في زوايا النجف

أتذكرني..

من يذكروني يمك هم يرجف قلبك مثل قلبي الي يرجف مجرد متمر حروف أسمك..
زين انت بعدك تذكرني؟؟!!..
اذا تقابلنا وجه الوجه فد يوم راح تذكرني؟؟!!.. طيب راح تدير وجهك؟؟!!.. لا لا الله عليك لتدير وجهك خليني اشوفك..خليني احفظك بعد أكثر صحيح ما ناسية ادق تفاصيلك بس ميخالف هيج مشتاقة اشوفك انت مو بس صور من احجي وياها ما تتحرك ولا تجاوب..لا تحجي عادي بس لتتجاهلني وكأني ممريت فد يوم بحياتك..
حتى من تتزوج وحتى من تشوفني وايدك بيدهة..وحتى اذا طفلك بالايد الثانية هم لا تتجاهلني ما اكولك خونهة بس لا تعبر بدون كلمة ع الأقل سلم..كول شلونج.. ها صعبة!! مو عادي لتحجي بس اوكف وخل اشوفك..المحك.. خليني احفظك حتى اكدر أقاوم سنيني الجاية..