قالي كده بالحرف بصوت عالي ممزوج بالغضب الشديد أكنه بيجبرني بالظبط وطريقة كلامة اتغيرت بقت بالعربية الفصحي أنا عزازير ""ولمن لا يعرفه عزازيز يحضر فى الحمام ويكون الذى يحضره نجس ويحضر على هيئة فيل كبير ويطلب من الانسان ان يسجد له وبعدها يلبى له شروطه "" جئت إليك بناء على طلبك وأمرك أن تسجدي لي وهذا أخي دنهش "" ولمن لا يعرفه دهنش اقوى اولاد ابليس والحاكم عليهم وهو يحضر على هيئة شخص لابس عمامه وهو اسود وفى يده الشمال صليب "" وهو يريد أخذك معنا بعيدا عن هذا العالم لعالم أخر حيث الحياة الأبدية وهناك سيكون لك حكم القبائل بجانب أخوتي ذات المحاسن "" ولمن لا يعرفها ذات المحاسن هي تحضر فى المقابر ولا بد للساحر ان يعاشرها جنسيا "" و ساروخ "" ولمن لا يعرفةه ساروخ هو ابن ابليس الاكبر وهو يكون الانسان عريان ويقرأ عزيمته يحضر ويلبى له ما يريد "" -- طبعا هو بعد مقال كده انا وقعت مكاني وانحنيت ليه وانا بعيط مش من كلامه بس ولا من طلبه الغريب لا اللي خلاني انحنيله وأوافق انه لما نادى على كل اسم من الأسماء دية كان بيظهر قدامي مقدرتش أفتح عيني مع كل اسم كان بيقولو عشان عارفة مدى بشاعة المنظر كل اللي عملته انحنيت وصوت بأعلى صوتي وقعد أقول يااااااارب .. ياااا أمي .. واصوت بس تقريبا محدش سمع ومحدش كان شايفني أصلا بدليل إن امي دخلت أوضتي بعد ما انحنيت ومش شافتني مع اني كنت شايفاها وجريت عليها وفضلت واقفة قدامها وبرده مش شافتني عارفين ده معناه ايه .. لا يارب ميكونش ده حقيقي يارب مكونش روحت فعلا .. لكن كان دعايا متأخر انا بالفعل بقيت في العالم السفلي هو قالي كده وحبسني في مكان مش عايزة أقول مهجور لإن مهجور ديه كلمه قليله المكان ده مش بيدخله شمس او يمكن اصلا مفيش هنا شمس المكان مظلم نسبيا وكانت ريحته وحشه اوي فضلت قاعدة ضامة رجلي علي صدري وبعيط لحد ما في واحده دخلت عليا كان لونها قمحي شويه وماسكه في ايدها عمود من النار .... - قالتلي انتي جعانه مردتش عليها وكملت عياط وانا لسه خايفه قالتلي متخافيش انا مش هأذيكي أنا محبوسة هنا من زمان ولسه هتكمل كلامها لقيتها قامت بتجري على شمالي و بتقول بصوت مستعجل وخايف اوي انا لازم امشي .. لازم ميعرفش ان انا شوفتك .. لازم ميعرفش ان انا شوفتك وانا بدقق فيها النظر جامد وهي عماله تبعد وتبعد لحد ما الضوء بتاع النار اختفي روحت بصيت قدامي بقلة حيلة لقيته قدامي بالظبط بيضحك بسخرية وبيقول انتي شوفتيها ؟! قولتله شوفت مين لا لقيته هيغضب قولتله صدقني مشوفتش حد قالي طيب تعالي وفي ظل ما انا ماشيه معاه مكنتش شايفه أي حد خالص مع انه كان عمال يقول أسامي شمهروش واسامي غريبة قالي انتي اكيد مستغربة انتي مش شايفه ليه حاجة كنت خلاص بقا بطلت عياط و عرفت اني مش هخرج من هنا فقولت ليه قالي انا حجبتهم عن عنيكي مؤقتا بس لو مش سمعتي كلامي مستعد اخليكي تشوفيهم .... - وصلنا للمكان اخيرا كان شبه القصر بعواميد ممكن تصل الي 1000 متر وشكله واسع جدا سابني ودخل جوه انا اول ما سبني روحت جريت بأسرع حاجة عندي جريت بس مش عارفة اروح فين ووبص ورايا عشان اشوفه جه ولا لا ملقتوش لانه كان في وشي مسكني بالعافية ودخلني جوا وقالي انا ممكن اخليكي خادمة هنا وممكن اخليكي زعيمة استسلمت للوضع ودخلت اتجبست في حاجة اشبه بالسجن مع راجل يفوق من السن 90 سنه ومع الوقت بقيت باكل وبشرب والراجل ده قالي حاجة هو اكتشفها هنا وممكن تكون سبيل خروجي الوحيد ......
