حكاية جواز

2

ف منزل سارة بينما گانت تشاهد التلفاز دق هاتف أخيها فالتقطته واجابت
سارة.الو ،ازيك يا سمر ........ده بيصلي العشا.........حاضر اول ما يخلص هخليه يكلمك،ماشي يا سيمو مع السلامة
بعدما عاد مصطفى من صلاته ف المسجد
سارة.تقبل الله
مصطفى.منا ومنكم ،قومى يابت اعمليلنا شاى بقى
سارة.ماشي ،على فكرة سمورة اتصلت بيك😉
مصطفى.اولا مابحبش الحركات بتاعتك دى ،ثانيا انتى مدرسة محترمة يعنى المفروض تتكلمى كويس،ثالثا سمر وانا مكتوب كتابنا يعني بقيت مراتى ،مش عيلة ماشي معاها
سارة.ايه ،بالراحة عليا ،انت هتفتحلى محضر ،اشبع بيها ياخويا

ف اليوم التالى ذهب محمد ليبدا خطواته نحو حياة جديدة كاملة
مصطفى.مبروك يا دكتور محمد
محمد.الله يبارك فيك
مصطفى.بص يا دكتور ان شاء الله احنا مش بنحب فترة الخطوبة تطول
محمد.ولا احنا ان شاء الله بالكتير خمس شهور تكون بس توضيبات الشقة خلصت
مصطفى.وكمان مابنحبش الخروج كتير يعني اكتر من المشاوير الضرورية علشان الشقة والتجهيزات مش هينفع
شعر محمد بالضيق وبدأ يتأفف من مطالب أخيها
محمد.ماشي ،بس على فكرة انا كنت عايز اقول حاجة
مصطفى.اتفضل
محمد.بصراحة انا بدخن
دقت طبول الحرب والخوف داخل عيلة وعلت ملامح الصدمة لتكسو وجه مصطفى
مصطفى.ايه،بس مدام ايمان ماقالتش كده
دلال.تعالى يا مصطفى عايزاك
مصطفى.حاضر ،عن اذنكم يا جماعة
خرج مصطفى و دلال وفضلت سارة قاعدة مع محمد و مامته
عبلة.انتى رايك ايه يا سارة
سارة.اللى فيه الخير يقدمه ربنا
عبلة.ه،اوعى تكونى غيرتى رايك
احمر وجهها خجلا وحاولت أن تصبغ كلامها بالجدية لكنها فشلت وأجابت بهدوء
سارة.اللى فيه الخير يقدمه ربنا
عبلة.ايوه طبعا بس انا عايزة اعرف رأيك انتى
محمد.خلاص يا ماما دى مكسوفة خالص
فى الخارج دار حديث مختلف بين دلال و مصطفى
دلال.مالك دمك هرب كده ليه لما عرفت انه بيشرب سجاير
مصطفى.يا ماما انا كده مش هبقى مطمن
دلال.هتوقف الجوازة علشان السجاير ،اختك مش صغيرة دلوقتى ،واللى اصغر منها اتجوزوا وخلفوا
مصطفى.بس يا ماما
دلال.بس ايه بالظبط،مشي الجوازة يا مصطفى وبعدين يمكن يبطل
مصطفى.ولو مابطلش
دلال.ابوك الله يرحمه كان بيطفى السيجارة ويولع غيرها وعمره ماغلط فيا
مصطفى.يعني انتى شايفة كده؟
دلال.هو ده عين العقل
مصطفى.ماشي،ربنا يسهل
دخل مصطفى ودلال تانى
مصطفى.ماشي يا دكتور ان شاء الله يبقى الفرح ف شهر اغسطس يوم واحد يبقى ٥ شهور بالظبط
محمد.ان شاء الله،وهنعمل الخطوبة امتى ؟
مصطفى.يوم الخميس الجاى ان شاء الله
عبلة.طيب نقرأ الفاتحة بقى
مصطفى.على بركة الله
بعد قراءة الفاتحة بمباركة الزواج رفع محمد نظره لعروسه وكانت مازالت مطرقة راسها للاسفل وان اتسعت ابتسامتها
دلال و عبلة . لولولولولولولى
تمت الخطبة وبدأت فترة تعارف محمد و سارة و ف يوم
سارة.ماما محمد زمانه جاى ،خلصتي كل حاجة؟
دلال.ايوه يا حبيبتي كل حاجة خلصت ،يلا يا مصطفى
سارة.نفسي اعرف وقفتك ادام المرايا بالساعات ليه
مصطفى.فرحان بشكلى اصل انا امور مش زيك غفير
سارة.عاجبك كده يا ماما
دلال.ماهو عنده حق ،لا بتحطى احمر ولا حاجة ف وشك ،ده ربنا يكون ف عون خطيبك
سارة.اهو انا كده مش عاجبكم انتوا حريين،ولو هو كمان مش عاجبه نفض الموضوع خالص
دلال.ياختى انتى بتتامرى على ايه،علشان .........
