Kaibigan
Nung una pa lang kitang makita
Inaamin ko nagustuhan na kita
Ang lalaking sa akin ay nagpahanga
Nasabi ko pa na "ikaw na nga"
Naging malapit tayong dalawa
At para bang hindi nagsasawa
Panay kwentuhan at tawanan
Lagi kang kasama sa mga kalokohan
Lihim akong humiling sa may kapal
Para sa taong aking minamahal
Lihim kitang pinahahalagahan
Kahit alam kong walang aasahan
Ngunit isang araw nagbago ang lahat
Puso ko'y biglang nagkaroon ng pilat
Dahil unti-unti ka ng lumayo
Ngayon ang mga luha ko'y karamay aking panyo
Akin na lamang nalaman
Sinabi sa akin ng isang kaibigan
Na ang dahilan ng iyong paglisan
Iyo pa lang nalaman aking nararamdaman
Sana hindi mo na lang talaga nalaman
Para hindi na umiiyak at nasasaktan
Sana pwedeng bumalik sa nakaraan
Kung saan maayos pa ang ating samahan
Pero ngayon wala na talaga
Sayo'y wala na akong halaga
Isa ba talagang malaking kasalanan?
Ang umibig sa isang matalik mong kaibigan?
BINABASA MO ANG
Tula
PoetryCopyright 2017 by Eloisa Dismaya (IcyyyEll) All right reserved. This poems may not be reproduced or used in any manner without the express written permission of the author.
