تقريبا انا فتحت الباب على نفس المكان ونفس الكائن بس المرادي كنت شايفة كل ملامحة بصلي بطريقة خلتني حرفيا أقع مكاني قالي أنا مش هسيبك ومن اللحظة ديه انتي هتبقي مننا انا اختارتك اتكلمت مش عارفة ازاي وقولتله اشمعنا انا ليه انا بالذات قالي انتي اللي كنتي دايما بتنادي اسمي وعملتي معظم الحاجات اللي تخليني اظهرلك وسمعتي كلامي حتى لما خليتك تقنعي مامتك انك متجبيش شيخ وانك متقوليش لحد على أي حلم من أحلامك طبعا هو بيتكلم وانا كنت بعيط عايزة اقول قران مش فاكرة اي حاجة مش فاكرة حتى اسمي .. -- قالي بصوت كله سخرية مني انا هسيبك دلوقتي لكن لازم تعرفي من دلوقتي انتي هتكوني مراتي وهيكون ليكي عشيرة مُسخره تحت ايدك ومشي و كل حاجة رجعت زي ماهي وأوضتي كمان زي ما هي خرجت لأهلي وانا جسمي كله بيترعش وبعيط عمالين يقولو في ايه .. ردي علينا في ايه .. كنت عايزة ارد اقولهم على كل حاجة لكن كان واقف قدامي بالظبط ووشه غاضب جدا مقدرتش افتح بوقي حتى ليهم .. - طبعا اهلي لما لقوا الوضع بقا كده جابوا دجال الاول قعد يقول من قبل ما يدخل البيت انه مسكون واوضتي مسكونه وفيها عشاير من الجن وانه هيخرجهم كلهم وقعد يرمي بخور في كل حته ويقول كلام غريب وطبعا الجن ده كان واقف قدامي وقالي من قبل ما يجي ان مفيش اي حاجة هتحصل ومش هيسيبني والراجل الدجال خد الفلوس ومشي وقال اني بقيت كويسة و لما ابويا راحله تاني الناس قالو انه مات من 4 ايام اللي هي نفس اليوم اللي جالنا فيه .....
#ملحوظة : القصة تحتوي على أسماء قبائل حقيقية من الجن وأشياء أخري من هذا القبيل .....!!! ---- """" ربما بإنتهاء تلك القصة سيسكن جفني و يكف عقلي الباطن من تخيل عزازيز للأبد وربما لا ......!!!!! - - جابولي شيخ والتاني والتالت وكان كل اللي بيعملوه بيمشو الجن وكان بيرجع تاني كل ده حصل وبيحصل لحد النهاردة انا خلاص تبعت ويأست وهو قالي طول ما انتي معايا مش هأذي حد من أهلك فأنا رضيت باللي انا فيه و وهو باصص عليا دلوقتي و انا بكتبلكوا وطبعا هو بقا بيظهرلي كل مره بشكل مختلف ساعات بيكون حلو على هيئة راجل شاب في الثلاثين من عمره بشرته بيضه وعينه عسلي وشعره ناعم وشبه البني أدمين اوي لكن لو غضب بيتحول في غمضة عين لنفس الشكل البغيض تاني فالبشرة البيضة بتتحول للون الأسود القاتم وبيكون في شقوق في وشه وعينه مشقوقة زي القطط وساعات كتير بتكون عينه كلها بيضه بس خلاص أنا اتعودت ع الشكل ده وهو وعدني انه مش هيأذي أهلي ولا هيظهرلهم بس لازم اوافق على شرطه الأول ..
