مابين الحب والكبرياء

part 6

#مابين_الحب_والكبرياء
💕بقلمي _ princess shosho💕
🎀شهد الراوي🎀
البارت السادس

شذر توجهت للبيت مالتنا والدنيا ظهر وباردة وجنت اصلا متاخرة بالجامعة وجان الشارع فارغ مشيت وجان اشوف شباب اثنين يمشون وراية كلش خفت وبديت اسرع بخطواتي بس واحد بيهم تقدم وصار كدامي واحد وراية واعترضولي الطريق واحد جر ايدي والثاني كلي هدي ياحلوة خلينا نتفاهم كمت ابجي واصيح كتلهم راح الم العالم عليكم كالو ههههه صرخي براحتج وشكلهم مكبسلين  ويجرون بية واني اصرخ واحد بيهم جر قميصي وانكطعت الدكمم واني اصرخ ماكو فايدة حاولت انهزم ماكدر اثنين مو واحد فجاءة سمعت صوت سيارة شخطت يمنا كلت هذا هو راح يخطفوني وزدت بجاي ما اسمع الاصوت يكوله عوفها يانذل ,,,
جود ,,,مثل ماكلتلكم طلعت للبيت وطريقي باتجاه بيت شذر من بعيد لمحت شباب ديتعرضون للبنية باوعت زين شفتها شذر تخبلت ماعرف شصارلي زدت السرعة وصفيت السيارة يمهم لزمتهم دميتهم ادمي طلعو مخانيث مكادرين الا ع النسوان طبعا شذر حالتها حالة وتبجي ومصدومة وقميصها مفتوح تخبلت هذولاك الحثالة انهزمو واني رحت الها ردت الزمها بقت تعيط وتبجي وتتوسل وتصيح عوفوني صحت بصوت عليها كتلها شذر كافي اني جود انتهى راحو الله لاردهم صحت ع نفسها وحظنتني بلا وعي  شافت ملابسها زادت بجيها نزعت سترتي ولبستها اياها واخذتها للسيارة طبعا هي بس تبجي كتلها خلص شذر اهدي كالت شلون اروح لاهلي بهذا الشكل كتلها خابري ياسمين وخلي اتكول انتي عدها ودزي مسج لاهلج انو انتي يم ياسمين هزت راسها وهي تبجي دزت لاهلها وطلعت كالت وين راح انروح كتلها لتخافين اعرف محل صاحبي يبقى مفتح را اروح عليه اجيبلج قميص واستري نفسج بي وارتاحي واخذج للبيت كالتلي اوك رحت للمحل وطلبت منه القميص ورجعت للسيارة كتلها انزلي ورى بدلي بالسيارة واني راح انتظرج هنا ونزلت بدلت وصاحت كالت جود كملت صعدت السيارة ورحت توجهت للحديقة شوية مقبطة نزلتها ونزلت كالت وين كتلها عيونج مورمة من البجي يالله انززلي ارتاحي وغسلي ككالت ماشي نزلت رحت جبت ماي شربت وغسلت وكعدت بالكاع  كعدت يمها كالت مشكور جود انت فضلك ما انسى طول عمري