( نجمتي ) ( مكتملة)

لحضة صمت ثم الم part5

اسفة طولت عليكم
بس تعرفون ضروفي
اهل الخاص ارحموني
حبيباتي متابعين الراوية اسفة لان مجاي اتفرغ لهل الرواية بس يشهد الله اني هوايتي اكتب بس عندي ضروفي الخاصة ومن اكتب احط كل مشاعري وكل افكاري ماريد اسردلكم بس كلام وتخربط لا احب انضم سردي واسفة مرة لخ اذا دا يزعجكم وكت النشر لان مو منتضم .

*

گِـصيرهہ ۉيـّٰاأإ♯ حـٰحلاآة البيج 😻
خدچ يوصصل # لچتفي 🙈
مدنـگـهہ ونيتچ تگـودچ ؛ 😌
يـ ححِلوٰهّهہ وچنچ خدودچ ❤️
ؤعٌہلَي مٓہأإ خايف يحسدونچ 🙊🌸
چمـال ؏ــــًـيّونـچ يكفي ؛ 😍🌼____________________©

      يا شبي شسؤيتلة دنكت تبجي وهو عافها وراح للغرفة ركع الباب حيل ورا شؤي اخذ السويج وطلع.

هاجر : شفت البيت بحالة يرثئ لها مو مال اكعد واحط رجل ع رجل كمت صفيت المطبخ بسرعه طلعت الجرارات والاكل التالف وغسلت الثلاجة وميز الطعام علي كومة دهن ووصخ مجلح لعب نفسي. طلعتة برا بلحوش وجلف وجلف وغسلتة طلعتة يخبل. انوب رجعت. شفت الطباخ مو مال مسح لا دورت سودة بلكاونتر كلشي متوفر شغلات ابيت اهلي مجنة نجيبهن وهنا كلشي اكو بس ام البيت مبين حيل نضيفة ههههه

كملت المطبخ حتئ الكاع حكيتها بلشفرة طلع شوي احسن موذاك التنضيف بس انهد حيلي باوعت ع الطباخ جبت كلور ( قاصر )  وسيمة وزاهي وجلفته طلعته يلج اول مانكعته طبعا حتئ الفرن بسودة. وخل ضل ينكط دهن هههه .  جلفته طلعته لوز

رجعت صفططت الماعين بلكاونتر وعفت الطباخ ينشف برا.
دخلت ع الهول ( الصالة ) بيهة جلسة ومداد 2شلتهن وفتحت الشبابيج ونزلت البدردات كبل للغسالة. شغلته وخليت مي حار وكلور شؤي مالت الوان وتايت عمود يطيح الوصخ البيهن لونهن حلو بيجي بس متكعات وصخ صايرات ملح.

رجعت جبت المكناسة ونضفت وسعفت الصالة بلريشة من خيوط العنكبوت عبالك مهجور البيت شسالفة (  متدري خايسة وطلكها ) يبو يحضج يهاجر من اول ماجيتي اشتغلتي خدامة لضرتج

يا وشبية ضايجة حتئ يعرف الفرق بيني وبينها وينتبه علئ شغلي وترتيبي

ههههههه شبية احجي وية روحي توهدنت بسببة

جبت سطل مي وخليت بي مي وديتول وسحت الارضية و رحت للنضدة ( الفراشات. ) جبت منهن مندر وفرشتة. وخليت مخدة. كلت خاف يرجع قصي
انوب مسجت البلازمة معلكة. الساعه والصور عليهن طن تراب المكيف صاير اسود رغم لونة حليبي من مسحتة طلع كوم تراب منة. شؤي طلع وجه الهول.

انوب رحت للغرفة هم نزلت البرادي وفتحت الشبابيج وشغلت المراوح وطفيت السبلت الكاعية جانت كاشي وعليهة لايلون واكو غرفة اخشاب ام نفر واحد جرباية وكنتور ابو 3بيبان

فتحتة ملابس قصي ذني طلعتهن اللي مغسول واللي لا واللي ممكوي كبل للسلة و رجعت نضفت الغرفه وهويتها وشلت الشرشف مات الجرباية والمخدة حتئ اغسلهن. وخرت وجه المخدة ورجعتها لمكانها ورحت اغسل الملابس جان اكو بوفية بيها مزهريات وسجلات ووغراض كهرباائية هم وسباين وجك مال سيارة ودرنفايس وسكورسباين وبلايسات وجوزات الخ رتبتهن وخليتهن بصندوك احسن من الهوسة  وسديت باب الغرفه وطلعت  برا.   غسلت المدتين مالت الصالة ورجعت شطفتهن انوب رحت للحمام شطفت هدوم قصي كلهن حسيت ضهري صار خشبة. رجعت للحمامات والصحيات جلفتهن صايرات يخزن المقعد اصفر من الوصخ والبكتريا والتكلسات لعبت نفسي سديت خشمي بحجابي ورشيت ديتول وكلور سؤيتلهن خلطة مرتبة وجلفتة من فوك لجوة طلع يلج لج. انوب غسلت حسيت روحي تاهت من الريحة مالت الديتول  وجعت همينة رحت اكلي شي كلشي ملكيت بلكاونتر كلة تالف وذبيتة لكيت جيس معكرونة. وبهارات سلكتهن وحمستهن وكعدت اكل شفت الساعه.  صارت ب 7المغرب كمت صليت اي شكد اشتغلت متت تعب رحت للغرفه اللي اني بيها طبعا فرغة بس بيها فراش ومبردة هم هواها حار لان الدرام ( البرميل ) مالتها فارغ.