ف الفرح قاعدة سارة وهتفرقع من كل البنات اللى موجودين دول بس محمد مش مركز مع حد خالص
محمد.(كده يامعلم لبست........وخلاص لو اتشقلبت على دماغك مش هتعرف تخلع......البت حلوة اوى وطيبة .......بس انا عارف انى مش هعرف اسعدنا💔)
جه وقت رقصة سلو وقام محمد وسارة يرقصوا ،القاعة كلها مضلمة ومفيش نور غير عليهم بس ،سارة باصة ف الارض ومحمد باصص لها ومبتسم اوى
محمد.ارفعى راسك شوية رقبتى وجعتنى 😂
سارة.😳
محمد.انا بحب الاغنية دى اوى
سارة.وانا كمان (عمرو دياب:وفهمت عنيك)
محمد.وليا مين انا غير حبيبي ومش هقول غير يا حبيبي،وكل يوم حكاية طول ماانا بهواااااك😍😍
سارة.😄
بعد الفرح واول لما روحوا بيتهم لما دخلوا الشقة محمد شد سارة وباسها جامد بس هى زقته بعيد
محمد.ده ايه ده ان شاء الله 🙅😒
سارة.انت عايز ايه بالظبط
محمد.لا ياراجل جاية تساليني ليلة الدخلة عايز ايه 😒
سارة.انا مش قصدى
محمد.خلاص ولا يهمك
سارة.انا هدخل اغير هدومي ونصلي مع بعض
محمد.نصلي😮
سارة.اه ،نصلي ركعتين شكر لله
محمد.😳ماشي
دخلت سارة اوضتها وخلعت فستانها والحجاب ودخلت اتوضت ولبست اسدال الصلاة وكان محمد قاعد ف الصالة ببدلته
سارة.انا خلصت يلا اتوضى علشان نصلي
محمد.😫حاضر
سارة.مالك يا محمد
محمد.مفيش حاجة انا هدخل البس انا كمان 😓
سارة.هستناك هنا
دخل محمد لبس وكان ف الحمام بيتوضى وبص ف مراية الحمام
محمد.(هتصلي يا محمد..........انا نسيت كنا بنصلي ازاى ،اخر مرة صليت كان يوم كتب الكتاب.......شكلها هتتعبني اوى .انا فعلا مااستاهلهاش💔)
خرج محمد م الحمام وهو زعلان اوى لحاله ده وزعلان ان سارة احسن منه وخرج م الاوضة كانت قاعدة ولما شافته وقفت وابتسمت ببراءة
سارة.خلصت😃
محمد.اه😓يلا نصلي
صلوا ركعتين ومحمد مش مركز ف الصلاة اصلا ،لانه حاسس انه مجرد نفاق اللى بيعمله ،اداء بس انما مفيش خشوع ولما خلصوا صلاة
سارة.تقبل الله😃
محمد.منا ومنكم ،مش يلا بقى
سارة.يلا ايه بالظبط😳
محمد.تعالى وانا هقولك
تانى يوم الضهر صحيوا على صوت جرس الباب
محمد.صباحية مباركة يا عروسة😉
سارة.😳
محمد.انا هروح افتح وانتى البسي واطلعي
سارة.حاضر
خرج محمد فتح الباب وكانت عبلة ودلال
عبلة.صباحية مباركة يا حبيبي لولولولولولولى 😄
دلال.اومال فين سارة
محمد.بتلبس وهتطلع
عبلة.تعالى عايزاك يا حبيبي
محمد.طيب عن اذنك يا طنط
دلال.ولا يهمكوا،انا هدخل الاكل ده المطبخ
دخل محمد وعبلة اوضة لوحدهم
عبلة.بص بقى عايزاك تتلم وتبطل القرف اللى كنت بتعمله ده ،ماشي
محمد.اه ان شاء الله 😒
عبلة.يابنى اعقل انت بقيت مسئول عن أسرة دلوقتى ولازم تعمل للمستقبل ،خاف على ولادك
محمد.ايه ده ما شاء الله هو انا بقى عندى ولاد اخاف عليهم😂😏
عبلة.لا يا قليل الادب ،ارمى أساس سليم علشان يطلع المبنى سليم
