متمردة عشقت مجنونا

البارت 20

سامحتي..
هالي: كذب لو اكول يوم حسيت اني مو كادرة اسامحة..
شايفة الام..شما تزعل ع اولادها..
صعب تكرههم..
يعني امير اذا توجع..احس بوجع مكانة..
اذا اختنك..احس صدري انقبض..
علاقة غريبة....
هالي: ههههه..صح غريبة..اني نفسي..مااعرف اشخصه..
تعتبري مرض..
هالي: صح..اني ..مريضة ..مرض..اسمة امير...
ولحد هاي اللحظة..انتي هيج...
هالي: احس.. مشوشة..مااعرف ..
شو حاسة بهاللحظة...
سوال صعب..خل نرجع للأحداث..
وراها اعتذر منج..
امير: ميعتذر ..عن شي شايف روحة بي مو غلطان..بس..
لمن شافني اريد اعوفة...كال احبج..عمود ابقى..
وتصالحتوووو..
حجي اكرم جان جايينة بخبر..
اول شغلة بدت نهايتي..
خالي سعيد..
حجي اكرم: هالي..
ابوج خابرني.. يقول اذا تكدر تجي
خالها يريد يشوفها..
هالي: خالو سعيد..
اكرم: اي ..هالي..حضري روحج..عمود تروحين..
هااالي.. ماشي..
أمير..وين تروحين..مو كتلج قبل شوي ع وضعي..
هااالي: امير..خالو سعيد ..يعني..ابوية الثاني..
امير..واني..هالي..مااكدر ..

خلص تعال ويايا..
امير..مااكدر..
هالي..واني مااكدر لازم اروح اطمن ع خالي..
هالي: هاي اول مرة اسحب ايدي من ايد امير..
ورا يومين حجزنا اني وحجي اكرم وبقت ريم..ويا ابوها لان ممسويتلها جواز مااجة بالي اسويهة لان ممسافرين وهاي اجراات طويلة ولازم ابوها يروح ويانا..
وانتو واصلين مكدر اكرم يدبرهة ويطلعةبسرعة..
حجي اكرم جان مستعجل اكثر مني..الظاهر..خبرو ..خالي حالتة تعبانة.. اول موصلنا عمان بوجهنا بيت خالي..
خالي..جان تعبان كلش..الجيران كالونة اخذو الحجي للمستشفى..
خابر اكرم علي..
حجي اكرم: هااا علي..وصلنا احنا ..انتو باي مستشفى...
مستشفى الحسين جان اسمهة يمكن..
علي:زينب وياك..
هالي: باوعت..بعين اكرم..وهو باوعني..
خير اكرم علي..شيكلك..
سكت اكرم ..عرفت نظرة خالي ذاك اليوم ..جانت نظرة وداع وكانو يودعني.. اخر مرة يشوفني..
اخر مرة يحضني..
توفى خالي ..ونقلنا جثمانة لبغداد.
الفاتحة يسووهة بيت خالي..بعمان
نظرا للظروف..
رجعت لبغداد وداخلي حزن ..مكدرت اخفي..
يمكن مشاعر جتني بسبب امير..
مشفت خالي..
لان دائما يرفض..اسافر..
اعتكفت بغرفتي ايام ويمكن دخلت مرحلة اكتئاب مكدرت اخليهة او اجاوزها..
بس نسيت امير ونسيت رشا..
أمير..طبعا كوضع صحيح مستقر..
بس الاستمرار بأخذ الدوا ممكن يسببلة اعراض جانبية من ضمنها فقدان الإحساس بالآخرين..
مجنتي تعرفين بهالسالفة ..يعني تاثير الدوا..
هالي: لا ..طبعا..
وبيوم من الايام اجة تقربلي غصب..
كالي ترة اني مليت حزنك وانعزالج اني عندي حقوق عليج ..
ردت اتملص منة..
بس مفاد كالعادة..وراها يبررلي ..
تصرفة حب..مو غير شي..
حاسة روحي تخدرت..
ومشت علية احداث باانعزالي..
رشا تجي للبيت بين فترة وأخرى ..تجي..
بس مكعدت اهتم يمكن مجنت متخيلة خيانة من أمير..
بس عينك على مالك دوا واني هملت أمير..
ورشا ونور استغلوا هالموضوع..
وهم محسيت ..انو لازم اشك ولازم اعوف الموضوع بلة ملحة.
وصير صدك..
فوتت هواي حلقات بحياتي..
وبيوم ..اسود مثل سواد الليل عمري ماانسة هذا اليوم..
وظليت فترة كوابيس..تحاوطني..
