تاق لأصدقائكم :*
الحلقة 26 من قصة "أسيل" :
تشجعت ومسحت دموعي وواسيت روحي وخدين نفس وفتحت الباب
أول ماشفتها تأترت هلبا ودموعي ينزلو لا اراديا لقيتها تقرأ في قران وتبكي ~~
شافتني سكرت المصحف وقالتلي والعبرة خانقتها~~
رانيا : باهي يلي جيتي ساعديني نبي نمشي نشوف لين
أنا : أرتاحي انتي
رانيا : لالا مرتااحة نبي نشووفهااا أرفعيني بالله علييك قلبي مقبوووض ونبي نرتااح نبي نشوفهاا " وبدت تحاول تنوض حولت البطاينة يلي عليها "
أنا : نضت ومشيتلهاا شديتهاا وهيا تبكي وأنا نبكي "
خليك رانيا مش كويس هكيي
رانيا : ارفعيني ليها وراس وخيتي
أنا : شديت يدهاا "
رانيا !!
رانيا : علااش ماتبيش ترفعيني ليهااا علااش
أنا : انتي مؤمنة بالله صح ؟ مؤمنة بحاجة أسمها قضاء وقدر صحح ؟؟
رانيا : توفت ؟
أنا : والله كل شئ يتعووض المهم حملتي والدنيا قدامك وقاعدة في عز شبابك
رانيا : يعني توفت صحح ؟؟؟؟ مااااتت صحح ؟
انا : لين ماتت
في البداية كانت مصدومة وتشبحلي والدموع ينزلو منهاا بعدين قعدت تصييح وقعدت نهدي فيهاا خش أيمن وسمية وأمي~~
ايمان : لالالالالا رااانيياا متديريشش في رووحك هكييي والله كل شئ يتعوووض المهم حمللتي أنتييي
سمية : توا أنتي اما احسن تموت ولا تقعدي تعاني فيهاا بالعكس والله أحسن توفت أرتاحت وريحاتك معاملتهم صاعبة ~~
طبعا أحنى قعدنا نشبحولهاا ومصدووميين شن تقول هاادي !!
أيمن : أميييي تي شن تقوللي أنتيييي
رانيا : بنتييي هااادي بنتيي تبيني نحمد ربي انها تووفتت ؟؟ وعلااااش أصلاا لأنها مغوليية وشن فيهااا ماهوو زينا زيهاااا والله احسن نااس تجي اهنى وتقوليلييي أحسن تووفت حفييدتك هادي بنت ولددك هاادي كيف تحمدي ربك أنها توففت بنتييي يااناااس بنتييي حملتها في بطي 9 شهووررر 9 شهوور حبيتهاا والله ~~والله ماشبعت منها ولا شفتهااا علااش أناا بس يلي حاجتي ماتجي بالسااهل
ايمان : لاا متقوليش هكي !!
سمية : توا طلعتوني الغالطة ع خاطر قلت هكي ! تي ح تقعدي طول العمر تعاني فيها معاملتهم صعبة ~~ صعب تفهمي عليهم ومايعيشوش هلبا وخاصة جت بنت من بيقبل بيها ؟ من بياخد وحدة مريضضة
أنا : معليش مش وقتها الدووة هادي اللاي ! مفروش تهديها وتوقفي معاها مش تقوليلها أحسن يلي توفت ! والله مايصير الكلام هاداا
وطلعت ومشيت للسيارة وأنا مش شايفة شئ قدامي قعمزت فيها وبكييت بكييت لييين قلت يانا ~~ قعدت حاطة راسي ع الدومان ومانبيش نفكر بي شئئئ مقعمزة وخلاص ~~ طقطق روشن السيارة قمت راسي لقيته محمد فتحتله السيارة فتح والباب وقعممز بحداي..
محمد : خيرك اهنى ؟
أنا : عزوزتها جابلتي القداد
محمد : عزوزتك مستقبلياً .. كيف حال رانيا قولتولها ؟
انا : اي قلتلها
محمد: وشن مدايرة ؟
أنا : وشن بدير يعني في الصبح قالولها بنتك مغولية أنهارت وعطوها مهدئ وبعدها في العصر يقولوها بنتك ماتت !
محمد : مغوولية !!!
أنا : متندريش ؟
محمد : للالا توا كيف سمعت منك قصدك جت من متلازمة الدوان ؟؟؟
أنا : اي نسبة صغيرة مابانتش في الجهاز
محمد : ووتوفت ؟
أنا : اي قليبها ضعف
محمد: لا اله الا الله ~~ بس غريبة يعني أحني معندناش حد في العيلة هكي
أنا : اي أيمن عندهم أقاربهم هكي
محمد : أوو وشن دار أيمن لم اعرف ؟
أنا : مسكين باللهي :\
محمد: ربي يعوضهم بس تفاجاءت الحق
أنا : اي حاجة متخطرش ع البال بكل
محمد : هي ننزلولها
أنا : تي لالا أنزل أنت ماعنديش نية نقابل عزوزوتها
محمد:خيرها هي ؟؟
أنا : تي تحم\د في ربها أنها توفت !!!
