حكاية جواز

1

  انقلب الحال رأساً على عقب في المنزل المتواضع فاليوم ليس كأى يوم
دلال.يا بني خلص نفسك الناس على وصول
مصطفى.يا ماما انا خلصت ،بس هو فين الاستاذ ده
قطع حديثهم صوت دق الباب
دلال.اهوا وصلوا،روح افتح
مصطفى.حاضر
اتجه مصطفى للباب وعندما فتحه كانوا يقفوا بعيدا عن الباب وينظرون للاسفل تجنبا للحرج
مصطفى .اهلا وسهلا اتفضلوا
محمد.السلام عليكم
مصطفى.وعليكم السلام،اتفضلوا يا جماعة ،يا ماما
دلال.اهلا وسهلا نورتونا ،تعالوا يا جماعة
عبلة.متشكرين يا حبيبتي،ادخل يا محمد
توجه الجميع للغرفة بين ضحكات وإحراج وعند جلوسهم والترحيب للمرة الثالثة
عبلة.بص يا استاذ مصطفى،بيتهيالى ان مدام ايمان قالت لكم على غرضنا
مصطفى.ايوه يافندم
محمد.يا استاذ مصطفى بصراحة والدتى سمعت ان اخت حضرتك كويسة جدا واحنا بصراحة طالبين القرب منكم
دلال .ثوانى هنادى سارة واجيب الشاى
توجهت دلال لغرفة وليدتها وهى تدعوا أن يوفقها الله بهذا العريس
دلال.يلا يا سارة ،ربنا يسهل المرة دى
أجابت سارة بحنق وهى تتألق وتنظر للجهة الاخرى
سارة.المرة دى ،محسسانى انى مطفشة العرسان والا اتخطبت مرتين وتلاتة
دلال.بت اتلمى ويلا ادامى
سارة.حاضر
دلال.ماتحطى حبة احمر ف وشك بدل ماانتى مصدية كده
سارة.يلا يا ماما
دلال.طيب افردى وشك والله انا عارفة انها هتبوظ زى اللى قبلها
سارة.يبقى أخدها من قصيره ومااطلعش
حاولت دلال احتواء غضبها من ابنتها
دلال.يلا يا بنتى ربنا يهديكى اطلعى ادامى
سارة.ماشي
خرجت سارة ورا دلال ووصلت عند الصالون ومحمد قاعد بيتكلم مع مصطفى ولما دخلت دخلت سارة لاوضة الصالون وكان مصطفى قاعد مع محمد ولما دخلت محمد نزل راسه عشان ماتتحرجش
مصطفى.تعالى يا سارة ادخلى
عبلة.اهلا وسهلا زى القمر ف تمامه
اخفضت سارة رأسها بخجل وهى تبتسم
عبلة.ربنا يجعلها من نصيبك يا حبيبي
مد يده تجاهها منتظرا السلام لكنه فوجئ بالرد
سارة.انا آسفة مابسلمش على رجالة
أعاد محمد يده لمؤخرة رأسه فقد شعر بالحرج 
عبلة.ماشاء الله يا حبيبتي ،ربنا يكتر من امثالك
سارة.يارب
عبلة.وانتى يا سارة بتشتغلى مدرسة ايه
سارة.مدرسة كيميا
عبلة.ماشاء الله عليكي
مصطفى.بص يا دكتور محمد ان شاء الله لو حصل نصيب ،احنا عايزين شقة تمليك اختى مش هتفضل كل سنة تتنطط بعفشها من مكان لمكان
محمد.انا فعلا عندى شقة ،كان والدى الله يرحمه اشترهالى لما اتخرجت
مصطفى.ربنا يسهل ان شاء الله،سيب لنا فرصة نفكر وهتصل بيك واقولك الرد
محمد.مستنى ردك ان شاء الله
عبلة.اللى هيكون الموافقة
اتسعت ابتسامة دلال وهى تقول باذن المولى