دق الجرس وتوجه مصطفى لفتح الباب وكان محمد
محمد.السلام عليكم
مصطفى.وعليكم السلام،تعالى يا محمد اتفضل
دخل محمد و مصطفى قعدوا ف الصالون
دلال.اومال فين مامتك يا محمد
محمد.تعبانة شوية يا طنط وماقدرتش تيجي بس بتسلم عليكي اوى
دلال.الف سلامة عليها يا حبيبي
محمد.الله يسلمك 😊
دخلت سارة وهما قاعدين
سارة.السلام عليكم 😊
محمد.وعليكم السلام😊ازيك يا سارة
سارة.ازيك يا محمد😳
دلال.اقعدى يا سارة،تعالى يا مصطفى نجهز الغدا
مصطفى.😓😓
دلال.يلا يا مصطفى معايا
قام مصطفى و دلال وسابوا محمد و سارة لوحدهم واول لما مشيوا محمد مسك ايد سارة بس هى شدتها بسرعة
سارة.ايه اللى بتعمله ده😒
محمد.عملت ايه بالظبط😓
سارة.انت بتمسك ايدي ليه 😒
محمد.انتى خطيبتي
سارة.مش مراتك ،وبيتهيالى مش من حقك تعمل كده
محمد.مش من حقى امسك ايدك،مش من حقى اخرج معاكى،مش من حقى اقولك كلام حلو ،مش من حقى اى حاجة
سارة.انا بتكلم ف الصح
محمد.انا مش عارف انتى بتعملي كده ليه،هو انتى مغصوبة ع الجواز ؟😒😤
سارة.اكيد لا،انا ماحدش يقدر يغصبني على حاجة
محمد.امال ايه بالظبط 😒
مصطفى دخل بسرعة
مصطفى.فيه ايه يا جماعة صوتكوا عالى اوى
محمد.عن اذنك يا استاذ مصطفى 😒
مصطفى.عن اذني ايه ،والغدا ،هو ايه ايه اللى حصل
محمد.ماحصلش حاجة 😒عن اذنك
مشي محمد ودخلت سارة اوضتها مضايقة وبتعيط لأنها بدات تحب محمد
دلال.فيه ايه يابنتى
سارة.مفيش حاجة يا ماما 😭
مصطفى.اومال بتعيطي ليه ،هو عمل حاجة ضايقتك
سارة.كان عايز 😭يمسك ايدى
دلال.نعم ياختى ،طيب وفيها ايه😒
سارة.ايه اللى فيها ايه،هو لسه مش حلال علشان يعمل كده
مصطفى.كنت سيبيه يمسكها يا فوزية😂😂😅😅
سارة.انت بتهزر😒😭
مصطفى.معلش ماتزعليش،اكيد ماكنش قصده
عند محمد داخل البيت هيفرقع
عبلة.رجعت بدرى يعني ،ومالك مدخن كده ليه
محمد.انا مش عايز اكمل مع سارة دى ،دى عقدتنى ف عيشتى
عبلة.ليه بس،هى عملت ايه
محمد.اقولها كلمة حلوة تقولى حرام،امسك ايدها تزعق و تزعل ،النهاردة سالتها اذا كانت مغصوبة ع الجواز
عبلة.وايه اللى يغصبها 😒
محمد.اومال بتعاملنى كده ليه😬

عبلة.وهى هتتغصب ليه يعني
محمد.يووووه،اومال ايه يعني ،دايما مقابلانى بالوش الخشب
عبلة.بصراحة بقى البت مش غلطانة 😒😒انت اللى صايع وعايز واحدة تلف بيها مش واحدة محترمة تتجوزها
محمد.ليه انتى شايفانى زبالة اوى كده
