في زوايا النجف

انا أنطفآت يا الله

أنا انطفيت يا ربي ع بالها الناس اني عايشة والله اني ميتة وهاي الباقي مني بس رماد..
تعرف شنو يعني اشوف حالتك متزوج!!..
تعرف شنو يعني تكول الها حبيبتي وكدام كل الناس وتتغزل بيها!!..
احس الباقي من روحي انطفى.. مات.. خلص..
شكد جنت خايفة من ذيج اللحظة الي اقابل بيها رب العالمين وبلا زاد يساعدني بذاك اللقاء بس بعد ما شفت روحي الصارت الغيري حلال خلاص ربي هي امانة واني مو كدها وداعتك ربي ذاك المنظر اكبر مني كلش احس قلبي انثقب.. احس روحي ماتت من صدك.. عالمي تهالك.. دنياي انتهت.. رجاء ولطفا الهي خذني وحتى بجحيمك قابلة وداعتك اهم شي غيبني عن هاي الدنيا.. الرحمة الرحمة الهي احس بروحي توجعني ويا علاج يفيد للما الة روح ربي..  بحبيبك محمد الهي يا تاخذني الك يا تنسيني ياه وكأنو مصار ابد اترجاك الهي اترجاك.. صدكني كلة يهون الا اني اشوفة وياها ربي انت ارحم من هيج واني اموت اعرف اترجاك ساعدني..