عفلقتنييي معندهش قلب ولا كيف
محمد : ربي يهدي ~~ هي انزلي ولا روحي مش تقعديلي في السيارة !
أنا : وااك مانبيش نروح نقعد بروحي :\ ومانبيش ننزل
محمحد : أنزلي أنزلي
أنا : خليني
محمد : تي هياا
أنا : باهي نمسح دمووعي
محمد : مش فالحة فيهم عاد
انا : شووف يدي مبكرلي ركبولي تغدية :\
محمد : الله ؟
أنا : والله :\
محمد : عاد ع سبلة انتي
أنا : قاعدة دايخة راه
محمد : به هي نروح بيك
أنا : لا مانبيش
محمد : ااماالا خشي الداااخل نفختيهم رااه
أنا : أعصابك =
محمد : -_-
أنا : هييي ننزلو بس مش ح نخش الداخل راه منقعد برا
محمد : ديري رايك
نزلت معاه وقعمزت برا شين تليفوني طلعت نور قلتلها وقالت بتجي ~~ كلمت الاء وحكيتلها ~~ مر الوقت وادن المغرب وأنا مقعمزة برا وهما معاها الداخل ومحمد روح وعلاء مبانش ~~ جت نور ومرت عمي لمياء ومجد -_-
نور : عظم الله اجرك :\ مسكيينية والله وجعتني
أنا : أجرنا وأجرك :\ اي باللاهي : (
لمياء : وينها هي ؟
أنا : في الدار أهني
لمياء : باهي خلي نخشلهم
جي مجد مد يده بيسلم :\ سلمت عليه وعلي جية علاء !!
مجد :هي أنا مروح لما بتروحو كلموني
نور : ماشي
طلع مجد وجاني علاء ~~ وشهدي يادانيا ~~
علاء : وين أمي ؟
أنا : داخل -_-
علاء : من في ؟ -_-
أنا : أمي وأمك ومرت عمي
علاء : وأيمن ؟
أنا : وين نندري كيف جيت
علاء : وين كنتي ؟
أنا : تحقيق ؟
علاء : وين كنتي ؟
أنا : في السيارة باهي هكي ؟
علاء : روحي
أنا : لااللا مانبيش
نور : أنا نستأدن
علاء : دانيا بللا عناد ! قتلك روحي
انا : علااش نروح أختي يلي داخل راه وكان تبيني ؟؟
علاء : بديري يلي في راسك ؟
انا : علاء أنا ديما نقولك فيها لما نكون حلالكك تحكم فيا وين ماشية وين جاية ~~ أنت مش تقول كل شئ بالتفاهم أقنعيني ونقنعك ! أقنعني علاش نروح !
علاء : باش تقعديلي هنايا وتهدرزيلي مع لولااد !!
أنا : لو سمحت !!!!! متغلطش !
علاء : مغلطش
انا : ولد عمي جي يعزي فياااا ولللد عمييي !!
علاء : لازم تسلمي عليه ؟
قعدت نشوفله وسيبته خليته يتكلم ~~ خشيت للدار
أنا : أمي تبي حاججة منروح
ايمان :ل ا سلامتك أنا مزال مش مروحة راه متراجينيش
سمية : شن بديتي تسوقي ؟؟
انا : اي قداش ليا
سمية : علاء مايبيش المراة تسوق ~~
ايمان : هيا قاعدة في حوش بوها ~~ لما تمشيله يصير خير
سمية : والله حتي انا مش راضية عليها توا بتطعلي في الليل بتروحي ؟؟ وبروحك لا لالا بطلي سواقة أهو أمك تسوق وخوك يسوق !
أنا : ان شاء الله يصير خير ! هي بسلامة
وطلعت وملقيتش علاء =D .. وحسيت للحظة اني نكرهااااا عزوزتي المستقبلية ياكبدي شكلها وااعرة مع أنها كانت كويسة وطيبة ~~
نزلت مشيت للسيارة لقيته واقف عليها
أنا : ممكن تحول ؟؟
علاء : وكان مانبيش ؟
أنا : منقعد واقفة لين تحول
علاء : لما نكلمك متمشيش وتسيبيني فاااهمة
انا : نقص حسك وماتعليشي علياا للمرة المليون نقولك فيهاا
علاء : مافي حد
أنا : في ولا مافيش مش ديما صياح وتكشيخ مليت راه
علاء : أركبي السيارة !
انا : تتأمر عليا تقول خدامتك " قلتها وبصووت واطي وأنا نمشي
علاء : شن قلت ي؟؟؟
أنا :
نتمتم بروحيي _
وركبت السيارة وهوا ركب سيارته ومشي وراي ووصلني للحوش وروح ~~
ومر الوقت وكلمني ..
يتبع ..
