زهرة ترفض الذبول
كال اترخص سلمليلي وسدة تقرب كال نايم حبيبي منو جابج من اهلج مجاوبته مكدرت احس بلعت لساني عباله نايمه راح للحمام معقوله وياها يحجي عليه اني الي مطايقني جريت الفون اخر مكالمه ويا احلام رجعته وتمددت اجه نام بصفي حبي جوعان تكدرين تكعدين كعدت كال منوجابج زهرة/مرحت طلعت لحكني للمطبخ اني اضمله عشا اذا مموجود رتبته كال كعدي يمي صبيتله جاي وكعدت ضرغام ليش مرحتي يم اهلج موكلتي ضايجه كتله ضايجه مواطلع من بيت اخش لبيت و راحت لوقتها واعتذر اول واخر مرة متكرر بعد كال بويه زعلان الحلو والله اطلعج باجر كتله لايمعود اخاف تخجل تطلع ويايه ذاك اليوم لفلفتني وصلتنا ورحت واليوم ركض طلعت حتى ماعاتبك بس شسوي ياخي تورطت ورطه ردتلك وحدة تخدمكم طلعت مو من مستواك يله هذا الموجود كال اكلج انتي شسامعه لو ذالتنه بلشغل التشتغلي اكسر ايدج اذا شفتج تسوين حاجه متحمل خبلااتج وامي تكلي الحامل تصير عصبيه واعديلج هواي جفصين صايرة ملاحضه متكعدين يمي اذا متتعاركين شايله خشمج وماعرف شتحسين زهرة / ماحس المشكله ماحس نفسي شي ياخي متريدني شكو كسرت ركبتي تقرب مني ليش ماريدج وشلون كسرة ركبتج يعني لج انتي زوجتي وام ابني شلون ماريدج كومي للغرفه صوتنا يعلى فهميني شبيج كتله اريد انام كمت للغرفه وهو ورايه ادري انتي تذبين كلمه تكلبين كياني وبعدين تلفين راسج وتنامين لتطلعين راسها وضمين ذيلها طلعي كل الي بخاطرج اسمعج شسامعه منو شايفه بس فهميني منو يحجي براسج هاي الايام كتله محد اني اشوف ماكو داعي احد يحجي جر فوني وفتح محادثاتي ويا امي والبنات بس اني امسح مو مثله لان فوني يعلك مبي ذاكرة قويه بس البنات اخير شي دازت حجي وشقا على شغلة السوار ويضحكون على تصرفاتي كال منو هاي سلوى ذبتلها حجايه ولت عرفتها من طلعتها كل مرة تبلط شهر متنشلع جر فونه وخابرها كلها لج شمسويه احجي كلتله كلشي ممسويه خير فاتح سبيكر كلها كلتلي زهورة انتي شلون هيج تكليلها سلوى كلشي مكتلها هي شافت البوماتك القديمه يمي واخذتهم مني وسئلتني عليها كتلها يحبها ولومو معاندة جان تزوجو هي اخذتهم وتكلي احركهم اليوم والله معليه اني لادخلوني كلها لاابد مالج دخل مفارغلج هسا بس الزمج وين تولين سدة كال وينهم جيبيهم اني احركهم ضحكت كتله اي مثل الحضر القشمرتني بي وانت عندك صداقه وياها بحسابين ومراسلات وتشتكي تكلها لاتخليني ارتبط بدون مشاعر ضرغام /لج ويامن موعليج والله ذيج الفترة امي تعبت وردت اخطب سلوى متشوفيها تشيش بيج عليه ومن شفتج غيرت رائي وداعتج قبل لااعرفج وهي يوميه تدخل من حساب احضرها ودز طلب وذاك قديم مبقي لان المحامي احتاجه بلدعوة وطلب مامسحه وراها تركته لان بي تجاوزات وحجي تقرب بااسني والله اموت عليج ومن شفتج عرفت معنى الحب كتله عوفي ارتاح تعبت من التفكير واذا متتركني اروح لاهلي ضرغام خلص براحتج