طلعنا نضحك احلام هلهلت وخاله كيفت هوراح يم الولد خاله جتي بوستني يومه فدوة لبنتي العاقله كالت اهلج ماكو اتصلت بامي كالت جايين وصلو وطلعنا بلسيارات جتي خالته وسلوى واختي علياء ويانا كال وين عباتج باوعتله لاحباب هو من السيارة للبيت وخطوبه بس اني بلعبايه نزل جابها واجه لبسيها وهناك نزعيها خليتها على جتفي لزم ايدي وباسها خليها على راسج ضحكت متصيرله جارة ابد خالته كلتله على كيفك شدعواك خانك البنيه لتروح تهج منك مثل غيرها ضرغام متهج حبيبي تموت عليه حتى لو اكوناس حاولت ورادت تهججها مكدرت واخر محاواله قبل كم يوم باوعتله مفهمت شيقصد بس وداعتج خاله متكدر يجي يوم احاسبها عليهن وحدة وحدة سلوى وجها كام ينطي الوان كلتله خالته المن تقصد ضرغام كلمن يعرف نفسه شمسوي والاخبار الي جاي توصل اول باول عرفت منو يوديها وصلنا لبيت العروس جان راقي وجبير وكعدونا النساء بجها والرجال بجها منار لابسه فستان احمر مكشوف وضيق تجنن طالعه كعدنا علياء شبي رجلج كتلها ولج هاي الكاعده مصيبه يوميه تسوي مشكله علياء ههه بس خطيه باكت طن هوا من رجلج يومه يخوف هم يضرب ضحكت كتلها لا ابدا تمت الخطوبه وبدينا نصور بعدين اجوي الكل انجمعنا اخذنا اني وضرغام علياء كومه اخذت النا صاحتلي امها رحت كالت تساعديني هاي بنات اختي ملتهيات بلركص والتصوير صحت لعلياء وبدينا نقدم وياها كيك وعصاير كالت شلون مخليتهم يحبوج هلشكل علميها لبنتي فدوة هاي فطيرة باوعتلها شتقصدين خاله المحبه من الله موتعليم اني جايه وياهم على حب الله واعاملهم مثل اهلي خلي تصرف هيج يشيلوها على روسهم وهم ماعدهم شي كالت ميخالف انتي وياها هاي طفله زهرة /ادللي خاله بطن عيني وترخصنا بقى همام بلبيت خالاته كلبو الدنيا ركص اني وحلومه متنا تعب بدلنا لبست الاحمر الجابته خاله قصير خابرته كتله حطلع هيج فتحت كامرة كال جايج لاتطلعين اجه كال ولج شنو هاي منو جايبه كتله خاله كال امي ذواقه بس تطلعين بي ولج اموتج كتله بس خالاتك وعماتك منو والولد محد يدخل كال يله بس جواريب شي رجليج طاله طلعت ستريج قصير ابيض ولبسته طلع فدشي هسا تمام كال اي خذنا كم صورة بلغرفه وطلعنا بعدها بدو يجهزون للزواج احلام راحت وكالت بيوم الحنه اجي العروس وامها يجون يشوفون اي حاجه يشتروها خاله قبل العرس كاعدة ضايجه جيت يمها شبيج ضحكت كالت والله ولامرتاحه لهاي منار مثل طينة عبورة كتلها خير شفتي كالت ششوف بعد يوم كالت هاي موراحه ودور فخفخه وطلعات مومثلج على كلشي دقق وتحقق موانتي جبناج يوم كلتي هذا اي هذا لا والله هاي كلاص مي متنطيني بست راسها لاخاله اني يمج وتحتاجينها هي او غيرها كالت لا انتي ماكو منج بست راسها لعد لاتضوجين الله لايحوجج لاالي ولالغيري ويهنيج بصحتج (بقلم غدير وسام ) صار زواج همام وحفله تخبل وزفيناهم للفندق ونفس الاستقبال مالتي سولهم ضلت للسبعه متطلع بس للحمام والاكل اسوي واودي للغرفه بحفلتها وحدي لان احلام راحت ثاني يوم مكدرت خاله ويايه بس متكدر بليل كتله رجليه ورمو حموت جاب مرهم وخلالي مقبلت دتعالي شبيج كال من باجر هي تعاونج بعد لان المريه الي جابها تركتنا تمرضت بس ضرغام يوديلها كل فترة مبلغ كال