درباتني الفيقة مع 2:30 هبطت نشرب الما وانا دايزة من حدا بيت ماما وبابا حتى كانسمع الهضرة بشوية قلت او هادو باقي فايقين ، قربت الباب بشوية وسمعت الهضرة لي كانو تايقولو ولي صدماتني وبزاااف ..
الياقوت : إوا سي جميل اش باليك فهضرت لالة نبيلة نقبلو ؟؟
سي جميل : بطابيعت الحال غدي نقبلو هو صراحة وخا كبر من قمر شوية ولكن ولد ناس وبخير وبخدمتو ودارو مالقاو ماحسن منو فهاد الوقت لبنتنا .
الياقوت : بصح ولكن قمر واش غدي تقبل هي راه باغية تكمل قرايتها
سي جميل : اشمن قراية الله يهديك زعما راه غدي تشد لينا ذكتورة خليها دير دارها قبل مايفوت عليها الحال.
انا : من بعد هاد الهضرة لي سمعت كلشي تخربق ليا فراسي مشيت البيتي كانجري وحطيت راسي على المخدة وبقيت كانفكر فالهضرة لي قالو " بغاو يزوجوني بواحد كبر مني ويخرجوني من القراية وانا عندي الباك هاد العام " حتى داني نعاس ..
سمحو ليا معرفتكمش على راسي انا قمر عندي 17 عام بنت زوينة " اسم على مسمى" عويناتي كبار وزرقين وشفار كتاف حجباني مقادين والفيم صغير ومنفوخ البشرة ديالي شوية سمرة شعري بني وطويل وعاد الفورمة تبارك الله بلا مانهضرو عليها عندي داكشي ديال كيم كارداشيان ههه لي شافني كايعطيني كتر من عمري . حنا فدار الواليدة والواليد و جوج خوتي توام محمود و احمد 27 سنة انا صغيرة.
#يتبع
أنت تقرأ
رجل بلا قلب
Romantikتدور أحدات قصة الدراما و الرومانسية " رجل بلا قلب " من بطولة قمر حول الفتاة عائلتها متمسكين بالعادات والتقاليد , تجبرها على الزواج من جارها دائب مقابل مبلغ كبير من المال فتقرر القبول بمصيرها . و تتشابك علاقتهما لتتحول الى أروع قصة حب في الأخير .
