تاق لأصدقائكم ~~
قصة جديدة بـ عنوان "أسيل" ~~ هتنعرض عليكم كل يوم أو يوم بعد يوم ان شاء الله ~~
....
الحلقة 1 من قصة " اسيل " :
ح نعرض عليكم الشخصيات نبذة قصيرة عليهم وح تتعرفو عليهم أكتر من خلال متابعتكم ليها وان شاء الله تنال أعجابكم
....
دانيا : ويلي هيا انا عمري 19 نقرأ عندسة سنة تانية معماري \
رانيا : أختي متزوجة عمرها 24 دكتورة اسنان
محمد : خوياا ^_^ وعمره 27 متخرج من الصيدله وعنده صيدليه
ايمان : مامتي .. اما بوي متوفي :( من لما كنت في الأعدادي بحادت سير .. فـ كان محمد بمتابة أخ وأب ليا ..
الاء : صديقتي تؤامي..
... والباقي في سياق القصة ح تتعرفو عليهم ...
أنا : محمد :* أرفعني لي ألاء =D
ايمان : وعلاش ان شاء الله ؟!
أنا: يا أمي بنقرو عندي حاجات مش فاهمتها :3
محمد : مش فاضي اليوم عندي خدمة غدوة نرفعك
أنا : لا وحق ربي مانقدر غيير هيا في طريقك وصلنني :\
محمد : ح ع النفاخة -_- باه غيري حوايجك بسرعة نعد من واحد لي 20 بالكتتير كان منزلتيش منطلع أهوو قتلك -_-
أنا : تي وحق ربي الا منور :*
محمد : لسني لسني .. هيا خفي روحك :3
ركبت لي داري بسرعة وغيرت حوايجي ع السريع ونزلت ركبت معاه
محمد : ماشية كويس في قرايتك ولا مدايرة حادت : p
أنا: لا مية مية الحمد الله طاللعة لخويا :*
محمد : باهي كويس ناقصاتك حاجة ؟ تبي حاجة ؟
أنا : لالا تي اصلا لو نبي راه قتلك
محمد : تي تعرفي لو خاطرك في حاجة ومقلتيليش وحق ربي ماني مسامحك
أنا : هههههههههـ تي خيرك وحق ربي ماناقصني شئ نعليا منك بس :* .. كيف حال ريم ؟ " خطيبة محمد "
محمد : ههـ ومنك :* ماشية الحمد الله نفخ أنتم البنات وخلاص تنقنيق 24 ساعة
أنا : العفو خيرنااا ؟؟
محمد : شئ تتحسس من أي حاجة لو رقدت من غير مانكلمها تحرج و عااد شن يراضيها الله غالب وخلاص -_-
أنا : هههههههـ تحبك يااغبي
محمد : ماهوو هادا يلي مصبرني عليها
أنا : ربي يخليكم لي بعض :*
محمد : ان شاء الله هي وصلنا أنزلي
أنا : هي سلام بعدين نكلمك
نزلت وكلمت الاء تفتحلي الباب
الاء : أووو وأخيرا تواضعتي ونورتينا :*
أنا :منور بأهله :* تي الجية بحسابها أهوو محمد في البداية قال لا بس بعدين شديت فيه باش قااال باهي =D
الاء : حليلي منه :*
أنا : تحشمي قدامي ياتافهه خااطب رااه ههههههه =D
الاء : ضروري أدكريني يعني أصلا عاااتي حتي أنا عندي من معبيلي عيني :*
أنا : ربي يخليهولك ياحنة =D
الاء :ياارب هي بما أن الحوش فاااضي يعني اليووم هياجة ووبسسس
أنا : عندك علم كدبت ع امي وقتلها ماشية بنقرأ خخ لو تندري علياا تقتلني =D
الاء : ههه حي عليك أصلا عادي قريناها المادة في الجامعة
أنا : اي أحسن ححااا جة ... اااااااااه
الاء : سلامتك من اااه خيرك حسيتك مش زي قبل متضايقة ؟
أنا : سلمها يلي تعرفني
الاء : غير خيرك احكيلي
أنا : غدوة نفس اليوم يلي مات فيه بوي " ودموعي في عيوني معاش قدرت نشد روحي "
الاء : ياروووحي معاش تبكي أدعيله ربي يرحمة دنووو خلاص ياعمري مترعشيش روحك
أنا : : وخانقتني العبرة " نتمني ولو نشوفه لحظه تعرفي شن معناته بوي ميت ضي عيوني يا الاء وحق ربي الا مستاحشاته خاطري يكون عندي أب زي باقي الناس خاطري لما تصيرلي حاجة نلقا من يدافع عليا خاطري لما ندير الغلط يجي ويحاسبني هواا خاطري لما نكون مضايقة يطلعني ويدهور بيا : ( ان شاء الله ماتعيشي الوجع يلي حاساته
الاء : ربي يرحمه ياارب خلااص يااسر من النكد يعني لو بكيتي ونكدتي ع روحك بينوض حي ؟ تي ماهو قضاء وقدر هاك أشربي مية وأدعيله بكيتيني معاك ياكلبة
أنا : ربي يرحمه ويصبرنا ع فراقه سامحيني نكدت عليك
الاء : تبي كف أنتي .. خطرتي عليا أغنية ديما نا وياك خاطري .. لين نموت معاك خاطري
أنا : يالعزيز علي .. في جنبك نرتاح خاطري .. لا حرب ولا سلاح خاطري
الاء : مايباعدنا شئ ..
