ﻛﺎﻧﻮﺍ ﻳﻀﺤﻜﻮﻥ ، ﺣﻴﻦ ﺳﻤﻌﻮﺍ ﺍﻟﺰﻳﻦ ﻳﺸﺘﻢ ﺑﺄﻋﻠﻰ ﺻﻮﺗﻪ : " ﺍﻟﺮﺍﺟﻞ ﺍﻟﺒﺎﻃﻞ ، ﺍﻝ .... ﺍﻟﺪﻛﺮ " . ﻭﻭﺻﻞ ﻋﻨﺪﻫﻢ . ﻓﻮﻗﻒ ﺑﺮﻫﺔ ﻓﻮﻗﻬﻢ . ﺳﺎﻗﺎﻩ ﻣﻨﻔﺮﺟﺘﺎﻥ ، ﻭﻳﺪﺍﻩ ﻋﻠﻰ ﺧﺼﺮﻩ ﻛﺎﻥ ﻧﺼﻔﻪ ﺍﻷﻋﻠﻰ ﻛﻠﻪ ﻓﻲ ﺍﻟﻀﻮﺀ ﻭﻻﺣﻈﻮﺍ ﺃﻥ ﻋﻴﻨﻴﻪ ﻣﺤﻤﺮﺗﺎﻥ ﺃﻛﺜﺮ ﻣﻦ ﺇﺣﻤﺮﺍﺭﻫﻤﺎ ﺍﻟﻄﺒﻴﻌﻲ ﻗﺎﻝ ﺍﻟﻄﺎﻫﺮ ﺍﻟﺮﻭﺍﺳﻲ : " ﻭﺍﻗﻒ ﻓﻮﻗﻨﺎ ﻣﺎﻟﻚ ﺩﺍﻳﺮ ﺗﺸﺮﺏ ﺩﻣﻨﺎ ؟ ﻳﺎ ﺗﻘﻌﺪ ﻳﺎ ﺗﻐﻮﺭ " . ﻭﻗﺎﻝ ﺃﺣﻤﺪ ﺇﺳﻤﺎﻋﻴﻞ : " ﻻﺯﻡ ﺍﻟﺰﻳﻦ ﺳﻜﺮﺍﻥ ﺍﻟﻠﻴﻠﺔ " . ﻭﻗﺎﻝ ﻋﺒﺪ ﺍﻟﺤﻔﻴﻆ : " ﺍﻗﻌﺪ ﺧﺪ ﻟﻚ ﻧﻔﺲ " . ﻭﻗﺎﻝ ﺣﻤﺪ ﻭﺩ ﺍﻟﺮﻳﺲ : " ﻗﺎﻟﻮﺍ ﺍﻟﻠﻴﻠﺔ ﻛﺖ ﻓﻲ ﺣﻮﺵ ﺍﻟﻌﻤﺪﺓ . ﺷﻦ ﻣﺸﻴﺚ ﺗﻜﻮﺱ ؟ ﺍﻟﺒﺚ ﻭﻋﺮﺳﻮﻫﺎ ، ﺗﺎﻧﻲ ﺷﻦ ﺩﺍﻳﺮ ؟ " ﻭﺃﻣﺴﻚ ﺍﻟﺰﻳﻦ ﺍﻟﺴﻴﺠﺎﺭﻩ ﻣﻦ ﻋﺒﺪ ﺍﻟﺤﻔﻴﻆ ﻭﺟﻠﺲ ﺻﺎﻣﺘﺎ ﻭﺃﺧﺬ ﻳﻨﻔﺦ ﻓﻴﻬﺎ ﺑﻐﻴﻆ . ﺿﺤﻚ ﺍﻟﻄﺎﻫﺮ ﺍﻟﺮﻭﺍﺳﻲ ﻭﻗﺎﻝ ﻟﻪ : " ﻣﻮ ﻛﻴﺪﻱ ﻳﺎ ﻣﺮﻣﺪ . ﻋﺎﻣﻞ ﻧﻔﺴﻚ ﻓﻨﺠﺮﻱ ﻭﻣﺘﻌﻠﻬﻢ ﺍﻟﺴﻴﺠﺎﺭﺓ ﻣﺎﻙ ﻋﺎﺭﻑ ﺗﺸﺮﻳﻬﺎ ﺟﺮﻫﺎ ﻟﻲ ﻭﺭﺍ ، ﺃﻱ ﻛﺪﻱ .. ﺯﻱ ﻛﺄﻧﻚ ﺗﻤﺺ ﻓﻴﻬﺎ " ﻭﻧﺠﺢ ﺍﻟﺰﻳﻦ ﻓﻲ ﺟﺬﺏ ﺍﻟﺪﺧﺎﻥ ﺇﻟﻰ ﻓﻤﻪ ﻓﻠﻔﺚ ﻣﻨﻪ ﻏﻤﺎﻣﺔ ﻛﺒﻴﺮﺓ ، ﻭﻗﻔﺖ ﺳﺎﻛﻨﻪ ﺑﺮﻫﺔ ﺛﻢ ﺫﺍﺑﺖ ﻓﻲ ﺧﻴﻮﻁ ﺩﻗﻴﻘﺔ ، ﺑﻌﻀﻬﺎ ﻧﺠﺎ ﻧﺤﻮ ﺍﻟﻀﻮﺀ ﻭﺍﻵﺧﺮ ﺍﺧﺘﻠﻂ ﻣﻊ ﺳﻮﺍﺩ ﺍﻟﻠﻴﻞ ﻓﻲ ﺍﻟﺠﺎﻧﺐ ﺍﻟﻤﻈﻠﻢ ﻭﺟﺎﺀ ﺑﺪﻭﻱ ﻣﻦ ﻋﺮﺏ ﺍﻟﻘﻮﺯ ﻳﻘﺼﺪ ﺍﻟﺪﻛﺎﻥ ﻭﻧﺺ ﺭﻃﻞ ﺷﺎﻱ " . ﻭﻗﺎﻝ ﺃﺣﻤﺪ ﺇﺳﻤﺎﻋﻴﻞ : " ﺍﻟﻌﺮﺏ ﺩﻳﻞ ﻛﻞ ﻗﺮﻭﺷﻴﻦ ﻣﻮﺩﺭﻧﻬﺎ ﻓﻲ ﺍﻟﺴﻜﺮ ﻭﺍﻟﺸﺎﻱ " . ﻭﻫﻨﺎ ﺻﺎﺡ ﺍﻟﺰﻳﻦ ﺑﺴﻌﻴﺪ : " ﺧﻠﻲ ﺍﻟﻤﺮﻩ ﺗﻌﻤﻞ ﺷﺎﻱ ﻣﻀﺒﻮﻁ ﺑﺎﻟﻠﺒﻦ . ﻳﻜﻮﻥ ﻣﻀﺒﻮﻁ " . ﺛﻢ ﻧﺎﺩﻯ ﻣﻦ ﺷﺒﺎﻙ ﻳﺼﻞ ﺑﻴﻦ ﺍﻟﻤﺘﺠﺮ ﻭﺍﻟﺪﺍﺭ ﺧﻠﻔﻪ : " ﺍﻋﻤﻠﻮﺍ ﻗﻮﺍﻡ ﺷﺎﻱ ﺛﻘﻴﻞ ﺑﺎﻟﻠﺒﻦ ﻟﻠﺰﻋﻴﻢ " ﻭﺍﻧﺘﻌﺶ ﺍﻟﺰﻳﻦ . ﻓﻘﺎﻝ ﺑﺮﻣﺢ : " ﺃﻧﺎ ﺭﺍﺟﻞ ﺭﺍﺟﻞ ﻓﻲ ﺍﻟﺒﻠﺪ ﺩﻱ ﻭﻻ ﻻ ؟ " ﻓﻘﺎﻝ ﻟﻪ ﺍﻟﻄﺎﻫﺮ : " ﻃﺒﻌﺎ " . " ﻃﻴﺐ ﻟﻴﻪ ﺍﻝ .... ﺍﻟﺪﻛﺮ ﻭﻳﺮﻭﺡ ﻟﻲ ﻋﻤﻲ ﻭﻳﻘﻮﻝ ﻟﻪ ﺍﻟﺰﻳﻦ ﻣﺶ ﺭﺍﺟﻞ ﺑﺘﺎﻉ ﻋﺮﺱ ؟ " ﻭﻗﺎﻝ ﻣﺤﺠﻮﺏ : " ﺍﻟﺪﺍﻫﻲ ﺑﻘﻲ ﺍﻓﺮﻧﺠﻲ . ﻭﻳﻦ ﻋﺮﻓﺖ ﺍﻟﻔﺼﺎﺣﺔ ﺩﻱ ؟ ﻣﺶ ﺭﺍﺟﻞ ﺑﺘﺎﻉ ﻋﺮﺱ ؟ " ﻭﻗﺎﻝ ﻭﺩ ﺍﻟﺮﻳﺲ : " ﺍﻹﻣﺎﻡ ﻏﺎﻳﺮ ﻣﻨﻚ . ﺩﺍﻳﺮ ﺍﻟﻤﺮﻩ ﻟﻲ ﺭﻗﺒﺘﻪ " . ﻓﻘﺎﻝ ﺍﻟﺰﻳﻦ ": ﺑﺖ ﻋﻤﻲ ﻭﻻ ﻻ ؟ ﻳﺮﻭﺡ ﻳﺸﻮﻑ ﻟﻪ ﺑﺖ ﻋﻢ " . ﻗﺎﻝ ﻟﻪ ﻣﺤﺠﻮﺏ ﺑﺤﺰﻡ : " ﺍﻟﻌﻘﺪ ﻳﻮﻡ ﺍﻟﺨﻤﻴﺲ ﺍﻟﺠﺎﻳﻲ : ﻳﻌﺪ ﺩﺍ ﻣﺎ ﻓﻴﺶ ﻃﺮﻃﺸﺔ ﻭﺭﻗﻴﺺ ﻭﻛﻼﻡ ﻓﺎﺿﻲ . ﺳﻤﻌﺖ ﻭﻻ ﻻ ؟
ﺳﻜﺖ ﺍﻟﺰﻳﻦ :
ﻭﺳﺄﻟﻪ ﺍﻟﻄﺎﻫﺮ ﺍﻟﺮﻭﺍﺳﻲ : " ﻣﻨﻮ ﺍﻟﻘﺎﻝ ﻟﻚ ؟ " ﻓﻘﺎﻝ ﺍﻟﺰﻳﻦ " ﻫﻲ ﻧﻔﺴﻬﺎ ﻛﻠﻤﺘﻨﻲ " .
