ورد:والله ماادري بس ضجت.
مصطفى:تعرف من الاول احسن حبيبي حتى لاتكول ضموا عني الخبر مايردوني اعرف.
ورد:كيفك.
مصطفى:يالله هسه نامي خليني احضن جهالي فديتهم.
ورد:لاعيني نسيت انه زعلانه😌.
مصطفى:لا لا ماكو زعل ابد تزعلين علي مااكدر بدون شي انوب حامل.
ورد:مصطفى عندي شي اريد اخذ رأيك بي؟
مصطفى:كولي حبي.
ورد:اريد ارفع دعوه على اهل المرحوم واخذ روان عندي شتكول؟
مصطفى:اي ليش لا المفروض من الاول تسوين هيج وتاخذينها.
ورد:يعني موافق؟تروح وياي؟
مصطفى:حبيبة كلبي انتي انه من الاول وعدتج راح اكون وياج ومن باجر اسألج على محامي ان شاءالله.بعد امريني؟
ورد:مايأمر عليك ظالم ولاعدو ان شاءالله. بس بعد عندي طلب.
مصطفى:موافق بدون ماتكولين؟
ورد:لا اول اعرف شنو هو وبعدين قرر.
مصطفى:تردين روان تجي ويانه هنا؟
هزت راسها اي بس حسيتها محرجه.
بست كصتها وجريتها بحضني كتلها:
البيت بيتها وبيت امها وانه خطار مايحتاج تسأليني شلون احرمج منها وادري بيج مشلوع كلبج عليها.
طاحت دمعتها كالت:
اريد انذر اروح مشايه السنه الجايه اذا رجعت لحضني.
مصطفى:ها ها ليش البجي الحمدلله كل شي تمام وكل الاخبار حلوه وان شاءالله ترجع لحضنج واخذج واخذ الجهال ويانه ونور ونروح مشايه.
ورد:ان شاءالله يارب.
ثاني يوم جان جمعه الصبح نايمين واندك الباب كمت انه فتحته نور.
دخلت حضنتني كالت:
بعد عمري مبروك توني سمعت خالتي كلتلي ورد حامل.
انه هم حضنتها وبستها كتلها:
حبيبتي انتي مشكوره وان شاءالله يوم اللي الله يرزقني منج يارب.
دمعت عيونها كالت:
ياا جهالك جهالي والله بس خل يجون انه اربيهم احطهم بنص عيني والله.
مصطفى:انتي امهم اكيد وين يلكون ام احسن منج😚الله لايحرمني منج.
ماردت علي كالت:
جا وين ورد اريد اباركلها.
طلعت ورد من الغرفه نور بوستها.
ووردتي حضنتها واباوعلها دمعت عيونها انقهرت على نور.
نور:مبروك حبيبه الله يسهل عليج ان شاءالله ويكومج بالسلامه.
ورد:مشكوره يوم الالج يارب.
نور: حتى لو الله ماكتبلي كافي علي جهالكم والله.انه اربيهم انتم مالكم شغل انتي بس جيبيهم وانه اكابلهم والله.
ورد حضنت نور وظلت تبجي قهرتني اكثر ماانه مقهور.
ورد:خل يجون بالسلامه وواحد الج وواحد الي الله اطاني 2 علمودج اكيد😢.
نور:بعد عمري اصلا بدون ماتكولين انه اخذ واحد حتى لو ماترضون مو بكيفكم😢.
ظلن يسولفن ويحجن وانه صافن عليهن سبحان الله كل ساعه بحال مره يضحكن مره يبجن مره صاحبات مره وحده ماتحجي ويه الثانيه صدك ناقصات عقل.
وراح يطيرن عقلي وياهن😞.
رفعنه قضيه على اهل المرحوم زوج ورد حتى ناخذ روان وبدت جرجرت المحاكم ودوختها نروح ونرجع ويوميه عركه وياهم وتهديد ووعيد.
وردتي بطنها كبرت صارت تتعب من اقل شي اخذت اجازه وكعدت بالبيت وامي وخواتي مامقصرات وياها بس شهادة حق نور مداريتها اخر مداراة..
فرحانه بالحمل اكثر من عدنه وتشتري 24 ساعه ملابس اطفال منتظره ورد تجيب وتنطيها طفل هي تربيه..
ورد جانت تكول:
صعبه علي بس مااكدر اكسر خاطرها واصلا احنه بنفس البيت يعني بكل الحالات راح يكونون جهالي يمي وجوه عيني.
اسعد فتره بحياتي كلها من تزوجت وردتي لحد الان برغم تصير ساعات حركات وسوالف نسوان بس نتلافاها وردتي جانت عاقله ومتفهمه وماتحب المشاكل.
جنت اكول الحمدلله من دخلت ورد لحياتي كل شي اتحسن واتغير للاحسن ومن حملت البيت كل فرحان وطاير ومنتظرين الولاده على احر من الجمر.
حتى المشاكل بالبيت قلت امي ونور هدوء ونور ووردتي هم هدوء نور متحجي ويه ورد ولاتغثها تخاف عالطفل.
وانه بصراحه فرحاان ومكيف.
مرت الايام والاشهر وردتي دخلت بالسابع وبيها ولد وبنيه نور كالت البنيه انه اربيها وبدت تجهز مال بنات.
قضية روان بنت ورد بعدنه ماشين بيها قضايا المحاكم جرجره ويومهم بالف ووعدهم مداها طويل بس احنه متعشمين خير ان شاءالله حسب كلام المحامي..
ابوي وكع بالحمام وانكسر الحوض ماله وتعبنه وياه اطباء ومراجعات وعمليات ومستشفيات جنت انام يمه بالليل خاف يحتاجني امي ماتكدرله وجنت الليل كله صاعد نازل مابين وردتي وابوي اخاف عليها بحدها فوك وحامل.
امي جانت محتاجه عملية قسطره من زمان بس تخاف تسويها وجنت الح عليها تسويها احسنلها مدام بعدها قويه.
اختي رنا انخطبت لولد كرايبنه.
وره مده امي وافقت تسوي عملية القسطره فقررت اخذها لايران تسويها.
بهالاثناء وردتي جانت بنهاية الثامن.
فكلت اخذ امي قبل لاتجيب ورد والتهي وياها وانشغل على مانروح ونرجع تكون ورد دخلت بالتاسع واصلا بعد وكت لان هي لازم ولادتها قيصريه.
حجزت الي ولامي ورنا هم تروح ويانه.
بالليل جانت ليلة نور كتلها:
نور ديري بالج على نفسج وعلى ورد وعلى ابوي.
نور:ادير بالي على نفسي اوكي وعلى عمي اكيد بس ورد شبيها وادير بالي عليها هي خل تدير بالها علي مو كافي ماخذتك مني.
مصطفى:ليش هالحجي شمقصر انه وياج لو وياها مايطيني كلبي اظلم وحده بيجن ليش بعد هالحجي الماصخ؟
ماحجت شي هي لفت راسها ونامت.
ثاني يوم كله ماحاجتني وجها ثكيل.