بسببة...
صار حريق بالبيت ساكنين بي..
لا ...ياستار..خما احد تأذة..
هالي: خل اسولفلج..
رجعت للبيت وشفت دخان طالع ..باوعت أمير طالع ورشا فاطمة وزهراء حتة نور..
دورت بنتي..
ماكو ..بينهم..
هنا ..توقفت ..وكلتلة ربي سوي بيا اي شي بس لاتبليني بنتي..
هالي: امير..ريم ..وينهة..ظل متبسمر ويقظم بااظافيرة ..دا اسالك ..بنتي وينها..عرفت ريم بعدها جوا..
محسيت ولا عرفت هاي القوة جتني..فتت والدخان جان بكل مكان..
وبس اصيح ..ريم..ريومة حبيبتي..
وينج..
سمعت صوت بجي..
ماما..ماما..وينكطع الصوت..
ركضت ركض..
الحرارة جانت عالية لكيتها مكرفصة جوا الدرج وخايفة..
اختنكت اثنينا..وجنت ..خايفة ياربي يفجعني بنتي..
يارب ..هاي نار الدنيا..لعد نار الآخرة شونهة..
ردت اطلع..واني حاظنتها..كل الجوا نار كبرة..
ماكو مجال..نطلع..ماكو غير اصعد فوك..بعد النار مصاعدة..
فتت لغرفتي اكو بلكونة..بلكي نطلع منها مقفولة والمفتاح ماكو ..فتحت الكنتور والدخان بدا يصعد..
واحنا اختنكت جريت علبة ياربي..
ريوم حبيبتي فوتي للحمام ونكعي روحج بالمي..
بس..ماما..مو..
روووحي ماما بللي روحج بالمي..
واني ادور..وكع مفاتيح بيت خالي..
حطيتة بجيبي..
واكو مفتاح ثاني...مال سطح ..
خلص..ماكو ملجأ غيرة..شلت ريم..وصعدت فوك ايدي ترجف..
اريد افتح الباب متنفتح..صحت بصوت عالللي ..ربي دخيلك نجينا . يارب..نجينا..
انفتحت الباب..
وطلعت اني وبنتي..للسطح وانتظرنا..
لحد مااحترك البيت..
وظليت حاظنة بنتي..
وكعدت كعود..واني اتخيل ..لو مو اني فتت..جان بنتي تعذبت جان احتركت واني اتفرج عليهة..
جنت بوضع الصدمة..
حتة لمن اجوي ..ينقلونة للمستشفى ظليت مجلبة بيهة كانو خايفة لاملك الموت يخطفهة من حضني..
اذكرت ..شو جان حاس ابوية لمن كلولة متت..
جان شعورة ..وهو ملكالي جثة..
هم جان يكول بسرة..يمكن هالي تعذبت شكالت..روحهة..
اوووف ياربي..
شوكت رح ظل لوم روحي..
ريم ..عدهة حرووق خفيفة..
اني هم..ايدي احتركت بس حرووق سطحية..
امير مصدووم.. او هو تعلم يعيش هذا الدور..عمود لااحاسبة..
اكرم ويايا بالمستشفى هو ونغم ماتركوني..
نور ورشا راحو بيت خالتهم..
محد عرف شون بيت شكبرة يحترق هيج بلمح البصر الكل ..ميعرف السبب..
كوابيسي ماانتهت ..يومية احلم نفس الحلم..بنتي تحترق كدامي ..مو كادرة اساعدهة..
بنتي هم جانت مصخنة وتهذي..
مفهمت..شتريد..
هم..ماما..
تحولنا بيت اكرم..وظلو رايحين جايين ..للمستشفى..
الحمدلله ..الله نجانا اني وبنتي..
امير كام ع حيلة..
هالي: ها.. ريومتي ..حبيبتي..
ريم: ماما...احبج ماما لاتعوفيني..
اروح وياج بيت جدو طارق..
منرجع..
هالي: شبيج ..حبيبتي..
ريم: ماما..بابا..محلو..
هالي: لا ..ماما عيب نكول هيج على بابا..
فات امييير..شكلة تعبان..حيل..
هااا ريومتي..
بس ريم..جانت خايفة وحضنتني ..كامت تبجي..
ماما..ماما...
هالي: ظليت اباوع ع امير ومصدومة من ريم وهي حاضنتني كانو خايفة..من ابوهة..
طلع امير..
هديتهة..شبيج ماما..
شبيج ..اني هنا وبابا...
لا..مااريد بابا..
هالي: ليش ..ماما..
