#ادرينالين19
بعد مسااافهه من نومي حسيت بي زوول بضربني وبصحي وبقول لي هييي قومي يلا،صحيت بخلعهه وقعدته في نص السرير وصلحته توبي،طبعا جاااي سكراااني وريحتو تقرف،قال لي نايمة ليها شنووو؟؟سكته ساااي م رديت عليهو وانا والله الخووف الكنت حاسه بيهو عمري م حسيت بيهو،قال لي في عروس بتنوم يوم عرسها بدري؟؟برضو سكته ،خته يدو في وشي وقال لي هي هي انتي بكماء م بتتكلمي؟م سامعاني انا بتكلم معاك يعني؟؟؟قالو لي بالحيل قليله ادب ولميضهه وم بتسمعي الكلام بس انا اوريك من اسي عمايلك البتعمليها لي اهلك اوعى تحاولي تعمليها لي انا فاهمه؟؟طبعا انا زي البكماء بعاين ليهو بس،جرة مني التوب قال لي قومي اقلعي توبك دة يلا،في اللحظه دي جاني هبووط وم عارفه اعمل شنو،،قال لي م سامعه انتي قولته ليك قومي اقلعي التوب دة😡قولته ليهو بي نبرة خوف لكن انا دايرة انووم😢😭قال لي شنووو؟تنومي السهر انا جايبك من بيتكم هناك عشان تنومي لي هنا قومي يلا سرعه وبقى يجر مني التوب لمن فكاهو،ورقد جنبي في السرير وقال لي انا م داير اشاكلك ولا داير اضربك باقي الليل دة عشان كدة انتي اتجاوبي معاي انا راجلك وعندي حق عليك م معرسك عشان تنومي لي فاهمه؟وانا في قلبي بدعي وبقول ي رب تحفظني ي رب م عندي غيرك ،وبقيت اقرا ايه الكرسي ،وبقى يحاول يقلع مني الملابس بالغصب ،وانا اصلي م اديتو فرصه ،قام ضربني كف ورقدني في السرير ،قال لي الليله بالغصب بنوم معاك وبعمل الدايرو معاك،يعني الراجل كأنو مراهق في عمر 18سنه،قال لي انتي زاتك شكلك غلطانه ليك مع واحد عشان كدة م دايراني اهبشك صح؟اااي ياهو عرقكم وياها تربيتكم زي امك واحد ي بت الحرام،واهلك عارفين عشان كدة ادوك لي من غير اي شي جدعوك لي زي الكلبه،فجأة كدة هاااج وقعد يصرخ ويضرب فيني لمن خنقني في السرير وقلع لي ملابسي بالغصب،وجا قرب مني شويه كدة اتراجع براهو ولبس عراقيهو وطلع،انا م صدقتهه سريع سريع اتغطيت بالتوب ولبسته ملابسي وقعدته مساااهره للصباح ببكي من خووفي العلي،الصباح جا داخل قال لي قومي سوي الشاي واعملي لينا الفطور خلينا ناكل،طلعته مشيت لقيت امو جهزت الشاي وبتعوس في كسرة الفطور،قالت لي اصبحتي كيف ي بتي؟قولته ليها الحمدلله ❤قالت لي الشاي جاهز شيليهو وامشي انا بجهز الفطور،قولته ليها كويس شلته الشاي وديتو ليهو اول م كبيت ليهو في الكبايه وطعمتو ليهو شال الشاي وكشحو لي في رجلي قال لي دة شاي شنو دة انا بشرب شاي خفيف طيري خففيهو سرعهه😡اتخيلو الشاي حااار نار الله الموقدة بس ابدا م حسيت بيهو بقيت م بحس بي حاجه اسمها وجع ابدا،رجعته خففته ليهو الشاي وجيت راجعه،طلع لي ملابسو قال لي غسليهن واكويهم اسي م اللقاهم م مكويات فاهمه؟امو جات قالت لي خليهن انا بغسلن ليهو ولا بشيلهن بوديهن لي هنادي تغسلهن ليهو،قال ليها هي قاعدة تعمل في شنو تغسلهن هي دي،قولته ليها خليهن انا بغسلهن،شلته الملابس غسلتهم وكويتهم بعد جفو مباشرة،امو جات قالت لي ي بتي غايتو بس الله يعينك ويصبرك هاكي جبته ليك الجلبابات ديل اللبسيهم سمح؟قولته ليها كويس ،وفي يوم دة برضو جا راجع بالليل سكران وعمل نفس حركات امس بس م قدر يعمل حاجه،ودة الشي الوحيد البخليهو يكرهني زيادة انو كل م يقرب مني ويحاول يعمل معي زي م بعملو اي اتنين متزوجين م بقدر بلبس ملابسو وبطلع،الموضوع استمرة اسبوعين ولسسه هو في نفس الحاله ولو م ضربني بالصباح بضربني بالمساء لااازم يخلق معي موضوع من مافي عشان يضرنبي ،وانا بس ماسكه في سورة البقرة ويس وأيه الكرسي ،وقبل م انوم بتحصن بي الفاتحه والمعوذتين،في يوم جا لقاني بعمل في ملاح الغداء وانا م انتبهته ليهو انو جا داخل،دخل وغير ملابسو وجا قال لي م شايفاني جيت داخل انا😡قولته ليهو م شوفتك والله،😢قال م شوفتيني صح؟