ديمه👇
جنت اسعد انسانه بهالدنيا ويه كرار رغم اعرف ماكو نهايه لعلاقتنا بس احبه وجنت مستعده اسوي المستحيل علموده بس..شلون ميكولون الحب اعمى صدك جنت انسانه عمياء ويه كرار☹️يعني اول اسبوعين كضيتهن ويه كرار ماااوصفلكم شكد جنت انسانه طايره من الفرح جان مااكو بشر يكدر يوصف سعادتي من حب ودلال وغزل ومكالمات😻🌟بس بعد الاسبوعين كمت اشوف تغير كلششش بسيط بكرار يعني مكام يخابرني مثل قبل ويسولف وياي جان قبل هالاسبوعين كله على الرصيد يخابرني ونضل نسولف..بس هسه كام اشو يدك بس عالنت عليه اما الرصيد لا كام يرمشلي😅 واني اخابره جنت اكول خطيه خاف عباله التلفون يم اهلي ويخابرني يعني يخاف عليه😄فجنت اني الي اخابره
فمره رجعت من المدرسه شفت رقم داك عليه هواي وداز رساله كال منو علاوي😑 اني صفنت متحملت رحت سجلت الرقم بالفايبر طلع اسم هالشخص حيدر..... كلت ماادري منو هاي ضل يدك هواي هالرقم اخر شيء انطيته بلوك لان متحملت😡 بالليل خابرت كرار ودنسولف كتله حبيبي اكو رقم هيج وهيج دك عليه كال حبي شسالفه انطي بلوك وخلصي كتله هو انطيته بلوك.. بس خاف تعرفه انت انطيته اسم الولد كال لاحب منين اعرفه.كتله عليك الله خاف تعرفه كال انجبي لج منين اعرفه ام لسان خل يولي معليج بيه ولتجاوبين على اي رقم ماشي حبيبتي❤️ كتله ميخالف
استمرت علاقتنا وتجاوزت الشهر تقريبا وصادف يوم ٣/٣ دكيت عليه كال حبيبي اني بالشارع بس اوصل البيت ابدل واسبح واحاجيج لان مشتاقلج كووومه كتله ماشي كلبي اخذ راحتك😌
رجعت دكيت عليه وره ثلث ساعه ماكو دكيت مرتين ثلاثه وعفته كلت خطيه خاف ديرتاح😇 عفته..بعدها دك هو عليه كلت الووو
جان يطلعلي صوت بنيه كالت الوو هلا بيج عيني😌
اني ضليت هيج مصدومه😳😳😳
كالت الوو دتسمعيني؟؟!!!
كتلها ها اي داسمعج منو حضرتج؟!
كال عيني اني ام كرار🧕🏻
كتلها اهلا وسهلا خاله🙄 بصراحه فدشيء بداخلي انقبض وخفت خاف صاير شيء
كالت انتي ديمه مو؟!
كتلها اي خاله اني
كالت ديمه سؤال؟!
كتلها تفضلي خاله🙄
كالت تعرفين بكرار خاطب لو لا!!
كتلها اي خاله اعرف بيه خاطب😢
كالت على يااساس باقيه وياه انتي😑
كتلها خاله اتفهمج وهسه تاخذين عني نظره موزينه بس والله احبه مااكدر💔(اني كلت هيج والشهكه بصوتي بينت😢)
كالت حقج والله يساعدج تحبيه صار سنين بس ميصير يابنتي اول وتالي راح يعوفج داحجي لمصلحتج اني ياعيوني🌟
اني بجيت متحملت💔كتلها خاله بس هو هم يحبني
كالت حتلوو يحبج راح ينجبر يعوفج بس يتزوج واول وتالي راح يتعود ويحب مرته وانتي الي تتأذين💔يابنيتي تره وجع الحب قوي💔
كتلها ايي كلش خاله يذبح والله😭كتلها فدوه بس احجي وياه انطينياه 😢💔
كالت ديمه ماريد اضوجج بس كرار كاعد يمي وكال جاوبيها انتي وكوليلها مااكدر اكمل وياها🤦♀️
كتلها خاله كرار كاعد يمج؟؟؟
كالت اي كاعد يمي وهو مال كوليلها هيج تره دانحرج من تخابرني كدام خطيبتي💔
كتلها خاله هذا كلامه هو!!!!
كالت اي بنيتي هذا كلامه🤦♀️
كتله ماشي خاله تسلميلي الله يحفظلج ولدج ويفرحج بيهم💔
كالت تسلمين ان شاء الله يجيج ابن الحلال مع السلامه يابنيتي
كتلها الله وياج خاله💔
سديته منها وكعدت ابجي اطلع الحركه الي بكلبي صارلها هواااي💔اشهك وابجي واكول استاهل الي ديصير بيه شكد انانيه اني😭😭عندي علاقه بيه وهو خاطب ولان احبه وماريد اخسره مستعده احجي وياه حتلو تزوج مجرد اسمع صوته احس براحه☹️بس تاليها شحصلت💔😭😭اني ماارضاها لنفسي ليش ارضاها لغيري لييييششش😭😭😭ياررررب ليييششش دتعذبني😭😭
أنت تقرأ
حكاية فتاة 🖤
Romanceقصة فتاه عراقيه مراهقه تعشق شاباً في اول تجربه لها في الحب ياترى هل ستنجح؟ ام ماذا ينتظرها مستقبلا وعندما تريد الزواج من شخص معين يقف بوجهها والديها وتتأزم المشكله لتنتهي ساعتها بحدث مؤلم ياترى هل ستعاود النهوض من رمادها ام ماذا سيحصل؟!
