متمردة عشقت مجنونا

البارت 5

اخيرا خلصت من سعد..
امير:هلو هالي.. شونج..
زينب: الحمدلله ..زينة..
طبعا بفضلك..
امير: اني شعلية...
هالي:يعني انت مالك دخل بالي صار ويا...
امير ..شو دخلني..
هو واحد ارعن..
يعني بسهولة يوكع...
لاتخافين..
هالي: المهم خلصت منة كابوس كاتم ع انفاسي...
امير:واني...
هالي:انت...شنو..انت
امير:شو ..شايفتني..
هالي: انت حلم جميل مااريد اصحى منة ..
امير:واذا..صحيتج فد يوم على حلم بشع ..شرح سوين...
هالي: ماعرف امير..شنو الي بينا اسمي...
بس صدفة حلوة جمعتنا..
واني سعيدة بيها امير... امير ..اني...
امير:باعي..روحي نامي والصباح رباح..اشوفج...
امير:هلو مرحبا..اسمي امير عمري ٢٥سنة عندي رهاب اجتماعي او رهاب الاماكن العامة..عندي هم ذهان بسيط ..ونوع من انواع الوسواس القهري..
رح تتعرفون علي بالاحداث الجاية ..احب اكول انو المريض يكون طبيعي جدا ويمارس حياتة الطبيعية صح عندة خوف داخلي..بس الي حوالية ناس اقوياء وعدهم سلطة ..لهذا جنت اقوي روحي بيهم..لحد ماانصدمت اول صدمة بحياتي..
حبيت اخت زوجة اخوية ..وحسيتهة هم عدهة مشاعر اتجاهي..
صار بينا تلفونات..هي ماعدهة اشتريتلهة واحد...بس سوالفها مو مريحة ..بس قنعت روحي اول حب ..محاب قبل..
وبيوم من الايام انسحبت من حياتي ..
ادك عليهة مااشيلة..
تعبت ردت بس اعرف عنهة شي ماكو..
كلت احسن شي اسوي موضوع رسمي..واخطبهة ...
اني رايدهة للبنية..
فتحت مو ضوع ويا اخوية اكرم طبعا فرحلي حيل..
وكال زوجتة نور..
بس جان الرد الصاروخ..
اختي مخطوبة لاابن عمي..
وقراية فاتحتها الخميس...
اجة اخوية كالي ..
اني ردة فعلي هذا هو ..ماكو نصيب. ...
بس من اجة الليل..حسيت داخلي نار..
شون سوي بية هيج..
اني لازم اندمهة..لازم اكسرهة محسيت ع روحي ع سويتة ..ولاتكسير كسرتة..
مكفاني هالموقف...
اتفقت ويا ابن عمي ..نخطفها..واشوفهة شون تضحك علية..
بس اخوية اكرم لحكلي ع اخر لحظة..
والبنية زوجت وراحت..
وظليت اني معتكف بغرفتي..
ولحد ماانهاريت نقلوني للمستشفى وشخصو حالتي.. الي محد جان حاسس بيهة..
عادي.. جنت انسان مااحب اتواجد اماكن ضيقة او ازدحام..
مو اجتماعي.. وعندي وسواس لازم اعيد الشغلة مرة لخ..
كلهة مجانو حاسين غريب عليهم لان جنت صغير ومدلل امي توفت واني بالسادس اعدادي وهذا الشي اثر علية..
كلش.. بس مبينت علية الا بعد هاي الحادثة..
مرت سنة ..تخدرت من العلاجات ..جان يحطوهة بالاكل.. عمود لااحس..
واهدا..
صارت حياتي هي البيت..الغرفة الدوشك..
مااعرف اتواصل ويا الناس حتة اخوتي..
كل مااشوف نور اذكر اختهة واكره نفسي واكرهه..مرت فترة ..بيوم واني داا اسمع بتلفوني اغاني..
دك موبايلي..
كلت مسكول..رجع نفس الرقم دك ..
كلت هاي رشا اعرف هي شسوي يمكن حنتلي..
تحبني هي متاكد...
خابرت عالرقم طلعتلي بنية..
وسالتني اذا هذا الرقم رقم رشا..ثرت وتعصبت مكفاها تعوفني ..تدز صديقاتها يلعبون علية..
البنية سدتة..
رجعت خابرتهة.. عرفت مو هية..
غلطانة بالرقم..
الغريب بالموضوع انوو حيل ارتاحيتلها وحسيت الحجي هو ..يطلع بدون ماافكر بي.. وهي هم..
رغم جانت متحفظة شوي..