ﻛﺎﻥ ﻣﺤﺠﻮﺏ ﻣﻤﺪﺍ ﺭﺟﻠﻴﻪ ﻋﻠﻰ ﺍﻟﺮﻣﻞ ، ﻣﺘﻜﺌﺎ ﻋﻠﻰ ﺫﺭﺍﻋﻴﻪ ﻓﻠﻤﺎ ﺳﻤﻊ ﻫﺬﺍ ، ﺗﺸﻨﺞ ﺟﺴﻤﻪ ﻛﺄﻥ ﺃﺣﺪﺍ ﻗﺮﺻﻪ ، ﻭﺍﺳﺘﻮﻯ ﺟﺎﻟﺴﺎ : " ﻫﻲ ﺑﻨﻔﺴﻬﺎ ﻛﻠﻤﺘﻚ ؟ " ﺍﻱ . ﺟﺎﺗﻨﻲ ﺍﻟﺼﺒﺎﺡ ﺑﺪﺭﻱ ﻓﻲ ﺑﻴﺘﻨﺎ . ﻭﻗﺎﻟﺖ ﻟﻲ ﻗﺪﺍﻡ ﻣﻲ : ﻳﻮﻡ ﺍﻟﺨﻤﻴﺲ ﻳﻌﻘﺪﻭﺍ ﻟﻚ ﻋﻠﻰ . ﺃﻧﺎ ﻭ ﺃﻧﺖ ﻧﺒﻘﻲ ﺭﺍﺟﻞ ﻭﻣﺮﻩ ﻧﺴﻜﻦ ﺳﻮﺍ . ﻭﻧﻌﻴﺶ ﺳﻮﺍ " . ﻭﺍﺭﺗﻔﻊ ﺻﻮﺕ ﻣﺤﺠﻮﺏ ﻣﻦ ﻓﺮﻁ ﺣﻤﺎﺳﺘﻪ . ﻭﻗﺎﻝ ﻓﻲ ﺇﻋﺠﺎﺏ ﻟﻴﺲ ﻟﻪ ﺣﺪ . " ﻋﻠﻰ ﺑﺎﻟﻴﻤﻴﻦ ﻣﺮﻩ ﺗﻤﻸ ﺍﻟﻌﻴﻦ ﻃﻼﻕ . ﺑﺖ ﻣﺎ ﻟﻴﻬﺎ ﺃﺧﺖ " . ﻭﺟﺎﺀ ﺳﻌﻴﺪ ﻳﺤﻤﻞ ﺍﻟﺸﺎﻱ ﻓﻘﺎﻝ ﻟﻪ ﻣﺤﺠﻮﺏ : " ﺳﻤﻌﺖ ﺍﻟﻜﻼﻡ ﺩﺍ ؟ ﺍﻟﺒﺖ ﻣﺸﺖ ﻛﻠﻤﺘﻪ ﺑﻨﻔﺴﻬﺎ " . ﻓﻘﺎﻝ ﺳﻌﻴﺪ : " ﺑﺖ ﻋﻨﻴﺪﺓ ﺭﺃﺳﻬﺎ ﻗﻮﻱ ﺭﺑﻨﺎ ﻳﺴﺘﺮ " ﺻﻤﺖ ﺍﻟﺒﺎﻗﻮﻥ ﺑﺮﻫﺔ ﻭﻟﻜﻦ ﻣﺤﺠﻮﺏ ﺿﺮﺏ ﻓﺨﺬﻩ ﺑﺮﺍﺣﺔ ﻳﺪﻩ ﻋﺪﺓ ﻣﺮﺍﺕ ﻭﻗﺎﻝ ﻫﻮ ﻳﺘﻠﻔﺖ ﻳﻤﻴﻨﺎ ﻭﺷﻤﺎﻻ ﺑﺤﻤﺎﺳﺔ ﻭﺍﻧﻔﻌﺎﻝ : " ﻳﻤﻴﻦ ﺍﻟﺰﻳﻦ ﻣﺎﺵ ﻳﻌﺮﺱ ﻟﻪ ﺑﺘﺎ ﺗﻤﺸﻴﻪ ﻓﻮﻕ ﺍﻟﻌﺠﻴﻦ ﻣﺎ ﻳﻠﺨﺒﻄﻪ " .
