تاق لأصدقائكم :*
الحلقة 25 من قصة " أسيل " :
نضت الصبح ع صوت المنبه ~~ وتيت روحي وكلمت لقيت أمي طالعة ومحمد مهناش ولعت السيارة وبعتت مسج لي علاء ومشيت =D
وصلت للمصحة لقيت أيمن كيف جاي ~~ أستنيته برا جاني ووجهه متغير
أنا : أيييمون كيف حالك وكيف حالي رانيا والبيبي
أيمن : الحمد الله
أنا : شنن فيي ؟؟؟
أيمن : تعالي الداخل نبيك شوي
أنا : ايمن البنت شن صارلهااا مااتتت ؟؟؟؟؟؟؟؟ تكلللم أيييمن
أيمن : والعبرة خانقاته " البنت طلعت من متلازمة الداون :\
أنا : نعمممم أيمن أنت شن تقوول ؟؟؟ لا أله الا الله :\ أمتى عرفت وكيف أصلا الحاجات هادي يعرفوها من فترة الحملل !!
أيمن : النسبة صغيرة مابنتش في الجهاز أمس بعد ماروحتو جاني الدكتور وقالي !!
أنا : مش فاااهمة شئ أنااا " وبديت نبكي ونزلت ع ركابي وعلي خشت علاء طبعا أحني كنا واقفين بجنب الباب "
علاء : خييركم شن في ؟؟؟ دانيا خيررك ؟؟
أنا : البنت ياعلااء طلعت مغووولية ووه عليي راانيااا فرحااانة ومااحصلتهاا بعد شوووق علااش حاجتنااا عمرها ماتجي بالساااهل يااارب صبرك ياارب
علاء : كييف ؟؟؟ باهي رانيا عرفت ؟؟
أيمن : اي اليوم الصبح قلتلها
أنا : وشن قاالت ؟؟؟
أيمن : تي صارلها أنهيار عصبي وعطوها مهدئ وطلعت وخليتها راقدة
أنا : يانااااري علي وخيتي نبي نشووفهااا
أيمن : توا راقدة مافش كيف
أنا : والبنت ؟
أيمن : في الحضانة
وطلع يجري وأنا زدت نبكي هلباا وعلاء قعد يهدي فياونوضني وخداني في حضنه ~~ ناعليا تاني حضن ~~
علاء : خلاص عااد وشن فيهاا ماهو زينا زيهم بالعكس هادم أحسن وأطيب ناس والله لو انا جاني ولد هكي لما نفرح بيه
أنا : :\
علاء : هي خلاص حاولي أنك ماتحسسيهاش انها حاجة كبييرة باش متزيدش
أنا : حاضر
علاء : سلمها يلي تسمع في الكلام <3
أنا : علاء منروح
علاء : لا أقعدي معاها هيا بحاجتك توا
أنا : والله مانقدر واااعرة راه
علاء : معلش غصبي ع روحك ~~ فطرتي ؟
أنا : لا والله ماعندي نية
علاء : مشاء الله ~~ فالحة
أنا : عارفة
علاء : دانيا !! ~~ نمشي نجيبلك فطور ونجي وخشي الداخل عند رانيا نلقاك برا تشووفي
أنا : باهي
علاء : هي مش ح نعطل عليك
أنا : تمام متتأخرش
علاء : سلام ~~
طلع علاء وأنا ركبت لـ رانيا خشيت عليها وكانت راقدة وأيمن مهناش ~~ أول ماشفتها قعدت نبكي ع الصامت وجعتني رانيا هلباا قداش ليها كانت تتمنى في بيبي :\
قعدت مقعمزة ونبكي وخلاص لين جي علاء وجاب معاه فطورمكليتش =D عنديش نية مايندريش عليا علا لأنه كلع برا ~~ ونضت نبي نمشي للبنت مشي معاي علاء ركبنا ولقينا أيمن يبكيييي هلبااا
علاء : ايمن خيررك ياراجلل
أنا : مااتت صصح ؟؟؟مااتت ولااااا
أيمن : قلبها كاان تاااعب هلبااا لين وقققف بنتيي توفففت قااعد مشبعتش منهاا أنااا علاااش بسسسس
علاء : لا اله الا الله
أنا : أول ماسمعتهاا الكلمة رجليا معاش حملوني تقدرو تقولو أغمى عليا~~ ع سبلة عاد ~~ جي علاء يجري وقامني رفعني للأسعافات ~~ ركبولي تغدية طلع عندي هبوط ~ مسكين علاء خاف عليا وأول مافقت لقيت دموعه في عيونه :\
علاء : دانيا معاش تخوفيني عليك !! خيرك ماكليتييش !!