عبلة.اوعى تكون فاكر انى مش عارفة اللى بتعمله،والقرف اللى بتنيله ف العيادة بتاعتك وبنات الكباريهات اللى كل واحدة ليها معاك حكاية،الظاهر ان المحترمة مش هتنفعك،انت عايز واحدة زيك 😒تقنعك انك اول واحد ف حياتها وهى عايشة بمزاجها
محمد.ايه اللى بتقوليه ده😠وبنات ايه ف العيادة
عبلة.ماتكدبش ،انا قلت انا عارفة وانتى عارف انى صح ،هتروح تصالح سارة
محمد.لا انا مش عايزها ومش نكمل معاها وطالما عرفتى اللى فيها بقى يبقى انا مش هتجوز انا هفضل عايش على كيفى مع بنات الكباريهات اللى مش عاجبينك
عبلة.كيف ايه يا ابو كيف👋انت هتعمل اللى بقوله ،وهتتجوز سارة بمزاجك او غصب ،هتتجوز واحدة محترمة ،واحدة تصون بيتك وتلمك تعمل لك أسرة وولاد
محمد.😒😒😒
عبلة.روح اتصل بيها وصالحها
محمد.بكرة
عبلة.لا مش بكرة ،دلوقتى ،وحاول تحبها
محمد.والله قولي لها الكلام ده مش ليا انا😠
عبلة.غور بقى صالحها لو ضاعت منك مش هتلاقى واحدة ف أدبها
محمد.طيب😬
دخل محمد اوضته وهو مضايق مش علشان سارة ولا علشان مامته ضربته لأول مرة ،زعلان لان مامته واجهته بحقيقته اللى هو نفسه بينكرها،وعند سارة قاعدة ف اوضتها وبتعيط لسه
سارة.(طيب ماتسيبيه........بس بحبه.....لحقتى تحبيه.......اه لحقت......ده الانسان الوحيد اللى حبيته.........انتى يعني كنتى حبيتي غيره😭)
لقيت سارة موبايلها بيرن واول ما لقيت اسمه قلبها كان بيرقص م الفرحة مجرد صورته ع الموبايل بتفرحها
سارة.الو😭😢
محمد.ازيك يا سارة
سارة.كويسة الحمد لله 😢
محمد. ماتزعليش منى ،انا مقدرش على زعلك
سارة.خلاص ولا يهمك بس ممكن ماتعملش كده تانى
محمد.حاضر ،خلاص بقى امسحى دموعك
سارة.بس انا مش بعيط
محمد.على فكرة عينك احمرت اوى م الدموع
سارة.بجد😨
محمد.شفتى بقى انك بتعيطي😄ماتزعليش بقى حقك عليا
سارة.خلاص مش زعلانة
محمد.طيب ممكن اقولك حاجة من غير ماتضايقى
سارة.اتفضل
محمد.انا بحبك
سارة.😊وانا كمان بحبك
محمد.اخيرا قلتيها،ده انا كنت فقدت الامل يا شيخة
سارة.😂تصبح على خير
محمد.وانتى من اهله
قفلت سارة الفون وهى فرحانة اوى ،مجرد صوته بيسعدها ،وعند محمد كان برضه مبسوط رغم بساطة الكلمة اللى قالتها ورغم أنه سمعها من بنات كتير ،بس أنه سمعها من سارة كان ليه تاثير غريب ومش عارف ليه ،هل علشان بيحبها بجد والا علشان زعلها فعلا