متمردة عشقت مجنونا

البارت 1

هناك اخطاء كثيرة نرتكبها في حياتنا في مرحلة المراهقة في غياب رقابة الاهل او اهمالهم وتصبح تلك الاخطاء ندبة في جبينة اوجبين اهلنا امام المجتمع لكن اثارها في داخلنا وتاثيرها ع مستقبلنا منها البسيط الي ننسى ونضحك لمن نذكره ومنة الي يهدم حياتنا ويدمر كيانة ومن هذي الاخطاء الي مريت بيهة واطفات داخلي بريق السعادةوالي رح تعرفوهة واني ارويلكم قصتي ..شو رايكم تتعرفون علية اول وتعرفون تجربتي والدروس الي اعطتني ياها الحياة ....

اسمي زينب عمري حاليا ٣٠سنة ارجعلكم بالزمن الي بدت بي تجربتي واني بعمر ١٨سنة خلي اعرفكم ع عائلتي او المفروض يكونون عائلتي.. احنا عائلة متوسطة الدخل مكونة من والدي وزوجة ابوية اني الكبيرة امي توفت عالولادة بسبب جرعة بنج زايدة المهم عرفتو ولدت يتيمة وظليت من ايد لاايد ابوية من صار عمري سنتين ورا ماعماتي زوجو وبيبيتي تمرضت زوج بعد وفاة امي زميلتة مدرسة وعندي اخوان اثنين اصغر مني علي ومرتضى اخوية علي عمرة ١٦سنة بطل من المدرسة ويشتغل بالشيخ عمر ويا صديقة عندة محل مواد احتياطية ومحد الة علاقة بية زوجة ابوية متاذيني بس مو حاسبتني موجودة بيت جدي اهل امي نفس الشارع بس ازعل اروح يمهم احب ابن خالي حارث اني ويا من صغار سوا بس اكو مشكلة بية رغم حبي الة بس عندي طموح ازوج واحد عندة فلوس ويونسني يسفرني مجنت افكر بالحب بكد ماافكر بالرفاهية ومثل اي مراهقة عندي هواي اخطاء وهو بارد المشاعر ويعرف اني شو اتمنى... وجان يوعدني انو بس يتخرج رح يشتغل ورح يسويلي كل الاشياء الي اتمناها بس مكنت حاطة امالي علي مجرد اعجاب تلفونات.. وجنت اسوي خدمات صديقاتي ويا كبلاتهم ويا اخوتهم وبالمقابل يكرموني بالهدايا الشغلة جانت هواية بالنسبة الية ماكو احد جان ميوكع بشباكي..من

ثلاثةمكالمات يتعلق.. بعدين صارت شغلة لان ابوية ميكدر يوفرلي الاشياء اتمناها طبعي متكبرة رغم اني من عائلة متواضعة بس يكولون صديقاتي علية جميلة جدا شخصيتي قوية لساني طويل .. ويتمنون يصيرون مثلي..قلبي حاطتة بثلاجة عمرة مرح ينبض لااحد ولايتحرك الحب عندي معادلة صعبة ..عندي جمال وذكية اكيد مناقصني شي غير الفلوس وتكمل المعادلة رغم هذا ماارتاح الا ويا ابن خالي..
بما اني من عاىلة متوسطة اكيد مرح يصير مثل المسلسلات..ويجي الفارس يخطفني ع حصانة الابيض..
رح ازوج ابن خالي.. بس خل اتونس بشبابي واسوي الاشياء الاحبهة براس صديقاتي الازواجة. ومااعرف ليش بداخلي اكره جنس ادم واتلذذ من اشوفة مذلول.
كتلكم زوجة ابوية مماذيتني بس محاسبتني موجودة وابوية يحبني كلش.
يمكن لان ماعدهة بنات فمتعرف احتياجاتي . ماعندي خالات بس خوال. لهذا ماعندي اي احد اشكيلة صح خوالي كلهم يحبوني معزة باامي. بس ماكو بنية بالعائلة تنصحني عماتي هم مسافرين واذا اجوي مالحك حتة اشوفهم جنت بنت وحيدة نص عائلةكلهم ولد يوم بلغت فرحت فرح مااعرف ليش رحت طايرة بيبتي كتلهة خلص كبرت.. ماعرفت هاي بداية سوال وجواب..