أنا : ونبكي " رانيا قلتولهاا
علاء : لا
أنا : وامي ؟
علاء : لا
أنا : ومحمد
علاء :لا
قعدت نبكي عمرها فرحتنا ماتمت ~~ قعد علاء يهدي فيا وشاد يدي وحتي هوا متأثر هلبااا :\
علاء : دانيا نبيك قووية زي مانعرفك خلاص حبيبتي هيا :\
أنا : وخيتي والله مانقدر نركب ونقوللها والله
علاء : به خلاص تبيش تقوليلها براحتك توا نقول لأيمن ~~ شن تحسي توا أحسن ؟
أنا : اي الحمد الله نبي نطلع
علاء : لا مزال لين التحاليل تطلع
أنا : لالا أنا أصلا منقعد عند رانيا مش مروحة
علاء : باهي خليك توا نمشي نشوف ايمن ونجي
أنا : باهي تتأخرش
وباسني ع راسي وطلع وقعدت نفكر في رانيا شن بدير لو عرفت مسكينة :\
جت الممرضة وفكتلي التغدية وعلي خشت علاء شد قي يدي وطلعني مشينا لي رانيا مشخيتلهاش قعدت برا نبيكي وخلاص وبحداي علاء كلمتني أمي قتلي بتتأخر شوي ~~ ومر شوية وقت وجي محمد
محمد : أوو علاء شن الجوو ~~ دانيا خيررك ؟؟ شن فيي ؟؟
ع طوول نضت وحضنته وقعدت نبكييي بقوووة وهوا مش عارف شئ ~~
محمد : دانياا رانيااا خيرهااا تكلمييي خيرلكك
علاء : البنت توفت
محمد : قعد مصدووم هلبااا وبعدين سيبته وطلع يجري ~~
علاء : ضروري منها التضبيطة ؟؟
أنا : قعدت نشوفله وفي خاطري وقتها الغيرة توا ~~ وتعفلق وطلع جي أيمن
أيمن : حمد الله ع سلامتك
أنا : عظم الله أجرك
أيمن : أجرنا وأجرك
أنا : قلت لي رانيا
أيمن : لا مش قادر نخشلها أصلا
أنا : قتلي الممرضة راقدة
أيمن : اهاا به خلي أمك تقوللها
أنا : اي كلمتني وقالتلي بتتأخر شوي ع جية معناها
أيمن : تمام
وقعدنا مقعمزين جت أمي ~
ايمان : خيركم برا وأنتي خير عيونك منفخات ؟؟ تي خيررك تبكييي
أيمن : البنت توفت
ايمان : لا اله الا الله
وبدت تبكي بشكل مش طبيعي :\ :\ وجعتني هلبا أول حفيدة ليهاا مفرحتش بيهاا :\
بس لا اعتراض علي حكمتك بديت شوي شوي نتغلب ع نفسي وخليت روحي قوية جت عزوزتي قلنالها بس كانت عارفة أنها " مغولية " فـ متأترش هلبا بالعكس حمدت ربها انها توفت ولا قعدت تعاني فيها اناا تفلقت هلبا من اللقطة وحت أمي مهما كان انسانة زينا زيهاا
أيمن : لازم ماحد يخش يقوللهاا
ايمان : انا والله مانقدر
سمية : ولا أنا
أنا : أنا ح نقلهاا :\
تشجعت ومسحت دموعي وواسيت روحي وخديت نفس وفتحت الباب ..
يتبع ..