فاتت نغم ..حمدالله عالسلامة جنتنا ..شونج..ان شاء الله بخير..
هلو ..نغومة حبي..
يلة مو كافي ..منطلع من المستشفى..والباقي سويلهة بالبيت..
طلعنا..من المستشفى مرت ايام الشرطة موصلت شي..ولاسبب الحريق..
ريوم تعافت..
واجة اليوم الي عرفت انو تعبي..كلة راح بالشط..
ريم: ماما..
هالي: هاا حبيبتي..
ريم: بابا ليش يحب رشا..
هالي: مين جبتي هالحجي..
ريم: سمعتة من رشا..كولة بابا انت تحبني..
وحضنتة..
هالي..جنت مصدومة يمكن خيال طفلة تألف..
ريم حبيبتي حرام واحد يكذب يذبة بالنار..
لا ماما..مااكذب جيبي بابا وكليلة ..بابا شمر الجكارة ع البردة واحترك البيت جان عصبي..
جنت ارتب ملابس ..
كعدت..اريد اتلاشى الصدمة ماكو..اخر شي قنعتهة بنتي انو بابا وهي اخوات ..
دائمآ اكللهم هم اخوة عمود لايظل بالهة طفلة..
عرفت رشا..رح ظل ورا لحد متوكعة..
بس ..هو ..شون يخوني وياها..

شسويتي ..صدكتي بنتج..لما كلتلج..
هالي: اني تعبت..
متريدين تكملين ع راحتج..
قصدي تعبت واني شايفة بعقلي شخصيتين لاامير شخص يحبني يموت علية متعلق بية..
شخص..اناني..مزاجي..عصبي..
يغلط..واسامحة..
نومت ريم..
نغم..عفية الله يخليج..ديري بالج ع ريم..
عندي شغلة مااتاخر..
رحت احجي ويا امير...
ولكيتة بالغرفة ورشا جانت كاعدة يمة ..تحجي..وتطمن علي وتلزم باايدة..
رشا: امير..سامحني..مااكدر اخفي مشاعري ااتجاهك..انت مو تحبني..
اااامير..اعترف.. انت جنت تحبني
وبعدك..
امير : رررشا ..اني...
هالي. ...بعد مااتحمل فتحت الباب. ..
وشفت بعيني..
واني كذبت روحي ..كذبت عقلي ..
كذبت كل لحظة جنت احس بشك..
شسويتي من شفتيهم..تعاركتي.. ويا..
هالي: ياريت..
ياريت .. كدرت..
كل سويتة..عفتهم وطلعت من المستشفى..اخذت بنتي..وطلعت..
مااعرف..وين للمجهول..
ظليت..افتر..
خطية بنتج..شون ..بعدهة مريضة..
هالي: لا مو ..مريضة..مو كتلج...اني الي احتركت..
مو هي..
مو كلتي..
هالي: خل اكملج..
مديت ايدي...جان مفتاح..بيت خالي بجيبي..اخذت تكسي...وبوجهي لبيتهم..
فتت منطقتنا الي يشوفني يسلم علية واني من الصدمة ماارد ع احد..
فتت..للبيت..
ودخلت غرفة بيبيتي الله يرحمها..تمنيت..بس ..اموت ..واخلص..
اخلص..من الالامي..اخلص من التعب..
اني..خلص انهاريت..
ظلو يدورون علية ..ولد ويا حجي اكرم..يريدون يوصلوني..ماكو..
بلغو الشرطة..
خابرو اهلي..
هم محصلو نتيجة...
ظليت ٣ايام..
مجعتي..معطشتي..
بنتج..خطية..
لا اكو ..جنت اوكلهة واشربهة ..
اخرشي قررت اطلك ..واعوفة..
واتفرغ بنتي..مستقبلها ...
وصلت بيت نغم..الكل..كاعد ع اعصابة..
بس شافوني ..جووي..سالوني..هالي..وين جنتي..هااالي..
جتي نغم سالتني..
وين جنتي كلبنا الدنيا عليج..كعدت ع بايات الدرج..وحطيت ايدي ع خدي..كعدت ابجي..
اجة أمير بعصبية يسالني..وين جنتي..وين جنتي واحنا مسبين ندور ..عليج...حسيت بطنين بااذني..
وكل شي مكمت اسمع.. بس شفاهم تتحرك..محسيت بروحي لمن وكعت..
🌸🌸🌸🌸🌸🌺
للقصة بقية..
لاتنسون تصوتون للبارت فضلا وليس امرااا...
ولاتنسوو ن سمعوني ارائكموتعليقاتكم واكيد اكو احداث جاية تصدمكم...