موجنج سمنانه باوعت كتله وين اصلا هلايام تلعب نفسي وماشتهي الاكل من البارحه لليوم اكلت بس كيكه وهم مكملتها جيت نمت كتله متريدني اسمن ضحك لاتصيرين بطه اني اريدج تسمنين مثل من شفتج اول مرة دبدوبه هنا ضعفتي زهرة /من قهرك اندار عليه اني اقهر بيج لوانتي تعاندين نمت على صدرة ضرغام اكلك شي عفيه يصير بينا شي تزعل تضايق بلغرفه عيني مو كدام مرت اخوك عيب تحاسبني ضرغام ادللي حب كعدت دايخه وتعبانه سويت ريوك خاله كالت شبيج كتلها طلع تعب العرس كوله هسا عليه ضحكت الله يعينج يوم حبيبتي منو النه غيرج راحت كعدت العرسان واني كعدت ضرغام انجمعنا على السفرة عمو وعزام طلعو رحت جبت كتلي الجاي همام كلها منار ويا زوز كلتله ماعرف وين الاشياء كلها تعلمي من اليوم هي ان شاء الله ضرغام حضرتله لبسه وكعدت على الجربايه دايخه تمددت طلع شافني كال اكلج انتي حامل اني كعدت ها شنو كال وااله مثل ذيج المرة خلصتيها دايخهم اني راسا مغصتني بطني خفت اتذكرت الوجع والاجهاض ومحسيت بشي بعد فتحت عيني بلمستشفى دخلت الدكتور ه كالت حامل بدايته ماعدها شي تكدرون تاخذوها طلعني لازمني وامي ويايه مخابرعليها كال ها شكتلج ضحكت امي شبيكم كلها اني عرفتها حامل اني ميته خوف كعدت ليورة بحضن ماما وارجف سئلتني بهمس شبيج جاوبتها اخاف ماماسكتي بلبيت احجي وياج رجلج يباوع وصلنا للبيت كللهم فرحو وخاله كالت منحجي لاحد مو مثل ذاك الحمل راحت امي اني نمت (غدير وسام)زهرة ترفض الذبول
امي راحت وخاله اجتي كالت يوم منا وغاد اجنبي رجلج شيحجي لاجاوبي ولاتعاندي تشوفي يفقد من عصبي وعود ورا ميأذي يتندم ويعتذر منريد نخسر الطفل لادورين ورا انتي عاقله وتاخذين الكلام صاحت لمنار يله ماما ايدج بلبيت اختج مريضه جان كلشي على وضعه حتى مواعين الريوك كمت وياها غسلت مواعين ومسحت البيت والملابس هي كلتلها خاله روحي للغرف واني اسوي غدا زهرة /لاخاله اني اسوي غدا كالت ارتاحي هم مقصرتي بلشغل اليوم اني دايخه رحت نمت كعدني ضرغام للغدا خاله مسويه تبسي دجاج وتمن وسلطه اكلنا بس نفسي تلعب من الدجاج خاله طبخها يجنن بس اني مادري شبيه اصلا خطيه تسوي التبسي لان احبه من ايدها كالت سويتلج تبسي اليوم متاكلين عمو كال بلخير بابا بس انتبهي هلمرة كتله ان شاء الله عمو الله يجعله من نصيبنا باوع لضرغام بطل خبال شويه فكر بدماغك قبل عضلاتك ربيتكم شفتوني مديت ايدي على امكم (بقلم غديروسام راجعت نفس الدكتورة وطمنتني شغلي اعتيادي بلبيت بس منار عالتني ابد متساعدني ضرغام مجنبته بشكل اعرف على ساعه يكب بدون سبب مرة سويتلهم غدا ورحت أصيح منار وهمام سمعته يعيط عليها يكلها كومي عاوني البنيه حامل وتركض لوحدها وامي وابويه اشتكو منج منار ومو داشتغل وياها هم ميعجبهم الى شغلها وهي مسويه نفسها ام البيت خلي تاكلها وبعدين شتريدني اسوي اغسل ملابس اخوانك لو امسح عوع اني طالبه كليه مو مثلها لاتقارن وضعي بوضعها كلها لعلمج زوز خريجه واحسن منج وشبيها اذا غسلتي ملابس اخواني اشو صارلها كومه تغسل مشتكت منار يمعود عوفني دكيت الباب عليهم كتله همام الغدا هي مجتي تتغدا وعادي حتخلي الشغل عليه وبليل تطلع تجي العشا حاضر وتلف راسها