أنا : هههههههههه :* حي رانيا تتصل دقيقة
الاء : سلميلي عليها
أنا : تمام
رانيا : الووووو شن جوك
أنا : أووو عيد اليوم عاش من سمع صوتك تمااام وأنتي
رانيا : ههه يا قردة تعيشي وتسمعي ياحنة باهي كويسة
أنا : ياحنة تسلم عليك الاء
رانيا : سلمها امالا أنتي مهناش
أنا : اي عندها نقرا
رانيا : به موفقين ياحنة أسمعي شن بنقولك غدوة ماعندك شئ كان هادا تعالي عندي
أنا : اممم توا نشوف مش أكيد
رانيا : به هي غيير تعاالي نغيروو جووو =D
أنا : والله توا نشوف مش عارفة
رانيا : به هي توا منعطلكش سلام
أنا : ماشي سلام
الاء : خيرها
انا : قتلي تعالي عندي غدوة
الاء : بري كويس غيري جوك
أنا : لالا غدوة منطلع اكيد منمشو للمقبرة
الاء : ع راحتك
أنا : صح ميت ليه سنين بس حاسة كأنه أمس فارقناه :( الله يرحمه
الاء : هي تعالي نمشو ندير نسكافيه ومداايرتلك حاجة تحبيها :*
أنا : متقولييش تشييز كيك
الاء : أيووة ماما دارتهولك ع خاطرك
أنا : سلمها ياربي كيف حالها
الاء : باهي كويسة
... وقعمزنا نهدرزو لين أتصل بيا محمد وروح بيا أول ماخشيت للحوش خشيت لـ داري غيرت حوايجي وصليت العشاء وخشيت في فراشي وقعدت نفكر ليييييين خداني النوم .. ونضت تاني يوم ع صوت تليفوني
انا : ااااااه صبح يافتاح خييرك
رانيا : الناس تصبح ياشفشة بس أنا ح نكون خير منك ونقولكك صباااااااح الخيير ماي سستر
أنا :عنشكلك تشاو منسكر منتمرقد وأرجوك متزعجينيش -_-
رانيا : تيي
وسكرت عليها ووليت تمرقدت .. نضت الساعة 10 خشيت لحمام وطلعت مشيت صليت الصبح ونزلت فطرت ..
أنا : صباح الخير
ايمان : صباح النور
أنا : وين محمد ؟
ايمان : راقد لما تكملي فطورك اركبي نوضيه ووتيله فطوره وضمي الحوش وأبدي في الغدي أنا منطلع ولا نقولك مش لازم اطيبي توا ناخد حاجة واتيه وخلاص غير ضمي الحوش بس وسيقي الجنانات وكان محمد ماعنده شئ قوليله يعاونك فيهم
انا: أي أوامر تانية ؟ :3
ايمان : لا سلامتك
انا : أمي اليوم عادي ترفعيني للمقبرة :\ ولا نقول لي محمد يرفعني
ايمان : والعبرة خنقتها كانت متذكرة اليوم بس تحاول تشغل نفسها لأي شئ باش متتدكرش .. توا نمشو كلنا مع بعض قولي لي محمد يرفعنا سيارتي مافيهاش بنزينة هلبا يادوب نطلع بيها تو ..