بعد مغادرة العريس ووالدته اجتمع مصطفى لأخته يحاول ان يحادثها بالامر
مصطفى.ايه رايك يا سارة
سارة.اللى يأذن بيه ربنا ،انا هصلي استخارة ونشوف
مصطفى.تمام صلي صلاة استخارة وربنا يوفق
سارة.ماشي
دلال.انا شايفة انه عريس لقطة ،يعنى دكتور قلب وعنده عيادة وسط البلد ووحيد ،لا وشكله متربي
مصطفى.يعني ده رايك يا ماما
سارة.طيب سيبونى برضه افكر واصلي صلاة استخارة
مصطفى.ربنا يسهل معاكى اسبوع وبعدين هياخد الرد ان شاء الله
مر الاسبوع وأتى اليوم الذى تنتظره الام 
مصطفى.ه يا سارة اقول للناس ايه
سارة.بصراحة يا مصطفى انا مش مطمنة
دلال.مش مطمنة ليه ،والا تكونى شايفالك شوفة
سارة.ايه اللى بتقوليه ده شوفة ايه،انا مش عيلة ف ثانوى انا مدرسة محترمة وعاقلة اوى
دلال.وعندك ٢٧سنة وداخلة ع ٢٨
مصطفى.اهدى بس يا ماما
دلال.اهدى لحد امتى ،الراجل دكتور ومستريح هنفضل نرفض لحد امتى
مصطفى.بصي يا سارة ،احنا مش هنستعجل احنا هنعمل خطوبة الاول ولو مش مرتاحة  والا لو شفنا عليه حاجة نفض الجوازة
سارة.ماشي ،عن اذنكم
يجلس محمد امام التلفاز ويدخن المخدرات وهو لايأبه لكون والدته تكرهه أو يستحى كونها تصلي بجوار معاصيه
عبلة.موبايلك يا محمد
محمد.هاتيه يا ماما ،الو
مصطفى.دكتور محمد انور؟
محمد.ايوه انا
مصطفى.انا مصطفى اخو سارة
انتفض محمد من مجلسه حتى أنه قام بملامسة نيران سيجارته التى احرقت يده فألقاها أرضا
محمد.ااا اهلا وسهلا يا استاذ مصطفى
مصطفى.انا كنت عايز اقولك اننا وافقنا ومنتظرينك بكرة ان شاء الله علشان نتفق على كل حاجة
محمد.ان شاء الله،ربنا يسهل
مصطفى.مبروك
محمد.الله يبارك فيك،مع السلامة ،ف رعاية الله
أنهى الحديث والتف ليرى والدته ترمقه بنظرات استحقار وغضب
محمد.ايه يا ماما مالك
عبلة.مش عارف عملت ايه؟
محمد.وربنا مااعرف
عبلة.الزفت اللى بتشربه ده اللى رميته ع السجادة حرقها
اسرع محمد للسيجارة والتقاطها بسرعة وهو يضعها بفمه
محمد.ده الضنا غالى
عبلة.مش ناوى تبطل الهباب ده
محمد.ماما ماتقومى شوفى عندك ايه تعمليه
عبلة.صحتك يابني وبعدين فيه دكتور قلب محترم يشرب حشيش
اجاب محمد بلامبالاة فقد مل من حديث امه والحاحها المستمر بشأن حياته
محمد.ده كيف و مزاج ،بقولك بكرة هنروح علشان نتمم الجوازة ان شاء الله
عبلة.ماشي يابني واوعى تقول ادامهم انك بتشرب السم الهارى ده
محمد.ماشي يا ماما ،بس هى بجد حلوة
عبلة.قلت لك زى القمر وبعدين ماانت شفتها
محمد.انا عارف بس باخد رايك
عبلة.جميلة تنقية خالتك
محمد.بقولك يا ماما ماتعملى شوية زلابية وهاتيهم
عبلة.زلابية دلوقتى؟
محمد.اه دلوقتى ،البتاع ده بيطلب حاجات غريب