حكاية فتاة 🖤

Part -1-

مرات بحياتنا هواي نتذمر ونبجي..ونعترض ونلوم الله سبحانه وتعالى على القدر الي دنعيشه والي ديصير ويانا
بس منعرف احنا حتلو كرهنا الموقف الي انحطينا بيه بهالدنيا تره هذا الله كاتبه النا من اول ماانخلقنا
.
والله سبحانه وتعالى قال بكتابه العزيز"وعسى ان تكرهوا شيئاً وهو خير لكم"
"وعسى ان تكرهوا شيئاً ويجعل الله فيه خيراً كثيراً"
*
*
ديلان :هلووو اني طالبة خامس اعدادي عمري ١٥ سنه اداوم بثانويه حالي ك حال اي طالبه وصديقاتي المقربات اثنين:أرجوان ونور
أرجوان بكدي صف خامس علمي اما نور فهي صف ثالث متوسط...اي لتستغربون صف ثالث متوسط بس تفتهمني بشكل مو طبيعي

دوامي بالمدرسه عادي واني شطوره...بيوم من الايام طلعنا من المدرسه اني وصديقاتي ورحت للخط والخط مالتي عبارة عن كوستر وهواي بنات ويايه
أرجوان:ديلان يله عاد كافي سوالف انتي وسجى حتى مكاننا بالسياره راح ياخذوه
ديلان : ماشي ماشي جايه حبي
سجى:يله بيباي حياتي👋
ديلان :بيباي حب
سجى:👇
هلاااو اني سجى صديقة ديلان جنا مقربات واكثر من خوات بس أرجوان اخذت مكاني😡
لاجذب اتشاقه😂بس تفارقنا اني وديلان لان اني رحت ادبي وديمه علمي بس عادي نتواصل بس مو مثل قبل

ديلان : ارجوان لج شوفي نور اجتي بالوقت المناسب😂
ارجوان:اي علمود نكعد سوه ام حلك😏متعرفين بيه مو هلكد علاقتي ويه نور امشي يله😐
ديلان :جايه حبي جايه عابتلكم😂👌
صعدنا اني وارجوان بالسياره وكعدنا وكعدت ورانا نور
المهم قبطت السياره وطلعنا دنروح للبيت وابوالخط متعلم لازم بطلعتنا من المدرسه لازم يشغل اغاني🙁
اني وارجوان دنسولف على الدوام والبنات وفجأه ابو الخط شغل اغنية حسام الرسام صار شكد👇
(صاار شكد صار شكدلك ماحاضني؛صار شكد صارشكدلك ماشايفني؛صار شكد صار شكدلك مابايسني...)
بس سمعت الاغنيه شيء بداخلي اختنك كلشش💔
نور باوعتلي ضحكت وكالت
نور:ديلان هاي الاغنيه اهداء مني الج
ديلان : تسلمين حبيبتي بس ليش😂(احاجيها وبداخلي بس اريد ابجي)
نور:ديلو بعد بيج صبر لوًخلص بوجهج علامات تكول الصبر خلص وبعد مابيه
ديلان :اي صحيح خلص صبري وعيوني مدمعه💔
ارجوان:نور كافي عوفي ديلان وديلان انتي باوعيلي ميصير كوني قويه ميصير تنهزين كدام امير راح يلاحظ
ديلان :لاخلص حب وداعتج ماابجي لتخافين بس تعبت والله خلص صبري
ارجوان:لاحبي لا كولي يااالله
ديلان :ياالله😔

امير: مرحبا اني ابو الخط مال ديلان وارجوان بس بنفس الوقت جنت رايد ديلان كصديقه وصدك هي اذا تحتاج شيء تجي تكول الي معتبرتني اخ الها بس مرات واحد يخبث على الثاني😅
اني متزوج وعندي جهال اثنين وعمري ٢٢ لتستغربون عادي احنا عدنا نتزوج واحنا صغار😅

ديلان :امير شعدنا عزه مطلعلي هالاغنيه طلع اغنيه بيها خير
امير:ههههههههههه عابت ميخالف تتدللين هسه اغيرها
ديلان :اي فدووه
.
.
ديلان(بيني وبين نفسي):شكد ثوله اني يوم الحبيت بيها وورطت نفسي💔وفوكاها حب من طرف واحد ماادري هو هم يعرف احبه لو لا..زين لحظه اذا يعرف احبه ليش ميصارحني والله تعبت كافي ضامه بكلبي عليه حبه ٣ سنوات من جنت بالثالث والله مااتحمل💔اوووف

هبه:الووو ديلو ( دلع ديلان ) يمعوده وين رحتي
ديلان😏عابت خلي اسرح شويه بخيالي
هبه:لاماكو ممنوع🌚
ديلان:عابت كلجن عوبات☹️
هبه:هههههههههههه

هبه👇
اني هبه صديقة ديلان بنفس المرحله وبنفس الصف وحتى وياها بالخط هم اعرف بيها من تصفن تفكر بحبيبها وماريدها تفكر لان تتأذى وتبجي وبصعوبه نسكتها اني ونور

نور👇
اني نور طالبة ثالث متوسط وصديقة ديلان احياناً هوااي انقهر على ديلان والي عايشته بس هي ابد ابد متبين انه هي كاعد تتأذى حتلو كان قلبها يبجي دم بس بالخارج هي مبتسمه وتضحك😔
الي صار بديمه انها حبت شاب بيته قريب على المدرسه شاب حلوو وطويل واسمراني بس حبته من طرف واحد ومجان يحبها الولد لان جان يحب جيرانهم الولد ومعجب بيها بس شتسويلها ديلان بعد حبته لان الحب اعمى وكل يوم تتخيل اليوم الي راح يعترفلها بيه بحبه وعلى كولة ارجوان ديلان عايشه بأحلام ورديه شوكت تصحى منها مادري متكدر تنساه ابد 💔جان يجي كل يوم للمدرسه حسب مجانت تحجيلي هيه لان اني اصلا مشايفته لان جان يجي للمدرسه قبل سنتين بس هسه كام ميجي لان تعين بدائره معينه وديشتغل
بس ديلان رغم جان عدها رقمه بس تكول مااكدر اخابره مااكدر اخون ثقة اهلي بيه💔وباقيه تحبه وكل يوم على امل اللقاء بيه بس بدون فايده🤚❌

*لهنا حبايبي انتهى البارت الاول انتظروني بالبارت الثاني قريبا*😉
وانطوني توقعاتكم ياترى الشخص الجهول الي حبته ديلان راح يحس بحبها ومعاناتها ويعترف بحبه الها او راح يصير العكس❌