آسر .. حبيبتي شوكت اشوفج تمشين على طولج فدوه رحت لطولج مو فتيتي كلبي
منار .. اسمع حجي اسر واتحسر بس شسوي اسكت واكابر مثل كل مره مالي نصيب بالحبيب .. اوووف شبعت قهر من عشت يمهم
علا .. اباوع لمنار واحس بيهه شون مكسوره ومقهوره بس شسوي مابيدي شي والله لو ماعملة عادل بيه جان زوجته لاسر واني الممنونه ماالكي احسن منهه تربي اطفالي اكيد بعد مراح اكوم لو بيه جان كمت الي 3شهور على هالكعده وبعد حتى اطفال ميصير عندي لان خطر على ظهري ممنوعه حتى لو مشيت بالقليل عشر سنوات لان 3 مرات فتحو ظهري علمود مكان الطلقه كان حرج
صح هالشعور صعب بس اتحمل لو يصير لعيون هالبنت شنو ذنبه كلنا شايلين خطيته
جاي افكر
اسر ... شو صافنه
علا .. ها .. لا .. ماكو .. بس اكول شو الاطفال ماالهم حس
منار .. ليضل بالج يلعبون علمتهم عالمكعبات واندمجو وياهن
آسر .. منار اني كلش اشكرج
منار .. على شنو
اسر اخاف احجي وتزعلين
منار .. متعوده عالزعل عادي
آسر . سويتي عليه فضل شكبره من انتي وعادل حبيتو بعض
منار .. بلعت ريكي بس اني مااحبه هوه حبني
اسر .. لو ما عايفتني جان ماشفت بحياتي الكمر هذا الكدامي
منار .. اي والله مو بس كمر عسل صافي
آسر ..و جان تزوجتو بلا متغارون من عدنه ضالين معلكين شمنتظرين
منار ... انت هيج تكول
اسر اي شكو بيه
علا .. دكافي اسر يعني انت ماعندك احساس لو شنو
اسر .. ليش ياروحي حبيتج كل هالحب واحساسي كله الج وتكولين ماعندي احساس
منار .. اسم الله على احساسك اني اروح علوشه اصعد لغرفت الاطفال يمكن اسر حامي اليوم ومتضايق من وجودي
علا .. لا شحده والله انتي ضاله يمي شعندي غيرج
اسر .. هلا والله
علا .. اييي وانت اضن تاخرت على محلك
اسر .. شنو هاي طرده
علا .. شلون متحسبه احسبه المهم تضل منار عندي
اسر.. الله يثخن لبنكم عيني اني اترخص
واسف عالازعاج
منار يمعود تعال هاي تشاقه
اسر .. ادري عيني ادري اخذو راحتكم
علا . هههههههه
منار .. ههههههههههه غير قصف
علا .. هذا ماعنده سالفه قصفج واني مقصرت بي
منار .. هههههههه مقصرتي والله
علا .. شعبالج لعد
منار .. بس والله مينلام
(اسر يتصرف هالشكل مكابره لااكثر ولااقل وحجا وياها هيج لان يعرف علا حاسه بي بمشاعره وطبعا صاير بين نارين .. موقفه لايحسد عليه حتى صار ميتواجد بالبيت ميتحمل وجود حبيبته كدام عينه وخصوصا بعد ماعرف سبب تركهه اله )
علا .. صدك منوره ليش متزوجين عادل
منار .. والله ياحبيبتي هالايام دفكر بهالشي بس منتظره كومتج بالسلامه مالي واهس والله بدونج
علا .. اووو. يمعوده خلص عمرج وانتي عايشه لانسان مايستحق وعايش لغيرج دكافي عاد مو اني من يمي خلص كلبي
منار إنشاء الله حبيبتي يصير خير
أنت تقرأ
هربت منك ... أليك
Chick-Litعندما تسرق الاحلام منك وتسلب ضحكاتك اليقظه .. عندما تدرك ان الصمت بات خيارك الوحيد .. بعد كل الكلام الذي لايمكنك الافصاح عنه . عن غدر الحبيب اتحدث
