للكاتبة نور الشمس
.
.
دلال..
نزل جعفر فرحت بحبه الي بس اريده يحس بيه اكثر مايعرف هوه شنو بالنسبه الي لو يدري شگد احبه ماجان عاقبني هيج عقاب .
صعب عقابه الي اجيت وكلي لهفه وشوگ
اتمنى يحس بيه يمكن بده يتعود عليه وانه وهذا الشي يرضيني نضره منه كافيه بالنسبه الي بس گلبي المتعذب شسويله
لو بيدي جان تركته من اول ماعرف بي يحب
لوبيدي ماحبيته ولاتعلقت بي كل هذا وهوه احلى شي بحياتي ضليت افكر بي وبحبه مانمت ضليت اسمع اغنية حنيت الك
حنيت الك بالحلم
أنا حنيت اريدك تحن
وتحسبها منا اعله الجفن
حنيت حنيت أه ياجفن
مرات ياخذني الهوه
الأيامك الراحن واجن
شفتك حلم كل العمر
يالوالمتني من الزغر
شوگي الك ليل وسهر
بيدر محنه ياصبر
حن حن أه ياصبر
عيونك مكاتيب وأغاني
بكل فرحها بكل
وداد ايام وسنين العمر
ألروح غيمه وحدرت بر
مانزل يمها النده ولاجاسها
مره المطر
سألوني عنك وأنت يمي تعيش
وتمنيت تنطيهم خبر
وسألوني عنك وانت بين الروح
يالمرتاح يالحسنك بدر
سمعتها وعشت وياها بكل حرف ولحن
دموعي نزلن وگلبي انعصر
الأغنيه تعبر عن احساسي
حنيت الك والله حنيت اريدك انت كلشي مااريد
بعدني اسمع ومندمجه واجه جعفر
..هاي بعدچ گاعده
..أي مااجاني نوم
..شبيچ ليش تبچين دلال والله دموعج تعذبني تنهد
گال شنو تردين اسويلج حته ترضين ليش ضايجه
والله اعوضج عن كل يوم ضجتي بسببي بس مااريد اشوف دموعج گولي ليش تبجين
..مسحت دموعي گتله چنت اسمع اغنيه واندمجت وياها
..سمعيني وياج يااغنيه الي تسمعيها
..حنيت الك عليت الصوت وسمعناها سوه
اغنيتي المفضله دائما اسمعها بس اول مره نسمعها سوه صارت عيوني بعينه وهوه يسمع شفته اندمج وياها وضلينه نتبادل مشاعرنه بنضراتنه
جعفر .
راح الوكت گلت اصعد اكيد نامت
دخلت لگيتها گاعده وتبجي گلبي انعصر عصر
ليش تبچي والله دموعها تأذيني حاجيتها وردت تگلي اي شي يرضيها وأنفذه بس مااريد اشوفها هيج
گالتلي جنت اسمع اغنيه واندمجت وياها سمعناها سوه احس گلبي تگطع من اسمعها واشوف عيونها تأكد كل كلمه بالأغنيه صح المشاعر الي بداخلي مو الحب الي اعرفه والعشته قبل بس اكو لهفه بداخلي الها والأهم وياها نسيت ريم او شلتها من بالي من التقت عيوني وياها
شفت بعيونها الشوگ واللهفه والحب وهواي من المشاعر انخلطت مشاعري.. گلبي تقبل كلشي
اكو لهفه بداخلي الها ليش هيج يصير بيه
ايام قليله ليش هيج انه تعلقت بيها
وين حبي ذاك وين حب السنين اريد شي
بداخلي يتحرك من ذاك حبي ماكو شي معقوله نسيت.لو صدگت روحي وتناسيت
من اركز وياها گلبي يگلي هذا حبك تقبلها وحبها واترك الماضي الحب بعد الزواج احلى سمعت الأغنيه
سحرتني سحر والألحان والكلمات رحت وياهن الغير عالم حضنتها گامت تشهگ بالبچي
يارب شسويلها انه گلبي خلصان
گتلها فدوه الوجهج لاتبچين والله تحرگيني
حرگ بهاي دموعج .
