اسمها طيف

يا تري هتوافق

طيف بعد ما قفلت الباب في وش حسام

طيف :انا مش عارفه هما مستحملينك ازاي .. شوية بلاوي بتتحدف علينا اعوذ بالله

من ناحية اخري

حسام :يا خرابي زي القمر بس دماغها يا باااااااي .. والله ما اعرف انا حبيتها ازاي

بس مسيرك يا سمك تروح للصناره

--------------------------

هادي دخل مع سليم علي اوضته عشان يقوله ان حسام عايز يتقدم لطيف

هادي: خير

سليم :لا خير ان شاء الله

هادي: ايوا

سليم :طيب هو الموضوع حساس شويه

هادي :خلص يا سليم في ايه

سليم :مانا هاقولك اهو بس مش عايزك عصبي

هادي: فاضل شويه واطلع الي فيا فيك

سليم :خلاص خلاص .. انت عارف حسام

هادي :اه ماله

سليم :انت عارف طبعا انه عنده فندق مشهور وشركات وتوكيل عربيات

هادي :ودهب وياقوت ومرجان .. ايه يا عم فيه ايه ما تلخص

سليم :بصراحه كده هو عايز يتجوز

هادي: ايه ده انت فاجئتني .. معقوله بالسرعه دي .. هو فعلا مش هيلاقي انسب مني انا كان قلبي حاسس انه مركز معايا اوي

سليم: ايه القرف ده

هادي: قرف! انت لسه شوفت قرف انا مالي يا عم هو عايز عروسه ولا لا

سليم: لا في دي مالك ونص اصلها معرفه

هادي: حد من بنات العماره .. مافيش غير اختك صفا ودي ماليش راي فيها وانت واهلك موجودين

وسيدرا ودي مستحيل اوافق علي جوازها منه لان عيني عليها

سليم: انت ليه موقع اختك طيف من اللسته

هادي: طيف اختي انا ! ده انا بقولها يا عبد المجيد ! ازاي يا جدع .. اختي مش بتاع الكلام ده

سليم: هو انا بقولك يشقوطها بقولك جواز

هادي :بعد ثواني صمت ..انا والله معنديش مانع هبلغ ماما وبابا بس انا متاكد ان الراي الاخير هيبقي لطيف

سليم :علي بركه الله اقوم اروح ابلغه

هادي: بالسلامه هوينا

----------------------------------------------------------------------------

في هذه الاثناء

كانت طيف نازله تجيب حاجات للبيت وهي خارجه من باب الشقه شافت حسام ساند علي الحيط الي جنب الباب وربع ايده وهو مركز مع عنينه