نمت وهو ضل كاعد على الكرسي ويدخن للصبح منام وبدل وطلع ضلينا ايام العلاقه متوترة ومنحجي ابد ويا بعض بعد اسبوع اجه جنت كاعدة بغرفتي جرني كال ميزي عاد لشوكت وشنو الي تردي احجي انتي مصدكتني لولا كتله بعدني افكر ضرغام ها كل هذا تفكير زين شوصلتي ليوين كتله ماعرف بيمن اصدك كال شوفي زوزة نطيتج وقت هوايه وهسا الج اختيارين يااما اثبتلج اني محاجي عليج ومزوجح للخدمه لاعن حب والي يجيب طاريج اكص السانه بس بعدها تنتهي وياج يااما تسدين الموضوع وتصدكيني وهاي كلش جبيرة عندي جاوبي شتختارين كتله قلبي بي نار متطفى وماكدر اصدك بيك ضرغام خلص لعد اختاريتي انتي كال تعالي اكعدي جاب فونه واتصل وفتح سبيكر جاوبته بنيه الو ضرغام ممصدكه داك عليه اباوع لوجه احمر وعيونه نار كلها عبير شتردين مني بلضبط اعتقد كلشي انتهى صح كلتله بشهكه وتبجي بحيث كلامها مينفهم ضرغام مداستوعب انت لغيري مجرد الفكرة قتلتني والله ميته بدونك كلها المطلوب مني شنو عبير /ماعرف ماعرف بس الي يصير حرام ضرغام عليمن الحرام اني تمسكت بيج لااخر لحضه وكتلج امي يابنت الناس انتي خليتيني بين نارين وامي جنتي وناري ماتخلى عنها وبعدين الله عوضني بتاج راسج زوجتي والحمد لله احب وكتلج هذا الكلام بطلي البنيه الي اختاريتها احبها عبير /شمدريني بيك تسويها صدوك عبالي مثل سلوى من كلت حخطبها وبطلت وامي كالت يرجعلج ويوافق بشرطج بس لاتتنازلين ومتندمه والله شلون حبيت غيري شلون حضنتها وبستها ولك حموت اني تحب غيري موجنت تكلي بدونج اموت اشو ممتت حبيت وتزوجت اخابرك تكعد تتغزلي بيها ادري بيك تقهرني تريد واكلك نجحت اتصل بلحنه تكلي اني اسعد انسان اليوم واني مفكرت بحزني ضرغام سمعي عبير هذا كله كلام ميفيد بعد اني وانتي انتهينا كتلج لولا عبير /كلت كلت 😢 (بقلمي غدير وسام )زهرة ترفض الذبول
وبلمحكمه لمن القاضي رزلكم وطلب ترجعون الي كلشي حتى الهدايا وسئلج اذا كنت انطيج مصرف وكلتي اي شكلتلج وراها عبير /كتلي شكد يكفيج وتبريني الذمه كتلك نص الذهب ومارجعلك باقي الاشياء ضرغام انتي اهتميتي بلمادة محسستيني خسرتيني والي ردتي اخذتي بعد عايل اني وياج عبير /بس من طلكتني متت مجنت اعرف اني احبك هلشكل الى من خسرتك تعال اخذ كلشي وازوجني واخدم امك بعيوني ضرغام الحمد لله امي ممحتاجتج زوجتي ممقصرة ويانا موجنتي تكولين حيل انتو كومه وبس شباب اخلص عمري اخدم بيكم خلص اخذيلج واحد مختلي اني مافيدج وافيدج من الشعر بيت زوجتي حامل يعني كطنه وشيليها وبعد لاتتصلين زين عبير/ ضرغام دزلي صورتها اريد اشوف الي خلتك تحبها هلشكل شلون شكلها ضرغام /مادز صور زوجتي لااحد غريب اني والشكل مو همهم المهم طيب اصلها واخلاقها عبير /ساحرتك هاي انت موطبيعي حولتك عليه خلتك من بعد مجنت تتوسل بيه منفترق كمت انت سرعت بلطلاق بس حوبتي متتعداها ان شاء الله كلها