والله بديت احبچ واتقبلچ ولج ايام قليله فريتيني فر
الأحساس اليجيني وياج ماعايشه
يجوز انتي ماتدرين بيه انه چنت احب
وحبيبتي ماتت وگلت مستحيل احب وراها وحده
ولااتزوج بس الزواج انتي تعرفين قصته
وحبج ماادري شلون دخل گلبي وهوه مقفول ماچان ابالي اتقبلچ بهالسرعه
دلال ارحميني والله گلبي شايب من الهم
يابنت الناس لاتزيدين همي
احجي وهيه مانطقت حرف بس تبچي
گتلها انتي شنوو التردينه ردتيني احبچ
هاي انه جاي اتقبلچ واحبچ ردتيني احس بيچ ووصلني احساسچ
بعد شنهي التردينه گولي بس لاتضلين هيچ
ساكته والله گلبي حيا وياچ گلبي موتته وانتي الحيتي
دلال انه تعذبت لاتشوفيني اكشخ واطلع وامشي على طولي واكابر .
ضربت على صدري گتلها هذا مغيم كله هموم
محد يدري بالضيم البي وياج نسيته كله من اشوف دموعج يرجع الهم الي .
انتي مو صوچچ صوجي انه
انه ابو الصوچ انه أغم ماعرفت اتصرف
وي كل الناس زين بس وي روحي ارضي الكل على حساب روحي
تعبت روحي الحد ماشيبتها الروح
مااريد اتعبچ وياي شنهي اليرضيچ
سوي وانه ألي الله محد حاس بيه
محد يعرف الي بداخلي
كلها تريد مني محد يعذرني
السويته وياج ردتج تعرفيني انه شنهو
ردت اسويلج قيمه الج ماردت تحسين انه جاي عليج مجبور ولاردت ابينلج انه ماخذج حته انطي لهلي البشاره .ولااريد انجبر على شي اني مامقتنع بي اصلا ممتصور اتقبلج بهالسهوله
ماچنت احبج وجنت افكر بيج مثل ماافكر بنفسي
صح سويت هذا الشي الروحي بس چنت ابالي اسويلچ قيمه گتلج مااخذج جبر اخذج وانه رايدچ وملهوف عليچ ..
أحجي يابنت گولي شي مو ريگي نشف الخاطر الله تمرمرت .
..وهسه انت رايدني لو بعدك مجبور
..رايدج والله رايدج وداعة عيونج رايدج
دلال گلبي خلصان مااتحمل انه ملامه فدوه اروح العمرج لاتلوميني البيه مكفيني
..ضليت اناشغ من الفرح شبعت بچي
..هم بچت احترگت روحي الي ماشافت الراحه
تنهدت دلال انه روحي فارت بعد مااتحمل
نامي يبنت الناس نامي وخليني لهمي وضيم گلبي
..جعفر أحبك
..حبتني حيه الناس تحصل بوس محاضن انه حبي ضيم بضيم
..ضحكت وانه اناشغ اختلطن الضحكه والدموع
..أضحكي اضحكي هوه ا نه الله خلگني مضحكه
جاكونج تضحكين الدموع هاي المن
..دموع الفرح والله جعفر انه ماردت شي ردتك انت وبس ردتك تحس بيه
..جاخوش الحجي الحجيته فهمتي لو ارجع اعيده
..لا فهمت
..خوش كون فهمتي گليلي شنو تردين
..أريدك تحبني
..لا هواي فاهمه ولج احبچ والله اكيد احبچ اكثر اذا رضيتيني وتتغيرين الأجلي هم شايفه واحد قافل نهائي مايتقبل السويتي بسهوله بأيام انتي سحرتيني وسودنتيني هسه تحنين عليه لو شلون
..ضحكت گتله حن وانه احن
..اليوم نگضيها من طالب القرغولي الياس خضر
شو تعاي يمي وعوفي العتب يولي
حضنتها وطلعت شوگي الها حبي مشاعري
چنت بكل شمه منها روحي ترد الي
وهيه نسمه صارت بأيدي بذاك اليوم توثق زواجنه
وچان احلى يوم بالنسبه الي
نامت وانه للصبح صافن عليها
باكبر همومي وضوجتي وحزني وانه ايماني بالله جبير الحمدلله ربي عوضني
گعدت ثاني يوم الصبح وجها يشع الفرحه مبينه عليها .
..صباح الخير
..هلا بهالصباح كل الهلا
..اليوم تروح للشغل
..اروح بس اوقع على اوراق مهمه وراجعلج غمزتلها وبستها رحت غسلت بدلت وطلعت
