,🎀#مابين #الحب #والكبرياء🎀
💕بقلمي _princess shosho🎀
🎀شهد الراوي🎀
البارت الثاني
شذر بعد ماطلعت الاولى ع الجامعة وتحقق حلمي انو اكمل ماجستير رحت بشرت اهلي واهلي كلش,فرحو بس بنفس الوقت جنا مترددين لان لازم نسافر خارج العراق واكيد مراح يقبلون اسافر وحدي وقرر بابا انو نسافر كلنا ونأجر بيتنا هنا ونطلع للاردن طبعا مرت 3 اشهر بالعطلة ياسمين واهلها سافرو ورتبو وضعهم واحنا قررنا بعد اسبوع نروح ونرتب وضعنا شفنا مستاجر لبيتنا وانطينا موعد استلام البيت براس الشهر واخذنا مقدم منه مال ست اشهر حتى نمشي حالنا بي لان غربة ومانعرف شيصير ,,خلي انووه ع شي جنت بالكلية هواية شباب يدورون علاقات بس اني ابد مافكرت اخون ثقة اهلي واضيع تعبي وقررت اكمل واشتغل واعين اهلي واعوضهم ,,,اجا موعد سفرتنا
وسافرنا وحبيبتي ياسمين مقصرت استقبلتنا بالمطار وحاولت تاخذنا ابيتها بس,بابا رفض وكال ننزل بالفندق مؤقت الى ان نشوف شقة وفعلا نزلنا بالفندق وجنا ميتين تعب وطلبت من ياسمين تسالنا ع شقة نظيفة وع كدنا ومناسب سعرها كالت اوك بعيوني وكالت اخلي بابا اليوم يشوفلكم ,,ثاني يوم الصبح كعدت ع تلفون يدك شفت ياسمين كالتلي حبي بابا شافلكم شقة وكلش مناسبة والاحلى تبعد عن جامعتج ربع ساعة كتلها صدك كالت والله تحظرو خلي اجي اخذكم تشوفها كتلها مشكورة حياتي تعبناج كالت لاتكولين هيج انتي اختي اجت ياسو واخذتنا فعلا الشقة كلش زينة ومؤثثة والاهم سعرها مناسب صح هي صغيرة بس ماشي حالهااهم شي الستر سوينا عقد ودفعنا 6 اشهر ايجار مقدما وبقى عدنا خير من الله ندبر حالنا مرت ايام ورتبنا وضعنا وصار موعد روحتي للجامعة اتفقنا اني وياسو نروح سوا كعدت الصبح بدلت لبست بنطرون ابيض وبدي اسودد وسترة بيضة وحذاء اسود وخليت شوية مكياج وطلعت صح ملابسي مو ماركة ومرات اخذ باله بس اعرف انسق وارتب نفسي وميهمني حجي الناس رحنا للكلية وقدمنا اوراقنا ورجعنا تعلمت الطريق من ياسو وكتلها خلص بعد لاتكلفين نفسج لازم اعتمد ع حالي حبيبتي ياسو اعترضت بس اني اصريت عليه
أنت تقرأ
مابين الحب والكبرياء
ChickLitعندما ينولد الحب في وسط المجتمع وخصوصا بين طبقتين مختلفتين هل ياترى يتغلب الحب ع الفروق الطبقية
