قالي بصوت كله خوف واكنه بيهمس ان سبيل خروجي من هنا بيتلخص في حاجتين أول حاجة وديه مستحيلة انك تقنعي الملك عزازيز انه هو اللي يرجعك تاني وده مستحيل والحاجة التانية البوابة .... قولتله اني بوابة ... قالي البوابة ديه اللي بتربط ما بين عالم البشر وعالم الجن واللي من خلالها يستطيع اي حد من عالم الجن ينتقل لعالم البشر أو العكس .. ساعتها حسيت بفرحة غير عادية .. بس قالي البوابة ديه عليها حراسة من أقوى عشيرة من عشائر الجن ده غير انها ممكن تفتح للجن في أي وقت للكن بتفتح من تلقاء نفسها كل 6 شهور مره ... قولتله يعني كده انا مش هعرف ارجع تاني قالي بصي ع الحيطة ديه لقيت علامات كتيره قالي انا بحسب ميعاد فتح البوابة كل مره قولتله يعني ناقصلها اد ايه قالي ناقص 10 أيام بالظبط بس هيفيد بأيه فتحها وانتي لسه محبوسة هنا ساعتها بعد عن الراجل شوية وبدءت أفكر ان ديه فرصتي الوحيدة لإني أخرج من هنا وغير انه قالي انك لو خرجتي من هنا بنفسك هتبقى اقوي من اي جن فبدءت أفكر وفجـأة ......!!!!! #الفصل التالت --- لم يكن في خيالي يوما ان عزازيز سيكون في غرفتي عند كتابة هذا الفصل ....!!!! - قالي ناقص 10 أيام بالظبط بس هيفيد بأيه فتحها وانتي لسه محبوسة هنا ساعتها بعدت عن الراجل شوية وبدءت أفكر ان ديه فرصتي الوحيدة لإني أخرج من هنا وغير انه قالي انك لو خرجتي من هنا بنفسك هتبقى اقوي من اي جن فبدءت أفكر وفجـأة دخل عزازيز من باب الغرفة الشبيهة بالسجن وكانت ملامح وشه كلها مش واضحه ونن عينه كان أبيض وكان ماسك في ايده الشمال مفتاح الغرفة وبكل غضب قالي "" أعتقد أني تركتك الكثير من الوقت لكي تفكري في مصيرك إما أن تهلكي هنا كهذا الشخص أو تصبحي زعيمة قبيلة وزوجتي .. ليس أمامك الكثير من الوقت أجيبيني في الحال ...!!! - وافقت على عرضه عشان كنت عارفة اني لو فضلت هنا مكنتش هوصل لأي حاجة وخصوصا ان ناقص 10 أيام والبوابة تفتح و ان الراجل العجوز قالي لو رجعتي عالم البشر تاني مش هتلاقي أهلك لإن اليوم في عالم الجن بمثابة 10 سنين في عالم البشر بس برده قولت مش مهم المهم اني ارجع وامشي من المكان ده ... -- أنا موافقة قولتها بصوت كله خوف خوف من حاجات كتير خوف من المكان ده خوف من عزازيز نفسه خوف من أكبر مصيبة هتحصل لإنه قال "" إذا لابد لزعيمة العشيرة أن ترى عشيرتها وأنا أأمرك أيها الخادم أن تزيح الغشاء من عينيها في التو ....!! - بعد ما قال الجملة ديه لقيت الراجل الكبير بيصوت وينادي عليا بخوف وعياط بيقول غمضي عينك .. غمضي عينك ... هتشوفي أبشع منظر في حياتك .. غمضي عيـنك مسمعتش كلامه وفضلت مفتحه أنا لاقيت إن الأوضة كلها مليانة جن وشوفت شكل عزازيز الحقيقي وكان مختلف تماما عما كنت بشوفه كلهم كان عندهم قرون صغيرة فوق راسهم بيداريها شعرهم الأسود ووشهم كلهم أسود وعنيهم كلهم بيضا مفيهاش نن عدا عزازيز اللي كان وشه أحمر زي الدم بالظبط وصدره متخيط من رقبته لحد أخر بطنه متخيط من المنتصف بالظبط بس مش خيط زي بتاعنا لا كان معمول بجلد تعابين صغيرة و رجليه كانت على شكل حوافر الماعز وكان عينه شبه القطط بالظبط بس كانت واسعه أوي .. أنا معرفش جاتلي جرئة إزاي اني اشوف كل دول بس هو قالي بصوت غليظ أول مره اسمعه "" العشيرة في انتظار زعيمتهم الجديدة "" فخرجت من الأوضة وكل هدومي اتغيرت في لحظة خروجي من الأوضة للبس ملوكي بجد .... --
