علا .. حبيبي حتضل شايل بكلبك على عادل هذا اخوك وميخالف حتى لو غلط هوه ازغر منك عديها خلاص لو انت تندمت وبعد متحبني لان صرت عطلات
اسر .. لا ياعمري لتحجين هالشكل بس اني ضايج منه لااكثر ولااقل
علا .. يعني حنحضر عرسه
اسر .. شلون لعد اكو واحد ميحضر عرس اخو
علا .. اسر ليش متحجي وي عادل خل يشتغل بمحل من محلاتكم
تدري ابوك شايل ايده وكل الامور تاركهه عليك
وعادل حيزوج يعني حتصير بركبته مرا وبعد كم يوم اطفال
اسر .. اي انشاءالله اصلا اني بدون متكوليلي مفكر بهالشي
عيب من بنت العالم عالاقل يشيلهه ويشيل نفسه و يكبر بنظرهه مو اهلي يصرفون عليه وهوه كاعد
علا .. اي والله
منار .. واخيرا تقبلت فكرة عادل حبيبي وصار الي وملكي
بعد كم يوم نزوج ..
مناقصني شي غير اصالح اخوتي واعيش مرتاحه
من زمان ماصفى بالي وارتاح
ام اسر .. ها يمه اشوفج بغير عالم ولاكانو عروسه ولازم تكونين فرحانه
منار .. أي والله ياخاله مااعرف ليش ولااكدر اتجاوز ولااكدر افرح .. عبالك مامقسوملي الفرح ماادري شبيه من دون هالبشر ماشفت يوم راحه
ام اسر . تدرين ليش ..
ليش خاله
لانج ماراضيه تنطين لنفسج فرصه .. ماراضيه تطلعين من الماضي وتقلبين صفحه
مع الاسف منار انتي حيل ضعيفه لان الانسان القوي هوه اللي يتجاوز وينسى ويدور على سعادته وين متكون
اما انتي عاجبج وضعج تعودتي عالحزن والالم
وادمنتي عليه
لذلك مراح تنسعدين اذا تبقين هيج .. ياامي الانسان اذا مينطي من نفسه ويغير حاله هوه بإرادته مراح يوصل لمبتغى ويحقق اهدافه اما اذا ضل على حاله ماعنده اراده على قلبه ومشاعره راح يتحطم ويوم عن يوم ينهد ويصير حاله اتعس واتعس
شكو كاعده هنا صافنه ومكابله الحايط
روحي دوري اليحبج .. ترا تعب يفرض نفسه وانتي ولايمج
حسسي انتي موجوده
حيصيرلج شهرين اذا مو اكثر عدنه مشفتج يوم نطقتي اسمه حتى
حيييل بارده منار شنو انتي
ماالومج اوك مريتي بتجربة صعبه وخلاص خلصت راحت الهه سنين المنج هسه متجاوزته وحابه من جديد ومتزوجه وعندج كومه اطفال ..
اوك .. طيب ليش كومي امي .. حركي نفسج .. تلاحكي روحج قبل ما يخلص عمرج ومتشوفين نفسج غير وحدج ومحد بحالج وكلش صعب هالشعور ترا
منار .. كلام خاله نطاني دافع قوي اتغير خلت كلشي كدام عيني كسرت هواي حواجز بانيته بداخل نفسي
كمت من يمهه صعدت للشقه الجهزهه عادل لزواجنه
مسبق وان فتت او شفته او حتى رتبت شي بيهه مالي واهس
كعدت اغير بيهه
لكيت جنط وعلاليك الاشياء اللي اشتريته وخاله جابته الي ممسفطات كعدت افتحهن وارتبهن بالكنتور
ماحسيت الوقت سرقني .. بس حيل حبيت الملابس والاشياء
استمتعت بيهن ..
حتى كعدت اكدر بيهن البس وانزع حيل عجبني ذوق خاله
عادل .. واني صاعد لغرفتي شفت ضوه السويت مال زواجنه مشعول تصورت امي مصعده شغله و ناسيته كلت اطفي اضويته
.. طبعا هنه فوك اربع سويتات وواحد معزول عن الثاني بحولي كبير وممرات اثنين مستغليهن اني واخوتي واثنين جانن مسدودات فتحت واحد منهن اني وجهزته لزواجي
.. فتت داطفي الضوه حسيت حركه جوه
والاضويه مشعله كلهه
فتت للغرفه
أنت تقرأ
هربت منك ... أليك
ChickLitعندما تسرق الاحلام منك وتسلب ضحكاتك اليقظه .. عندما تدرك ان الصمت بات خيارك الوحيد .. بعد كل الكلام الذي لايمكنك الافصاح عنه . عن غدر الحبيب اتحدث
