيه صارت عدها ولادة اخذوها امي وابويه وعلي بقينا بس اني ومحمد كاعدين اني ويا بلاستقبال ودك فوني ركض امي كالت جابت الحمد لله وسمته مثل متردين مهند هلا هلا وهي شلونها كاالت زينه بس دكي لرجلها ماعندي رقمه دكيت عليه وبشرته وباركتله كال رايحلهم طلعت لاستقبال طلقه واطك اصبع ضربوك بوري حميد جابت وسمو مهند على العشق اشوف وجه ينطي الوان معقوله هيج انقهر كتله خاب شبيك لاتضوج عود ابني اسمي حميد عليك هو كام عليه واشوف ضرغام كاعد وراي ومدنك واني افر بجتفي وبلى ربطه ولابسه تراك ركضتزهرة ترفض الذبول
البارت الرابع
غدير وسام
ركضت وراسا جوة اللحاف عزة بعينج محمد يموتني اليوم والفشله هذا شوكت اجه وكعد خنب حضي اجه كال حيوانه من شفتي الباب مسدود يعني يمي ولد ولج مالي عين ارجع اكعد يمه رفسني وطلع راسلت الشله وحجيتلهن تبارك كالت متكلي شبيج ويا الولد هذا ولاموقف براسه حض زهرة خاب ماسكتين اني ميته بدمي وهي تذكرني دك الباب محمد كومي سوي جاي للولد كيك كتله جايه رحت سويتلهم جاي ماعدي كيك بس موالح وفطاير عجبهم بلبيت سويت اني روحي اطلع من النت واطبق دكيت الب(غدير وسام ) ونطيته لمحمد واتصلت امي اني نغمتي اغنيه ( مهند ياسارق الانظار ارتاحلك فعلا من نظرة كلبي احتار ونادا عليك اهلا انصفني يامنصفي بحبك انا مكتفي ماعندي سرا خفي سري انا معلن) خزرني محمد جاوبت ماما كالت وصلنا جهزي غرفه لاختج اني مجهزة الغرفه الجوة بصف غرفه ماما احنا مسويها مثل الهول نجمع بي رتبتلها سرير مهد ابيض يخلبل طلبته من النت هذا هنيد الكيك قلب خالته طلع محمد كال اريد بعد جاي للولد نطيته و اجوي لبست عباتي وطلعت فتحلهم الباب تلكيت اختي ويا دخلتنه طلع هو سلم وبارك وراح ضليت اداري بيها خطيه هي والنونو شلون هذا هنيد عين السيح كاعدة واجاني طلب مراسله من ضرغام العزاوي وصورته هذا شلون عرف فيسي اني مسميته زهرة النرجس دز سلام مجاوبت بعدين كال جاوبي زهراء انوب كال تجاوبين لو ادك على الرصيد عندي الرقم ترا كتله تفضل شرايد كتب الناس ترد السلام بلاول جاوبت لمن الاسلوب يكون مهذب موتهدد منين جبت رقمي وفيسي ضرغام /جبته شعليج انتي نطيتج الرقم انتظرت متصلتي تصرفت زهرة /انت موخاطب شجلبت دزلي ههههه متبعه اخباري هاي قصه من نتعرف زايد احجيلج ابعادها وانتي احكمي زهرة /معروفه راح دكلي اليتيمه ماريدها وماحبها واهلي جبروني لاعيني اولا حط علاقة الجورة بين عيونك وبعدين اصدقائك الي هم اخواني وثالثا بعد لاتراسلني ولاتجبرني احضرك دز بس سؤال منو مهند كتله مو منحقك تعرف بس راح اجاوبك مهند محسن المطرب كتب بله انتي عاقله اني متخبل صار كم يوم عبالي مرتبطه وانتي استغفر الله كال عفيه ليش مدزيتي الطريقه لامي وياج طريقة الجاي والموالح مدري انتي كلشي تسوي غير طعم تدرين محمد جابلي كوبين جاوبت ادري انت شتريد بلضبط ضرغام كتبلي اني تعلقت بيج من شفتج بلباب محتارة بلبدايه مرتاحيتلج بس من ختلتي ورايه حسيتج تخصيني مالتي اليه عمري محاس بهشي ظليت اراقب بابكم ومن تعاركتي ويا ام عمر ظليت بين الاضحك وبين اريد اطلع اجرج من شعرج وادخلج للبيت انتي بس يمي تخنسين اشو صوتج يلعلع المرة تتعذر وانتي اكلتيها جاوبته شوف لاتفتح مواضيع ام عمر يوميه تلم الزبل بابنا ومن وراها طلعت اني وصار الموقف جاوبني واكو بنيه تطلع للشارع بهذا لبسج جاوبت ردت بس اطلع الصوندة وارجع اجيب عباتي وهو انطبك خنب حضي هو دزلي هههههه حلوة هاي خنب حضي كتله منو كال جاوب انتي زهراء اني نيتي عدله وياج مولعب والله بس انطيني مجال كتله اولا اني مو زهراء اني اسمي زهرة وثانيا انت خاطب شنو النيه العدله لوياي تعلكني وتتركني علمودها لو تفسخ علمودي بلحالتين منرهم كتله موشفتني جبيرة كلت هاي فاتها القطار اقشمرها بحجايتين كال ليش شكد عمرج ليش جبيرة انتي كتله جبيرة اني عمري ٢٥ جاوب ههههههه لج والله من حجيج عبالي بلاربعين هاي شبيج اني ٢٨ واعتبر نفسي صغير ومو مال زواج والله نطيتج ١٨ هاي شبيج والله عقل عليج كتله شو انت خذت راحتك عيني يله روح وبعد لاتراسلني سديته وطفيت النت نغم تراسلينمن صار ساعه كتله البنات منو يعني كالت شله العوانس ماتزوجت منجن وحدة هي تشاقه اعرف شقاها دايما تسمينه كروب العوانس كتلها بس تبارك حجو عليها نغم يالله بلكي تفك جبستجن ههههه(غدير وسام) زهرة الله يسمع منج يكولون دعوة النفسه مستاجبه ههخخ كالت دعيتلج والله الله يرزقج بابن الحلال الي يصونج ويقدرج تستاهلين انتي تدرين امي شتكول كالت شوفن زهيرة تجيها احسن قسمه بيجن( اكعد جثير يجيك بخت جبير) كتلها هو محد مطيح حضي غير امثال امج نامي لايكعد المطرب الليل كله يغني علينه نمنا تونا حطينا راسنه وابنها عده مجس عاط ضحكنا اثنينا كتلها نغم رجلج شوكت ياخذج طولتي خيه روحي لبيتج ههههههه كالت اهون عليج اني وهنودي زهرة اي خيه تهونين بس هنودة ميهون فطيته اجاني مهند زايد اضل كاعده وياهم وانوب اعجن واخبز واكعد بابا والولد يطلعون حتى علاوي مرته ذابته عليه ابويه وعلاوي صبيتلهم جاي وريوك كتلهم اكلكم انتم المن مزوجين بله بابا ضحك وعلاوي كال ضايجه من باجر تكعد هي وياي كتله اشاقه وياك شفتكم ضايجين كلت ا ضحكم كال لا حقج مو مسؤليتج هاي زهرة اهووو ياحجايه ردي لمكانج اذا بقيت مصر حتى ابويه يكعد مرته الدعبله ويا لعد ضحكو ماتو طلعو وطلعت شفته طلع بس ماشر اليوم عود زعلا ن خب دطير