ديلان:هلووو ماما شلونج(بعد ماوصلت للبيت)شمسويه غداء
ام ديلان:هلا بيج يوم والله مسويه سبيناغ بسرعه بدلي وغسلي وصلي داأصب أكل مو اخوتج ماتوا جوع
ديلان:ماشي ماما ماشي🙁
طبعا ماعرفتكم على عائلتي شكد اني عندي اخت وحده اصغر مني بخمس سنوات اسمها سها 🙃واثنين اخوه الجبير محمد طالب مرحله ثالثه كلية هندسه اما الصغير حسن اصغر مني بسنتين😌
طبعا علاقتي ويه محمد متكولون اخويه لا صديقي وكلشش سبورتي وياي الى درجه يسولفلي كلشي يصير وياه 😌وباباتي طبيب قلبيه ، وماماتي موظفه بالكهرباء😁بس تطلع من وكت علمودنا😊
محمد:ديلوو 😐هاي ليش متأخره اليوم
ديلان: والله اني شعليه غير ابو الخط😐
محمد:اي مو كل يوم مو هيج ليش هلكد تأخرتي😑
ديلان : مو جتي بنيه جديده ويانا وعلما اندلينا بيتهم لذالك تأخرنا
محمد:اهاا كولي هيج 😕يله عوبه بسرعه بدلي اريد اتغدى متت جوع☹️👌
ديلان :ههههههههههه ماشي ماشي
تغدينا وكملنا غداء بعدها رحت نمت ساعتين وكعدت😴
كمت احاول اقره بس كرار ببالي طول اليوم ممفارق خيالي ابد💔حتى بكتبي مرات بالزوايا اكتب اسمه☹️
ها خل احجيلكم شويه عن كرار🙂
(كرار شاب عادي بس جان الي يعجبني بيه كلششش من يضحك😂لج اوووف غير امووووت انتهي🤕ضحكته جانت تأخذ روحي☹️
المهم بدت قصة حبي وياه جنت ثاني متوسط امتحانات نهاية السنه ولحد هسه اتذكر جان امتحان رياضيات عدنا وداقرأ اني بغرفتي وفجأه اجه خياله ببالي كلت ياربي شنوو هاي اريد اقره وكت هذا المكروهه يجي ببالي هسه😅اي طبعا لتستغربون جنت اكرهه واضوج منه مااعرف ليش لان جان معجب بوحده جوارينهم واني ماحب هالبنيه😑المهم يوم عن يوم بده يجي لبالي لحد ما مره صديقتي كالت شوفوا كرار اجه جان كاشخ ذيج الكشخه وقوطية الببسي بيده وديسوق☹️جان فدشي طالع كلت اوووف ياربي صديقتي ارجوان كالت خير اكو شيء😉كتلها انجبي لج كلشي ماكو بس ذاك يوم وهذا يوم تعلكت بيه ومااكدر اعترفله بحبي😔 وبقيت كل يوم اعيشه على ذكرى انه بيوم يجي يصارحني او يطلع يحبني بكد مااحبه اني😕
بس مره جنت بالثالث متوسط وجاي جاي وصادفت امتحانات نصف السنه فهو هلكد ماجان يجي للمدرسه صار صديق ابو الخط مالتي وأمير واحد ميعبر عليه كلشي😐 جان يشوف نظراتي اله نظرات حب ومره جر لسان صديقتي وعرف اني صدك احبه راح كال لكرار وهنا جانت المصيبه🤦♀️ فديوم اجه كرار ويباوعلي بنضرات حب ويضحك اني فرحت كلششش بس بنفس الوقت خجلت ومارفعت عيني ابد😐
وبعدها صديقتي ساره كالت اريد اشوفه هلكد ماسولفتلها عليه وجان يجي قليل وبطلعتي من المدرسه جان موجود واكف بصف الخط مالتي واني داروح اكول لساره عليه دانزل من الخط وساره صعدت كتلها ساره شوفي هذا كرار اثناء مداحجي ويه ساره جان هو رفع عينه وصارت عيني بعينه وضحك🌚يمه غير متت اني معت انتهيت🙈😂🤦♀️ وهذا كله جان بالثالث اما بالرابع والخامس هسه حاليا ابد ماشايفته💔وعايشه على امل يكون من قسمتي بيوم من الايام☹️) وهاهيه
أنت تقرأ
حكاية فتاة 🖤
Romanceقصة فتاه عراقيه مراهقه تعشق شاباً في اول تجربه لها في الحب ياترى هل ستنجح؟ ام ماذا ينتظرها مستقبلا وعندما تريد الزواج من شخص معين يقف بوجهها والديها وتتأزم المشكله لتنتهي ساعتها بحدث مؤلم ياترى هل ستعاود النهوض من رمادها ام ماذا سيحصل؟!