وتنام اغسل بلمواعين وادردم تستنكف من الملابس على اساس غاسله هي مو حتى ملابسها هي ورجلها اغسلهن ضرغام شكو دردمين رجعت الحاله زهرة /مبيه شي اجه حضني منو مضوج الحلو جنت ضافرة شعري ضفيرة لزمها اليوم حلو شعرج وتتعيقلين علينه ضحكت عليه كتله عاجبني اروح اكصه طولان ويتعبني واني صايرة روحي بخشمي ضرغام شمضايقج تكصي اني امشطه الج لكيت منار واكفه تباوع علينه هو وخر هي صبت غدا لنفسها وكعدت تاكل خلصت عافت كلشي بمكانه وطلعت جمعتهم هو محجى شي كال يله كملتي امشي تمددي ساعه زهرة جيت مبقى شي رحت خذتله جاي لكيته مبدل ومتمدد شرب جايه وكال هاي على طول هلشكل تاكل وتكوم كتله شسويلها شنو متعودة عليها اني وجودها وعدمه واحد ضرغام /ها حتى مواعينها تغسليهم ومفارق عندج كتله عوفها معليك انت احسبها مموجودة كال بسيطه نمت يمه لاتحجي عيني اعرفك متسكت كال نامي تعبتي شكد صار هسا كتله ماعرف بعداسبوع مراجعتي لزم بطني شوكت تكبر وصيرين دعبله ضحكت اذكرت امي اسميها الدعبله شكد مشتاقتلهم كتله ضرغام اريد اروح لاهلي يومين مشتاقتلهم كال من تكعدين اوديج وابقي لباجر بسته من خدة فدوة لطولك اول مرة اطلب منك شي وتوافق بسرعه اندار ضحك اها هيج صارت زهرة ههه والله شبيك صاير حباب اندار عليه وصار فوكي هسا اشوفج الحباب شلونه كتله موتت النونو ميموت لاتخافين اني خفيف مو مثل امه الدبه دفعته وكعدت على بطنه الى افطسك واعلمك منو الدبه كام يكح موتيني وخري يمعودة كتله شخبار عبير باوع هز ايدة انتي ميعجبج تجيبين طاريها وتغثين نفسج الى من تحملين كتله بداعتي تخابرك كال شعليج منها ختولي زهرة هي جينات تهيج بلحمل كلي وريحني ضحك نامي حبابه وباسني حضني ونام العصريه جهزت نفسي وكلت لخاله وداني يم اهلي بقيت يمهم يومين ماجه ولااتصل استغربت دكيت علي جاوب كتله وين كال شغل زهرة شغلةمتسئل عليه ضرغام ماعدي وكت بعدين اخابرج يله سدة وبقيت يوم بعد نفس الوضع ماما كالت زعلانه انتي زهرة لا والله كالت كومي اوديج يجوز عدة شي مشغول بدلت ودتني ماما خاله لوحدها سلمت ماما راحت كالت شنو طولتي كتلها عبالي ضرغام يجي ماكو خاله اسئله يكول اريدها ترتاح تعبانه كتلها لا شعندي تعبانه كالت رزل همام ومرته برد قلبي بيها خلاها متعرف تحجي كلها منريد منج شغل مرتي مكفيه وموفيه بس شيلي نفسج وزوجج واخر مرة تاكلين وتكومين هي شمسويه زهرة جان يمي وشافه خلت غدا واكلت وطلعت تخبل كالت عرفتج متشتكين انتي ضلينا نسولف اجوي كلهم ودخل باوع كال مريت خاله كالت وديتها كعد يمي شلونج زهرة الحمد لله منار طلعت مسلمت عليه يا هم يلوك الحمد لله من رجعت حسيت ضرغام متغير يتاخر بلشغل وهواي يخابر ويطلع من الغرفه من ادخل ومن اطلع يرجع بيها ماله دخل بيه ابد اجتي سلوى بقت يمنا وانطبكن هي ومنار حزب يسولفن ويضحكن وبلتلفونات بس خليته ينام خذت جهازة لكيته مخلي رمز رجعته بديت اخاف شكو بليل يشرب نركيله برة ويحجي بصوت ناصي تقربت حسيت ويا بنيه بس مافهم كلامه قلبي اشتعل نار ليش هلشكل
أنت تقرأ
زهرة ترفض الذبول
Genç Kız Edebiyatıقصتنا تتحدث عن فتاة وصف مقايس مجتمعنا تعتبر عانس نوصف يوميات حياتها بشكل رومانس فكاهي هادف