بس ابوية مجان ينطي علي اخوية مجال. وزوجة ابوية طلكت مرة لان ضربتني.
لهذا طلعت عيني كلش. ولد عمي وعماتي وخوالي اكبر مني معجبين بية. مرة ابوية تنبهني دائما كعدة كومة اضايق منهة بس مجنت اعرف انو هي الوحيدة جانت تنصحني ومجنت اسمع منها....
جنت بالمدرسة محد يطخني.. والكل يعرفني بااسم هالي..
ممثلة اجنبية تشبهني ومن يومهة حبيت الاسم ومااحب احد يكولي غير اسم.. اصلا زينب مو حابتة حاستة قديم ..شكلي مو مال زينب هالي لايق علية اكثر...
اسمعوني ..واسمعو قصتي ..
🏵🏵🏵🏵
دك الجرس...الفسحة..
هالي:تعالو يلا سولفولي شسويتو مسويتو..
هاا فاتن اخبار صاحبج الناقص.
مريم..ابن عمج اجة خطبج لو لا
بسمة ..انتي حسابج غير مجبتيلي الي وعدتي بي..
مثل مرجعتلج كرار اخلي يعوفج..
هااا شكلتي..
بسمة:لا على بختج مصدكت اسبوع الجاي امة تتقدم الي والج حلاوة جبيرة.. والله..
هالي:شبيج صدقتي ..لج انتي صديقتي الي يفرحج يفرحني ..بس تعرفين جكد عذبني هذا الحذاء الابيض. وتعلقت بي..
بسمة تدللين عيني زي...
هالي...ها ..ها ..جنج غلطتي..
ترة اندم..
بسمة:حاضر ..هالي..
هالي:تعرفون اول شي اسوي من اكبر ويصير براسي خير ..طبعا مااكلبكم بعد اغير اسمي واصير هالي طارق..
مو زينب طارق..
دك الجرس ..خلصتو الفرصة..حتى مشربت عصير نشفتو ريكي ..روحن انتن ومشاكلجن..
روحن ولن...
شون ميتة عطش هسة...
يلة قابل اول مرة..
اشرب بالبوكة...
جانت سنة ورا سقوط بغداد..٢٠٠٤ وهاي السنة كلها تصفيات وقتل وذبح..والكل تخاف خصة الحزبين..والرفاق وزوجاتهم. مدرستنة جانت مغلق بعثية..
والاستهتار وصل مراحل...
جنت دا اشرب بالبوكة كاعدة اخر رحلة..عصير لاعبالكم غير شي ...
ولكفتني ..ست ..سحر..مدرسة الفيزياء..
زينب..زينب..زيييينب طارق..
هالي:جنت اعرف صيحني.. بس غلست بس من كالت ابوية كمت..
اسمي هالي...
هالي طارق..
ست..
ست سحر:اسمج بالجنسية زينب وبالمدرسة مسجلة زينب..
اسمج هذا استخدمي ويا العصابة مالتج...لامتهة حواليج..
هالي:عصابة ..علي بابا.. هههه
والشعبة كلها ضحكت...
ست سحر:الج ..عين تتمضحكين..
كومي اوكفي يم الزبالة..
هالي:شحجيت اني ست..
حبيت الطف الجو ..تعرفين الفيزياء جكد ثقيلة عالدم..
يحتاجلها تخفيف..ههههه.
وهم ضحكو البنات..
ست سحر: وجع... ادبسزيات.. متستحن..
كه.. كه... كه.. درس لو مسرحية..
هالي:حلوة ست..
مسرحية..
زيييينب..
كومي كدامي للمعاونة ست نرجس..
اسمي هالي..
كدامي لج..كدامي وخ تشوف حل صدريتج الجاكة شطولها واصلة ركبتج..
هالي:والله تعبت..اني من درب الادارة..
كمت..
انتن ارتاحن..للطالبات كتلهم..
اني اخلص الدرس اضحكم واتحاسب وتخلصون من الفيزياء..
واني ابتلي..
