مابين الحب والكبرياء

part 12

#مابين_الحب_والكبرياء
💕بقلمي _ Princess Shosho
🎀 شهد الراوي🎀

البارت الثاني عشر  والاخير
شذر شفت جود وامه جاين بس مبتعدين عن بعض ما اهتميت اجا جود سلم وكالي اي حبيبتي اسمعج كتله اول شي خلي احجي ويا امك وانطيها الامانة ذبيت جنطت الفلوس كتلها خالة عمر الحب والكرامة وعزة النفس ماتنقاس بالمال هاي فلوس ابنج وحسبيها لهنا اني وياج تصافينا واني بعد فترة راح ارجع للعراق لايضل بالج ع ابنج  رجعت ع جود كتله حبيبي انت اول انسان حبيته بحياتي بس اني كتلك من الاول احنا من عالم مختلف المهم اني اشكرك واتمنى تنساني بس قبل لا اروح اريد شغلة منك كتله غمض عينك بسته من خده وعفته دا امشي لزم ايدي حظني وحظنته كتله خلص هذا وداعنا الاخير ان شاء الله تلكه الي يسعدك  واني بهذا الحجي اباوع شفت شباب بعيدين شوية عن جود ومصوبين تجاه جود  وخرته من حظني ودفعته بالكاع وجان اسمع طلق ناري واحس شي حار صار بجتفي ووجع ,,, جود حبيبتي كدام عيني دتودعني ومابيدي شي اعرفها واعرف عزة نفسها كرامتها وكبريائها اهم عدهامن كل شي فجاءة حسيت شذر دفعتني بالكاع وهي وكعت فوكاية بعد ماسمعت صوت طلق ناري شفت حبيبتي دتنزف وبجتفها بس بعده مو فاقدة باوعت شفت الزعران هم الي حاولو يضربوني هم انهزمو واني التهيت بشذر وامي كامت تصيح وخابرت ع اسعاف اخذناه للمستشفى الحمدلله جان الاصابة سطحية طبيت للغرفة اني وامي جانت شذر شكلها تعبان ركضت عليها وحظنتها كتلها حبج الية خلاج اتضحين بنفسج كالتلي انتي النفس الي اتنفسه صدكني اجت امي واعتذرت منها وكالتلها بنتي اني اسفة اني سارة حجتلي حجي وكالت دتستغله اسفة حبيبتي واتشرف يكون عند ابني حبيبية مثل تخاف عليه ,,,,
شذر,,ضحكت كتلها خالة معذورة بس اني لهنا انتهت قصتي وياجود وصار لازم ارجع لاهلي  ورجاءا جود انساني وانتبه لدراستك ولمستقبلك حاولت امه وياي وهو يتوسل بس ماقبلت راح تكولون طوختها للسالفة واني اكللكم لاو الله كرامتي فوك كلشي اني انهانيت من ورى فلوس وهذا شي مو قليل صح عذابي جان قوي بس دست ع نفسي ,,رجعت للبيت شافتني ماما بالوضع هذا كتلها ماكو شي حبيبتي وكعت وانكسرت ايدي تخبلت امي وكامت تحجي كتلها خلص يوم ماكو شي طبعا جانو شادين ايدي برقبتي ,,مرت الايام وجود ماخلى طريقة وحتى دز امه تخطبني واني رفضت كبريائي جان يمنعني  اجت نهاية الجامعة ,وصارت حفلة تخرج وكلنا حظرناها احنا واهالينا اثناء القاء. الخطابات للطلاب شفت جود متوجه للمنصة وصاح اريد  اعترف بشغلة  كدام كل العالم اني وكعت بحب بنية عنيدة وكبريائها يمنعها تصالحني اعرفها تحبني بس هي مدا تعرف شديصير وياي والله اني احبها وصاح باسمي شذر وغلاتج احبج لج مستعد اتخلى عن كل شي بس ارجعي لية صدكيني اموت بلياج لاتحرميني منج اني اسمع ودموعي تنزل ماتحملت ركضت وطلعت من القاعة رحت للحمامات وجان اشوف جود وراي اخذني بحظنه وكالي خلاص شذر انتي تعبتيني صدكيني احبج ورفع راسي وسرق مني بوسة ذوبتنا احنا الاثنين بذيج اللحظه نسيت نفسي وكبريائي وحظنته وتصالحنا بعد ايام حبيبي خطبني وصار موعد زفافنا وتزوجنا وجنت طايرة من الفرح وامه اعتبرتني مثل بنتها والشاهد الله كلش تحبني وعشت ويا حبيبي احلى عيشة ☺☺ بس اني بودي لو اصبغه وجه اسود لان متعبني جماله والبنات كلهم طايرات وراه بس للامانة هو مايعبرهم لان جنت مالية عينه 

ولهنا انتهت قصتي وياكم واتمنى نالت اعجابكم ,,,,...
ارائكم حبيباتي تهمني