محمد.الله يبارك فيكي يا ماما😒
عبلة.للاسف ابنى😒
بعد اما مشيت دلال وعبلة كانت سارة بتاخد شاور ولما خرجت كان محمد قاعد ف الاوضة ع السرير
محمد.كنتى فين
سارة.😏مش باين عليا
محمد.😂لا باين شاور وشعرك مبلول (بيقرب عليها)وريحته حلوة اوى
سارة.انا هدخل اصلي الضهر
محمد.لازم دلوقتى يعني
سارة.اه فاضل شوية والعصر يأذن وانا مش بحب اأخر صلاتي
محمد.ماشي😒
دخلت سارة صلت ولما خلصت كان العصر بيأذن فصلته ودخلت الاوضة لقيت محمد قاعد حاطط ادامه طبق وفيه حشيش وبيلف سجاير
سارة.😨😱ايه ده
محمد.ايه،سجاير
سارة.محمد دى مخدرات؟
محمد.لا ده حشيش
سارة.محمد انت قلتلى انك مش بتشرب حشيش وانها سجاير بس
محمد.انا فعلا يوم ماقلت لك كنت بشرب سجاير عادية مش حشيش
سارة.محمد طلقنى،انا مش هعرف اعيش معاك وانا عارفة انك بتكدب عليا وكمان بتشرب القرف ده
محمد.😒واضح انك هتتعبيني
قام محمد وقرب لسارة وحط ايده تحت دقنها ومسكها من وشها جامد ،عايزة تطلقي،انا موافق وتروحى لأهلك يوم الصباحية ،عارفة الناس هتقول عنك انتى ايه
سارة.😭
محمد.هيقولوا طلعت معيوبة علشان كده اتطلقت يوم الصباحية
سارة.😓😭
محمد.ايه رايك يا عروسة انزل اسخن العربية علشان اوصلك؟😏
سارة.😭سيب وشي بقى
محمد.ايوه كده اعقلي وفكرى بدماغك وبرضه انتى حرة،عايزانى اطلقك انا موافق😏
سابها محمد واقفة وماسكة وشها م الوجع وراح قعد مكانه وشغل التليفزيون
طلعت سارة قعدت ف الصالة وهى بتعيط
محمد.يوووووووه😤انا غلطت
طلع محمد لسارة وكانت بتصلي وبتعيط جامد اوى ،كانت صعبانة عليه انها اتصدمت فيه بس كان متعمد يعرفها حقيقته م البداية ولما خلصت صلاة
محمد.تقبل الله
سارة.😒منا ومنكم
محمد.سارة عايز اتكلم معاكى
سارة.انا مش عايزة اسمع صوتك اصلا
محمد.معلش تعالى على نفسك واسمعيني
قعدت سارة على حرف الكنبة وهو قعد جنبها ومسك ايدها بس هى شدتها
محمد.ماشي،هوووف ،بصي يا سارة انتى عارفة انى بشرب سجاير ودى ذنوب باخدها انا عارف مافرقتش بقى السجاير م الحشيش وبعدين انا مش مدمن يعني،دى حاجة كل فترة كده يدوب تعدل مزاجى
سارة.بس ده حرام😒
محمد.حرام لو بتُذهب العقل(بتسكر)انما انا مش بوصل للدرجة دى،دى حاجة بسيطة وخلاص
سارة.بسيطة وخلاص 😒انت بتفسر كمان الاية على مزاجك وتقولى بسيطة ،انا مش عارفة انت طلعت كده ازاى
سارة قامت وكانت داخلة اوضتها بس محمد مسكها من كتفها وحضنها بالراحة
محمد.لو قلت لك انى هبطل
سارة بعدت عنه وبصت له
سارة.😮بجد هتبطل
محمد.اوعدك انى هحاول ابطل ،دى برضه حاجة صعبة
سارة هى اللى حضنته المرة دى وفضلت متعلقة ف رقبته
سارة.محمد انا بحبك اوى ،اوعى تخذلنى ف يوم
محمد.💔انا كمان بحبك
أنت تقرأ
حكاية جواز
Romanceحكاية بتحصل ف بيوت كتير ف العالم كله بتختلف التفاصيل بس ف النهاية النتيجة واحدة