لاتدعين عليها مالها دخل لج حقيرة يلي ولي وبعد لاتتصلين سدة كال ها ارتاحيتي لو بعد اني حرف منطقت وبس ابجي ديطلع كتله وين رجع كال اششششش ولاحرف كتلج بعد هذا انتهيتي كزوجه تردين تبقين هنا مالج علاقه بي وبلبيت تردين ترحين الباب يوسع جمل تفضلي وانعل امه وابو الي يجي وراج طلع اني شسويت بنفسي وشلعبت بحياتي مو كلولج انجبي واسكتي اله تحجين انتظرته من التعب والبجي نمت كعدت الصبح ماكو دكيت علي سمعت فونه برة نايم بلأستقبال جهزت الريوك وكعدو وبديت انظف جنت خاله سطله ودامسح بلبيت طلع ركع السطله بلكاع وجر القطعه من ايدي كال موكتلج لاتمدين ايدج طلعت خاله على صوته شبيك ماما كلها هاي متمد ايدها بعد واذا شفتها تشتغل اكسرها واحرك البيت عل روسكم واليوم اجيب وحدة تنظف بدل وطلع خاله كالت شبيكم حجيتلها كلشي رزلتي ليش مو اكول عليج عاقله خوش فتحتي باب على نفسج هذا مينجرع من يزعل والله ينددج اجة جايب وحدة تخدم بلبيوت لاكني بلمطبخ اسوي غدة لزمه وذبه بلزبل عمو وخاله رزلو كله انت متريد من اكلها لاتزقنب معليك بينا هاي خدامتك تخدمك استمر ويايه هيج ميقبل مني شي كله من الخدامه بس اني مهتمه بلصغيرة والجبيرة دخلت بلشهر الثالث وبدت النساوة عندي اتعب ولعبان نفس وفوكها زعلان مني شكد حاولت ويا ولانطاني مجال جنت ابدل كدامه ومرات اتحارش بيه وهو قافل عليه ومرة كاعد اكوي بملابسه طلع من الحمام جرهم مني ودفعني حيل وكعت وصار طرف تاج الجربايه بظهر ي بس حسيته نكطع من الوجع كعدت على ركبي هو شافني وجه صار اصفر يريد يحاجيني وكبريائه يمنعه طلع صاح خاله جتي خطيه شبيج كتلها ضهري يوجعني خاله ترحين مستشفى زهرة لا بس اريد اتمدد بس يخف الالم ساعدتني تمددت هو واكف يباوع اجه عمو شبيج بابا كتله لاتخاف عمو زينه بديت احس بوجع خفيف ردت انام منه ماكو يروح ويرجع غفيت شويه كعدت على الم مينحمل عصرات وردت اتقيأ دخلت للحمام وتفاجاة بلي شفته طلعت كوة وصلت للصاله عركانه وانزف عطت خاله هو جان كاعد يشرب نركيله اجه يركض عليه خاله اجتي وعمو مبين من وضعي اني شبيه محد سئل خاله لفتني بعبايه وهو شالني للسيارة وهمام ساقها اني بس اريد امي وابجي الم بعمري محاسه بمثله تكطعت هو حاضني واني كطعت شعرة واعض بي وخرمشته اعيط لك ضرغام حموت اشتريني ولج يووووم لحكيني قبل لانوصل للمستشفى حسيت نسمة هوا باردة ضربت وجي وهديت راح الالم كله وغفيت ابتسمت لان خلصت من الوجع نمت على صدرة هو كام يصيح اسمعه بس ماكدر اجاوبه كال حاجيني شبيج زهورة تسمعيني لج يومممم ماتت متتنفس لك همام سوق لك راحت موتتها اني يوم ماتت خاله شبيك ابني شنو هذا الحجي بنيه تخربطت ضرغام /لااني ضربتها اني مو تخربطت بدون سبب خاله عزةةالعزاك وكامت تضرب بيه حسيت ارجف بردانه صرت مثل السعفه ارجف هو تخبل حاضني ويبجي وصلنا شالني ويركض(بقلمي غدير وسام ) دخلوني بعدها محسيت الى امي وابويه يمي امي الحمد لله على السلامه بنيتي الله يعوضج بابا باس راسي واني بجيت كال بعدكم صغار هسا تملون يله باباتي هذا زوجج خطيه مقهور حاجي صيري انتي اقوا منه دورت علي بعيوني مشفته بس مفسرت مشاعري بين اكرها لان هو السبب وبين ادور العزاء بحضنه لان اعرف خسارتنه وحدة وشكد جان متلهف للطفل ومحد يحس بيه غيرة دخل جايب اكل وعصايرر قدم لاهلي واجه كعد ورايه وتجاني علي فتح عصير كال شربي مقبلت جان البنج كالب معدتي كتله ماريد حذب من راسي شالني للحمام وامي جتي ورايه ذبيت البنج ارتاحيت وحسيت عيني فتحت يسولفون واني انام وافز امي بقت يمي للضهر كتبولي خروج طلعنا اباوع خطيه همام وضرغام وخاله بملابس البيت ومخبوصين ماما كلتله اخذها للبيت يمي محجه بس خاله مقبلت (بقلمي غدير وسامزهرة ترفض الذبول
تكملة البارت الثاني عشر الجزء الثالث
ماما كلتلها تريد مدارة ومتكدريلها وصلني لااهلي ميخليني امشي بس مقبلت يشلني لزمني دخلت جوة من شفت تغريد وعلياء بجيت من كل قلبي خطيه علياء ماتت ماما كلتها طلعناها من الموت عوفيها يله الله يعوضج بنتي شنو ضحكلج لعب وياج نومتني بغرفتي تمنيت انام ويرجع بي الوقت لااطلع ولااشوف ضرغام ترخصو وراحو هو حجاني كال ابدل واجيج طلعو كتلها ماما غسليلي دخلتني للحمام ولبست من ملابسي القديه ونمت بابا العصر كعدني جايبلي معلاك يله كعدي باباتي اكلي شنو مجعتي كام يسويلي لفات ويوكلني دخلو عيالي وضرغام هم كومه جايب سلم وكعد بس ميباوع بوجي معرفت احساس بلذنب او خايف احمله مسؤليه الي صار عمو كال بعد هذا الدلال متجين يمنا ابوج يوكلج ضحكت ترخصو يكعدون برة حتى اخذ راحتي بقى بس ضرغام يمي كاعد على الجربايه يمي ومدنك راسه كال شلونج هسا عندج وجع زهرة /بس من اتحرك بس مو مثل البارحه كال موقصدي ماعرف شبيه وليش هيج تصرفت نسيت بوقتها انتي حامل بجيت متحمل حط ايدي على راسه راد يطلع كتله ضرغام لاتعوفني والله محتاجتك
ماتحمل اخسرك تقرب حضني وبجى تخبلت ضرغام ياعمري ليش كال لج عبالي متي سكتي حتى النفس كطعتي دعيت بوقتها يوكع وتخلصين من الالم شكد تمنيته بس خفت عليج(بقلمي غدير وسام ) كتله الله يعوضنا ان شاء الله ضلينا كاعدين كال نعست حروح للبيت كتله تعال نام يمي ضحك كال استحي كتله موبحضني هنا الجربايه جبيرة اجه تمدد خله راسه بحضني واني كاعدة لعبت بشعرة نام اجتي خاله كالت حنروح شافته رادت تكعدةكتلها خلي نايم تعبان راحت اني هم علاجي خلاني نعسانه نمت بصفه كعدت موجوعه واون حرارتي مرتفعه ضرغام نايم حس عليه كام صاح ماما كلتله عادي نفسه تصخن وتستبرد نطتني مسكن وجيرانه تضرب ابر جابتها ضربتلي هو يمي كال رايح ابدل وارجعلج كتله لاتتاخر عليه وحسب حسابك تبات يمي كال تامرين محتاجه شي اجيبلج كتله خاله تخليلي ملابس ضرغام شنو ناويه طولين باجر ترجعين