ضحكو..
وجرتني من ياختي للادارة..
المديرة:خير ست سحر..
خيرج وج مصخمة زينب..
هالي... اسمي هالي..
المديرة :شمسوية ولج..هالمرة..
ست سحر:مسوية الدرس مزق..هي وصديقاتها ..كل مرة سوي هيج..
المديرة:والحل ولج زويزة ..والله لما شاطرة لاافصلج من المدرسة ومااباوع عليج بس للاسف..
انتي شاطرة ..بس قليلة ادب يحتاجلج احد يربيج لان ممرباية..
هاي االكلمة تحز بنفسي وتجرحني.. بس مااحب ابين ضعفي كدام احد..
هالي:ليش شكلت اني ست..
اني ماحجيت حجي وغلطت شوي لطفت الجو.. واذا غلطت كدام الطالبات راسج ابوسة..ست سحر..
هااا تعالي ابوسة من هسة ست..
المديرة :ابتسمت..
ست سحر :تفور..
ست مو مال هالدروب.. هاي ابنية يحتاجلهة تاديب باوعي عليهة ..ع لبسهة شعرهة اضافيرها هي هاي طالبة ..محد يكدرلهة والطالبات ماشيات وراها هاي مدرستنا ينحلف بيها تلفي هيج نماذج.. فصليها اسبوع.. ودزي على امهة نعلمها شون تربي بنتها بدل محايرة بغير سوالف..
هالي:ظلت حسرة مكبوتة داخلي ...عمري منزلت دمعة والمديرة تاشر للمدرسة وهي متواصلة تتجاوز محسيت ع روحي غير لازمة مزهرية وكعتها بالكاع وعالصوت خافت المدرسة وصاحت اامديرة طلعي برة زينب ..انتي مفصولة اسبوع ولازم يجي ولي امرج فهمتي مطبين اذا مو هو وياج...
سمعت المديرة كالتلها للمدرسة وهي مستمرة تحجي عليه..
كافي ست..خطية هي يتيمة وانتي تحجين ع امهة..
ست سحر:صدك...والله ماادري..بس مو حالة ست هذا انحلال وفلتان..
طلعت مابدي احد يشوفني.. جريت جنطتي وطلعت حتة بدون اذن ..
صحت ع حارس المدرسة افتحلي الباب..
هالي..
هالي..
وين رايحة..
راجعة لبيتنا..
وهاي الكصيبة فتحتها...
وهاي دكمة القميص فتحتها..
افتح الباب..
وسام..واحد من هواي شباب معجبين بية...
وهو سكيورتي مال مدرسة ومكبل ويا وحدة من صديقاتي ..اني رتبت وضعهم بس هو معجب بية ..
شبيج..
منو وياج..
هالي:محد..افتحلي الباب اريد اطلع..
وسام:مااكدر..مسوولية علية..
وسام ..فتت غرفة الحراس ..دا اخذ المفتاح ..وهو جرة مني.. وكالي شبيج..
سويت روحي منهارة..
تغلط ع امي تكلي ممرباية ..محد رباج..
شنو ذنبي اذا اني امي ماتت قبل لااشوفهة..
خلص اهدي اني اعرف احاسبها...
شون...
فصلتني المديرة اسبوع..
وكالت جيبي ولي امرج..
روحي للبيت ..
واني احلها واخابرج..
ماشي..
هالي:ماشي..شكرا..وسام..باي..
بيومها رجعت من وكت.. ولكيت البيت  مقفول رحت بيت جدي..
سالني خالي..
هااا ..هلول شو من وكت..
هالي:هلو ..خالي..شوي مالي خلك ..وطلعوني..شونج بالمدرسة..
زينة الحمدلله..
تغديتي ..
لا بعدني ..انتظر بابا..وعمة سعاد يجون..
تعاي تغدي ويايا..
خل يجي حارث.. ونتغدا سوا..
حارث يتاخر كلي اليوم عندة محاظرات بالجامعة..
حارث ..هندسة معماري مرحلة ثانية اكبر مني بسنة و٨اشهر.. كاسب سنة.. واني متاخرة سنة ..
خالي:اي عيني المقرر كلة يمك ياحلو..
