أصبحنا وصبح الملك لله ❤
فاقت قمر فصباح بكري لبسات حوايجها وطرفات وخرجات بزربة حيت مابغاتش تgلس فطبلة ديال الفطور مع واليدها خافت لا يجبدوليها الموضع زواج وهي غادية المدرسة لقات جرتها عبلة غادية كاتجري دير سبور ( عبلة إمرأة زوينة وضريفة عندها 52 سنة واخا هكاك كاتبان باقي صغيرة ومكاتحملش لي يقوليها " خالتي " هي وعائلتها ناس لاباس عليهم ومعروفين فالمغرب
" بن جلون "راجلها رجل اعمال عندهم 3 ديال دراري و بنت صراحة كاملين متيتزين ولكن عاجبهم راسهم بزاااف بالأخص المتوسط فيهم ساكن ف دبي وكايعاودو عليه راجل خطير بزااف هو من المافيا و بزناس كبيير وحتى سميتو فشكل " دائب " ..!
لالة عبلة : قمر حبيبة صباح الخير .
قمر : صباح الخير لالة عبلة كيف صبحتي مزيان ؟
لالة عبلة : حمدالله ونتي أعروستي لغزالة 😍
قمر : عروستي ؟؟ كيفااش سمحيلي مفهمتكش
لالة عبلة : علاش ماماك ماهضراتش معاك فالموضوع زواج من ولدي ؟
قمر: أااا لا مافخباري والو انا ... ( قطعتها لالة عبلة : صافي احبيبة ماشي مشكل حتى تمشي الدار ويمكن ماماك عاد غدي تقولك تفاصيل زواج دابا سيري القرايتك راك تعطلتي
قمر : واخا بسلامة ... مشات قمر المدرستها كان عندها غير حصة وحدة ديال الماط فيها ساعتين متبعاتش gاع كان تفكير ديالها كامل فهاد القاضية زواج !! قمر : لا هادشي بزااف بغاو يزوجوني واحد من عائلة بن جلون بفففف كانكرهم ولكن شكون فيهم خوهم الكبير مزوج زعما يكون داك صلكوط ديال امين gاع البنات ضحك عليهم محااال اصلا هداك ماشي ديال زواج ولكن على حساب مقال بابا بلي هو خدام ومخصو حتى خير لااا ياكمة داك دائب اوووف على حساب شنو تايقولو عليه بلي هو راجل ماشي مزيان صافي انا مشيت فيها ..
الاستاد : قمر وا بنتي قمر 😡
قمر : أستاد نعااام 😟 ؟
الاستاد : فاش ساهية واش متبعة درس معانا ولالا مامولفلكش ؟
قمر : أااا اه متبعة غير هو راسي كايضرني شوية وصافي داكشي علاش
الاستاد : إوا مايكون عندك باس
#يتبع
أنت تقرأ
رجل بلا قلب
Roman d'amourتدور أحدات قصة الدراما و الرومانسية " رجل بلا قلب " من بطولة قمر حول الفتاة عائلتها متمسكين بالعادات والتقاليد , تجبرها على الزواج من جارها دائب مقابل مبلغ كبير من المال فتقرر القبول بمصيرها . و تتشابك علاقتهما لتتحول الى أروع قصة حب في الأخير .