بس بالنهاية..عرفت مخطوبة..والي عرفتة مغصوبة..هاي الفترة ارتاحيت كلش.. حتة كمت اخذ ادويتي بدون محد يكلي..
اويحطوهة الي..
خلصت من ازمة خطيبها وحسيت اقتربتلي كلش...
واني هم..
لحد مافد يوم سمعت نور تحجي.. ويا امهة.. تكللهة سويت مثل مكتيلي...وهاي هالي صديقتي طلعت كارثة..
حولتة ..حولتة..خرب بليسها..
وهسة مرتاحة منة ومن مشاكلة..
حسيت هذا الحجي مثل السيف على كلبي..
نفس الصدمة تكررت عندي ونفس احساس.. حسيتة انتظرتهة تكمل وزوعتهة الحجي ..كله من اتفاقها ويا هالي..
وشون وعدتهة تشتري الهة محبس ذهب..
امير:باعي ..لج نور دير بالج تحجيلها.. اذا عرفت..والله خلاصج ع ايدي.. تعرفين..
اريد اشوفها شون شكلهة..
طلعنة ثاني يوم الصبح..
براس شارعهم ننتظرهة تطلع شوفتني ياها نور كالت هاي البنية الي شامرة الحجاب هيج..
باوعت عليهة شنو من بنية ..الله خالقهة جسمها وطولها ... حنطاوية وعيونها سود كبار..خطواتها متناصقة تمشي بثقة وراسها شايلتة متنزلة..
بس الحقد داخلي عليهة اضعاف اضعاف..
مرت كم يوم اخابرهة عادي اريد اسمع صوتهة الجذابي..شون جذبين..علية واني صدكتج ..اجة ابن عمي.. بالحماية مال مسوول بالدولة وكتلة هيج وهيج..
واتفقنا نجرهة... من الشارع واادبها..عالاذى سببتة الي كانو داخل صدمة رشا ع هالي..صارو شخص واحد..طبعا هذا معالج الافعال بدماغي هيج او مرضى الذهان ..بصورة عامة تتداخل عدهم الصور..
فعلا جابوهة الولد الي مكان ...يكعدون الولد ..يشربون بي..
جابوهة مجتفة مسدودة عينهة وحلكهة..خايفة وتتلفت ورا الصوت..
هالي:منو انتو...شتريدون ...
ظليت واكف.. يمكن شوي خوف...
داخلي.. واحساس ثاني..احساس شخص يريد ينتقم..
هلو...
هالي:منو انت..شتريد من عندي..
امير:رايد روحج..
بس روحج متكفيني..
هالي:شسويتلك اني ..
امير: شنو ماسويتي.. انتي..
هالي :كلي اني مااعرفك..
امير: معقولة متعرفيني منو اني..
خل اوخر العصابة عنج ماميزت صوتي..
اشوفج نفسي احسن...
وخرت العصابة...جانت مجتفة ع كرسي..
وخرت العصابة عن عينهة ..شبعانة بجي..
بس اية من الجمال سبحان ربي ماخلقها..
حطيت عيني بعينها الباجية..
وشفت ليل مينتهي..
هالي: انخطفت ولكيت روحي ..وحيدة واحس اصوات ناس.. بس مصيحت شنو فائدة صياحي.. محد رح يسمعني..
امير:هااا...عرفتيني منو اني ..
هالي:عمري مشايفتك ..يمكن وجهك مالوف..
بس والله مشايفتك ولااعرفك..انت متوهم بية ..هسة اهلي كابين نار علية عفية..
امير:يااهل مو عادتهم هم والماكو سوا..
شنو ..استجد..هسة..
هالي:اااااميييير.. انت امير..
امير: زين عرفتيني تذكرين ضحاياج..
هالي: اي ضحايا..
امير شتحجي..
احجي ع اتفاقج انتي ونور عمود تحطموني وحجيج كله كذب طلع...
هالي: لا والله امير..
والله مكذبت عليك ..
امير:ضربت الكرسي..وضجت من انكارهة.ومكابرتهة..
هالي:امير..دخيلك لاتتهور..
اني اهلي.. هسة كابين نار..
امير : بعدج مشفتي النار .. اذا مكسرتج مثل مكسرتيني....
هالي:امير لاعفية ..
الله يخليك والله توبة مااوصلك.. بس خليني ارجع..
امير:شيلوهة دخلوهة للغرفة جوا..
جواد: امير مااتفقت وياك هيج..
كلت تادبهة..
امير: معليك انت..
جواد: هاي ..شغلة بيها كسران ركبة..
امير.. اني اتحملهة..
معليك..
دخلوهة اطوني المفتاح وطلعو..