للبيت الصخونه فكنتي من ماما غسلتلي امي كالت شجاج مو على اساس حمل قوي حجيتلها بس مكتلها دفعني كالت وحتى لو مزوج علمود امه المريه هي تحبب نفسها زهرة /لا ماما اني ضحكت عليه طفله ومشيت ورا كلامها خسرت ابني وردت اخسر زوجي كالت عفيه بنتي بعد جري اذن اسمعي منا وطلعي منا لاضلين تنقنقين وتعاندين ترا الرجال خلكه ضيك ميتحمل وذيج تتوسل يرجعلها ويعوفج يلعوبه زهرة /اهووو لاتخوفيني/ غير اوعيج يايوم ماخوفج اجوي الولد بليل ويا ضرغام عزام باس راسي كال الحمد لله انتي سالمه وهمام هماتين احلام خابرت كالت راح اجي اشوفج تعشو يمنا وطلعو ضرغام رجع اني رايح تردين شي زهورة /موكلت حبات يمج دخل حبي صعبه استحي باجر اجي اخذج والصياغه ولد صديقي يرمم بمحله راح يستلم مكاني وماطلع باوعتله ضرغام ها اروح زهورة / روح الله وياك ضرغام وربي طفله انتي شبيج شتردين خابري اني يمج ليش مترحين ويايه مدام ممتحمله فراكي زهرة /باجر ان شاء الله ضليت وحدي لزمت بطني حسيت مووبس هي فارغه حتى حياتي فرغت جنت احسبله يوم يوم بجيت شفته كبالي لزم ايديه شبيج ليش تبجين خبله باقي يمج تنامين واروح يله تعالي نومني على صدرة كتل لخاله لاحد يزعجنه بعدج مصخنه راسج دافي نامي حتى ترتاحين كتله بس يريدني انام يريد يلحك على النركيله ضحك ههه لو لسانج هذا يصخن وياج بس مبي شي باجر احلام تجي من الصبح همام يجيبها زهرة /هلابيها وانتي تجين شوكت كتله كيفك ضرغام اذا كيفي هسا نروح ويشم بيه اويلي مشتاق لهلريحه الطيبه اموت على ربج الخلقج لاتبجين بعد ولاتتزعلين وتخليني ااذيج فدوة لقلبج باسني من شفتي كتله شبيك ضرغام ميصير ضرغام شمسوي بس بوسه وانتي اكلج بابا اني رجال ماسيطر على نفسي خلي اروح لبيتنه متخليني لعد تحملي اصبر نفسي بلنواشف /زهرة /لايروح احد يجي شبيك ضرغام لعد نامي حضنته حيل كتله راح انام ضرغام هههه هاي القاء قبض مونومه لج فلتيني حتى اروح بسته من ركبته كتله يله روح ضرغام زوج الي يروح تعالي اليوم منقص حنان اني كعدت الصبح ملكيته تغريد دورين على الحب طلع من الصبح وجابلج ريوك يكول الضهر اجيها خلي
تجهز نفسها اجتي ام عمر يمي مشوفج صرنا شنو ضرغام حاجزج صايرة صفرة وضعفانه شنو متعبيج كلتلها ماما لاطرحت طفل ام عمر يايوم حسدوج المنطقه كلهن يحجن بيج يكولن شلون قسمه زهرة /يجن ياخذن حضي الحمد لله والشكر ام عمر /شبيج ممرتاحه زهورة /لاخاله مو ممرتاحه بس الناس متعوفني وعلى كولتج حاسديني دنحجي جتي تغريد كالت اجه ضرغام دخل سلم كال يله نروح اخذ جنطتي ورجعلي ام عمر الله يعوضكم يوم الحمد لله على سلامتها ضرغام اشكرج خاله الله يسلمج اشيلج باوعت ام عمر عيونها تريد تطلع كتله لا شنو القضيه امشي
أنت تقرأ
زهرة ترفض الذبول
أدب نسائيقصتنا تتحدث عن فتاة وصف مقايس مجتمعنا تعتبر عانس نوصف يوميات حياتها بشكل رومانس فكاهي هادف