وطلعت بسرعة وخشت للـ حمام " حشاكم " .. كملت فطوري وغسلت الماعين ووتيت ووتيت فطور محمد وركبت مشيت أنوض فيه
انا : محمممد نوووض الساعة 11 راه
محمد : تعرفي تطلعي وتسكري الباب وراك
انا : باااهي
ومشيت فتحت الرواششن وخليت الشمس تخخش مسمومة عارفة روحي وقعدت نغني بأعلي صووتي بما أن صوتي يخلي الميت ينوض حي
محمد : أقسممم بالله كان ماتسكري يلي فاتحتيه الما نوووض انكسرك
انا : تقققدرش =D
محمد : متستفزززينيش وحق ربي نديرها
انا : به خلاص سكتت به نوووض معاي عااوني سلم وخيي منيسق الجنان وانا منقدراش بروحي
محمد : دانيا وحق ربي ماعندي ليك خلووق أطلعي احسن راه
انا : باهي تو تشوف ~~ ومشيت للمطبخ خديت تلجة ومشيت لـمحمد بشوية وحطيته في ظهرة ونفقلقت بالضحكك وهواا خلااص نط من السرير
محمد : ياااباااردة شن هدااا تي تواا تشوووفي
وطلعت نجرري وسكرت الباب وحليته يتمتم عليا
بديت أول بأول ضميت داري وواسيتها و ضميت الحمام .. ودار التقعميز .. والمطبخ الصغيرالفوقي وبعدين نزلت لوطا ضميت دار المعيشة والمطبخ يلي نستعملو فيه ديما والصالونات لقيتهم نضيفات فتتهم وطلعت للجناان وووه من الجنان سلامته -_- والدنيااا نووو حموو هلباا وليت خشيت للحوش غيرت حوايجي لبست شورت وتيشرت خفيف وقمت شعري كعكة وخديت تليفوني وسماعتي ووفتحت أغااني ونزلت بديت فيه وأنا نسيق ومنسجمة مع الاغنية ونغني بصوت عالي نمشي نقيم راسي ونلقي ولد جيرانا صاحب محمد واقف في البلكونة ويشبحلي وأول ماجت عيني في عينه تحشم وخش يجري بعدين حسيت بـ حاجة ممصقعة نصبت عليا ميييه مصقعة زي التتلجه ونتلفت نلقاه محمد ونضت نننصيح وهوا ميت من الضحك
انا : يااااابااارد ووووه منتجممد بتقتلنني انتتت عنشكلكككك
محمد : ووطي صووتك بتلمي علينا الجيران ولا شن
انا : عنديشش خلووق ليك برا وخليني بروحي
محمد : ع اساس أنا عندي خلوق ليك
انا : باهي برا هي مبردك
محمد : تقدريش أتديريه بروحك هاتي ندير معاك
انا : -_-
وبدي يساعد فيا :* وكملناه بسرعة وركبت درت دوش أدن الظهر صليت وخديت القران نقرا علي روح بوي قعمزت نقرا ودموعي في عيوني قعدت نقرا ونبكي لين سمعني محمد وجاني
محمد : ان شاء الله خير خيرك تبكي ؟
انا : وخانقتني العبرة .. نقرا علي روح بوي تأترت بس .. ووليت نبكي وخداني محمد ليه قديش نحبه :* نحس فيه كأنه بوي يعامل فيا كأني بنته ..
محمد : خلاص معاش تبكي أدعيله
انا : ان شاء الله حقا قتلك ماما باش ترفعنا اليوم منمشو للمقبرة
محمد : باهي ان شاء الله هي انا منطلع تبي حاجة
انا : سلامتك
محمد : هي معاش تبكي خلاص :*
انا :\
بما أن طلع محمد فـ قعدت بروحي وأمي تروح الساعة 2 كملت قراية قران لين سمعت صوت أمي جت نزلتلها وقعمزنا نتغدو
ايمان : أتصلت بيا رانيا تبيك خيرك سكرتي عليها
انا : ااااه دكرتيني نسيتها مرة ووحدة تي متصله بيا من صبح ربي كنت راقدة
ايمان : به كلميها قالت تبيك
انا : تي تبيني نبات عندها وأنا مخاطريش
ايمان : باهي برااحتك بعدين مش تقوليلي خلووقي في حكة طلعيني
انا : -_-
ايمان : الساعة 4 تكوني واتيه باهي
انا : ان شاء الله
ايمان : خلاص أركبي توا نغسلهم الماعين
انا : به
ركبت داري وكنت حاسة بدوخة مدورتش ودرت منبه وخشيت رقدت طبعا انا عااشقة للنووم
وبعدين نضت حسيت رووحي تاععبه ودايخة معدلتش برضوو وصليت العصر ولبست عبايتي ووشاحي ومشيت لدار أمي لقيتها تلبس
انا : هي انا واتيه
ايمان : خيره و جهك أصفر
أنا : لاشئ باكش غير كيف نايضة من النوم
ايمان : به بري شوفي خوك قوليله يسخن السيارة
مشيتتتت لي محمد وركبنا للسيارة ومشيينا للمقبرة قعدت طول الوقت نبكي وندعيله ونفس الشئ أمي ومحمد وبعدين روحنا وكانت الساعة 5 وقعدت مقعمزة بحدا أمي وممشتش مني الدووخة بككل لين معاش قدرت نتحمل
أنا: أمي حاسة روحي بندوخ رراااسي " ويادوب طالع صوتي "
ايمان : من بكري نقولك وجهك اصفر !! .. دانيااا بنتي تسمعي فيااا ؟؟ .. دانيا ووه ~~ جابت مية وبخت عليا شئ مافيش فايدة ع صنة ع بصل خشت بعضها الحكاية ~~
يتبع ..