ههه..خالو دفتر عندي مسجلة تحركاتهم اطمن بظهرك اني..
كومي لعد شكل الكل رح يتاخر تعاي نطلع نتغدا برة.. بلة مننتظر ..
مو بهدوم المدرسة..
دتعاي روح لبوتيك براس الشارع ماطول مستلم راتب اشتريلج ملابس مال طلعة..
هالي :صدك ..خالو ربي يسلمك ويخليك.. حبيبي..
عشت يالغالي...
تعاي ولج لاجلبين بركبتي ترة ميت جوع لاتاخريني..
هالي: ماشي خالو..اصلا اني حاطة بالي شريد..
خالي: يمة منج..مخططة كل شي قبل لااحجي..
هالي:ديلة خالو.. ميكولون الخال والي..
طلعت واشتريت جنز ثلجي..وبدي نص ردن احمر..
يلة خالو..
ااخال:خالو ..كتلج بكيفج بس مو هيج احنة الضرووف مو تمام اخذيلج قميص طويل..فوك بنطرونج..
خااااالو..
الخال:لاخالو ولاعمو ليش تتكاونين ويا اخوتج..
هالي:شحدهم..
الخال:لج ...باباتي الحياة مو تحدي
خليج مسايرة كل الي حواليج لاتخسرين..
ماشي خالو ..لخاطرك..
اخذت قميص ردان شوي مغطي بنطروني..
ولفيت ايدة..صار نص..
الخال:وج شفرقنا ..يلا خالو تاخرنا عالغدا امشي ..
دفع الفلوس وخلة صدريتي بعلاكة وطلعنا تغدينا ..
نسيت اكول عمتي سعاد واخوتي شايطين..
خابر خالي وكال ..
كتلهة تخابرك بس دزت رسالة الك.. مشفتهة..
تلفونها طافي ..
متخربطة جبتهة من المدرسة واخذتهة محد بالبيت وييتكم مقفول..
هالي:خطية بابا مات من الخوف من سمع بية هيج..
الخال:ارتاحيتي تالي عمرنا نجذب..
ست هالي شكتلج قبل لانطلع..
مو كتلج اطي خبر لمرة ابوج..
هالي:خالو مو بيدي مااحبهة خالو لما حلفان ابوية ...بيتكم كلة ولد جان لكيتني لامة هدومي وجاية يمكم..
بلة خالو ..معرفت تخلف بنية ..متقول بت اختك هاي المسكينة ماعدهة اخت.. جنت كاعدة وخالو كدامي.. واكو ولد كدامي..ظل كل شوي يتاافف لان دا احجي وهو يدخن كانو منزعج ..
رفعت عيني وحاجبي.. مو عاجبني وسكتت..
يلة خالو خ ناكل.. اريد ارجع تعبانة..
خابرني بابا..
هالي..ها خالو تونا بلشنا.. ابوج يحجي وياج..
هالي:هااا بابا..
شونج باباتي..
زينة بابا ليظل بالك..
يلة شوي وراجعة..
سديتة ..ودا اكمل الغدا..
هاا خالو شو صافن بوجهي..
هو هيج تحجين ويا ابوج مو هيج باباتي.. والله امج الله يرحمها مجانت هيج ..
هالي: ذبيت الخاشوقة وكانو هالموضوع حيل يااثر بية ..
خلص خالو نرجع اصلا هو يوم مبين من اولة..
خ. نرجع عمود ترضي بابا وعمتي والدنيا..
صدك غصيت ونزلت راسي..
خالو يلة باباتي لازعلين اكلي. وخلينا رووح..
الكل يتعامل ويايا هيج عمود لايزعلوني رجعت للبيت ووسام خابرتي كالي ارجعي داومي وشوفي منو يحجي وياج..
خابروني البنات وكالولي ست سحر مهددين زوجهة والمديرة شامرين صوتية على بيتهم..
عرفت وسام وراهة ..اخذت اسبوع كاعدة.
داومت وتفاجات بنية تريدني بموضوع وصار اسبوع تنتظرني..
للقصة بقية...
🏵🏵🏵
لاتنسون تصوتون عالبارت ان اعجبكم