هالي:امير.. دخيلك..بروح اهلك..
ااامير...والله مضحكت عليك والله اني دكيت وكلت ماارجع مااكدر..
اضحك عليك..
هالي:حسيت الكدامي جماد مايسمع..
ولايحس..
فتح حبالي ..
وجرني من ايدي..
وشمرني ع سرير بالغرفة..
واني اضربة وادفع بي وهو ولا يمة...لحظات حسيت قوتي خارت تعبت.. واستسلمت. .
وهو يتلمسني..ودموعة تنزل فوك جسمي..
بالاخير عافني وكعد..
ع طارف الجرباية..
كومي ..بدلي ملابسج..
ارجعج بيتكم..
هالي:امير..اكتلني.. احسن..
امير: كتلج ..بدلي وارجعج..
هالي:ع شنو ترجعني.. يومين يمك
عايشة بالخوف...
اجيت تقربتلي..
لان مكدرت..
امير:انجبي لج..اني اكدرلج واكدر ع عشر نسوان مثلج...بس مااريد اوسخ ايدي بيج..
هالي:خلي جماعتك يكتلوني. .. لو اكتل روحي ..اهلي مخابيل...
مرح يصدكوني.. ااامير..دخيلك اكتلني..ولاترجعني..
اامير:لج ..انتي شنو ..
هسة خفتي..هسة شايفة سويتي غلط..
محسبتي حساب..
من كاعدة ويا العالم جتجتين.. سوالف وتضحكين..
هسة ندمانة هسة همج سمعةةاهلج..
هالي:امير..
انت..شدتحجي..١
اني عمري ممشيت ويا ولد.عمري مفكرت احب احد..
مو عمود اهلي عمود روحي..
ولهسة اكلك .. كل كلمة كلتهة صدك..
مكذبت عليك ..بس لان اخذت رقم نور ..
بهالاثناء دخل رجال مرتب وحلو ..اول مشافة امير..
دنك راسة وطلع..
اجة تقرب علية.. وكالي..
سوالج شي...
لا ..مسوالي.. بجيت..
فهمتة انو لما عجز جان كسر ركبتي..
كعد ينصحني ويفهمني بالدين واللازم والمفروض ...
هالي: كل حجيك علة عيني وراسي..
بس هسة شون ارجع لااهلي وشون يصدكوني..
رح يصدكوج.. لو مو امير ماخذج من الشارع جان انتي بعداد الموتى ..
اكو انفجار بالطريق صاير..
والظاهر احد مخابر اهلج كايللهم لاكي جنطتك وبداخلهة الموبايل..
واهلج عبالهم رحتي بالانفجار..
هالي :ليش صار جكد اني هنا...
صارلج ٣ايام...
هالي:٣ايام ....محسيت الوقت شون يركض ركض بينة..
لبسني نقاب ووصلت لمنطقتنة شفت النعي منزلي ..بااسمي.. باوعت ناس طابة طالعة من بيتنا وتبجي بيت جدي هم منزلين نعي ع بيتهم ويا اهلي بالفاتحة..
هالي ظليت اباوع من الجامة..
هسة اني ميتة ...بنظر اهلي..
حجي اكرم:اني اكول شنو رايج تزوجين امير.. وتلهينا..وهو مبين رايدج..
هالي:لا مستحيل..
اكرم؛ليش مستحيل...
ع مااعرف انتي ويا بينكم تلفونات وعلاقة ..مفكرتي نهايتهة شنو..
الي اني بي سببة اخوك..
اكرم : والي بااخوية سببة انتي..
هالي:شنو..دخلني اني..
اكرم:جان هادي لما جيتي انتي ..
بكيفج..بس اذا زوجتي اخوية مرح تخسرين.. صدكي..
رح تحققين كل الي بالج ..تطلعين سافرين.. اي شي بنفسج تاخذي..
هالي واهلي وبابا.. شون ازوج هو مموجود..
اصلا ماعندي ولامستمسك يثبت هويتي..
اكرم ..معليج اني ادبرهة..

اخذني اكرم بيت جبير وكلة اثاث حديث ونظيف ورا مطعم الساعة..
حتة اكو ثنين بالبيت وحدة مرة جبيرة والثانية بعمري..
صحهم..
هاااحجي:رتبو الغرفة الفوك ..للبنية ان شاء الله عن قريب صير مرة امير..
الحجية فاطمة: صدك والله..
كللللللليش...
اكرم:وج سكتي ..بعد ..
حجية فاطمة:هذا يوم المنا من ازف وليدي امير لعروستة..
صدك اكرم دبر كلشي ٢٠٠٥ سنة الاغتيالات والتصفية ..
صار عندي هوية وشهادة جنسية..
سوولنة حفلة ورحت للصالون وتخيلت فرحة ابويا الي تمناها.. لو خوالي الي حبوني..
كمل العرس ودخلونا لغرفتنة وكان لنا حديث...

🌷🌷🌷🌷🌾🌾🏵🏵🏵🏵
للقصة بقية ولاتنسون صوتون عالبارت اذا عجبكم