طيب اسي بتشوفيني وشلت الكانون بي رجليهو والحلهه طارت معاهو والملاح نصو اترشه لي في جسمي ،انا بقيت محل اقلع ملابسي م عارفه جريت دخلته الاوضه،ساعتها امي كانت مافي،جا لاحقني جوة الأوضه وسله لي سكينو وقال لي انتي قليله عامله روحك قليله ادب يعني؟وشختني بالسكينه في كتفي ،كان عايز يشخطني بيها في وشي،قال لي وشك العاجبك دة الا اشوهو ليك،اصلا هو م طبيعي زي العندو نفسيات كدة،انا من الخوف دخلته تحت السرير،بعد م طلع طلعته كانت جارتنا استاذة في مدرستنا حقت الثانوي سمعتها بتتكلم ناديتها قولته ليها ي استاذة علويه اللحقيني ،😭رفعت لي راسها بالحيطه شافت يدي ملانه دم جات جاريه بالباب قالت لي مالك ي بتي في شنوو؟قولته ليها طعني بالسكين ومشى😭😭😭قالت لي وبعلي ي شهد وانتي لسه قاعدة؟قومي ارح بيت اهلك وافتحي فيهو بلاغ اجي ي اخواني يعلم الله حق الكبار كعب قومي سريع،قولته ليها لالا م ماشه بس دايرة اربط يدي بي قطعهه،😭مشت جابت لي قطعه ونضفتها لي من الدم الفيها وربطتها لي،قالت لي الله ينعلو دة مجنون م نصيح نسوانو التلاتهه قلبهم دة لمن برررد من جوطتو وقله ادبو انتي زاتك ي شهد ي بتي بت صغيرة زي دة البخليك تعرسي العفن دة شنوو؟سكتته سااي ،وبقت تتكلم معاي كتيير بعدها طلعت مشت،دخلته جوة الأوضه وقفلته الباب علي وقعدته في السرير ،في قعدتي ديك شالتني نومه علشان انا اصلا الليل م بنوم،صحيت لقيتو بقرص فيني بالزرديه عارفنها صح ؟بس جايبها علشان يقرصني بيها ،قال لي انا مش قولته ليك م جايبك هنا عشان تنومي؟جسمك العاجبك دة انا اوقسم بالله بشوهو ليك،بقى يقرصني بيها في جسمي كلو ،طبعا سكران على الدوام،لما بقيت م قادرة استحمل لزيتو رميتو وجريت دخلته المطبخ،اصلا مطبخهم صغيير كدة عاملنو من القش،جا لاحقني ،الوقعه بقت ليهو حارة قال لي ترميني انا؟انا ترميني ؟عندهم جاز كدة في باقه شالو ورشاهو فيني قال لي اللله بحرقكك لمن اشوفك تتشوي هنا قدامي طلع وشخت الكبريته في القش بي بره،فجأة جات عمتي خديجه،خديجه دي امو،ولقت النار مولعه ي دوووب شالت المويه ورشتها في القش وعندها عكاز كدة ضربتو بيهو قالت ليهو الله ينعلك ي القليل ادب ي الماعندك تربيه ،راجل كبير قدر حالتك دي وم عندك عقل ،سكاري وم نافع اطلع من هنا يلا بسرعهالبت دي جايبها ليك اسبوعين وعزبتها عزاب معاك،نسوانكك كلهم مكرهم العيشه الله لا بارك فيك وانعل ابو دي ولادة،اطلع لي من بيتي سرعة وتاني اوعى اشوفك تقرب من البت دي فاهم؟قال ليها ي امي عليك الله زحي كدة ولا كدة،ضربتو في دو بالعصايه قالت ليهو قولته ليك طيرمن هنا شوف ليك محل تقعد فيهو اوعى تجي بيتي تاني فاهم؟قال ليها خلاص بسوق مرتي،قالت ليهو يمرمروك في الضريسه ي معفن م عندك اااي مرةهنا امشي شوف ليك شغله تقضاها ،قال ليها انا زاتي م قاعد ليك ماشي الدهب انشاءالله تضوي ليك،قالت ليهو امشي انشاءالله مشيه بلا رجعهه ي المامحترم شيب راسك ولا محترم اولاد اولادك 😡وبالفعل بعد يومين ساافر طوالي ،في يوم فاطمه جاتني قالت لي شهد انا م دايرة امتحن يعلم الله عرسك مسخ علي القرايه واي شي م قاعدة اقرا انا،قولته ليها ي بت انتي عويرة اوعى تخلي قرايتك دايرة تبقي زي يعني؟انا لو محلك يوومي بصلي ركعتين شككر،قالت لي شوفي لي نفسك ضعفتي واتبهدلتي كيف،حتى شوفي عيونك واقعه كيف؟ولسه بتقولي في كلامك دة؟قولته ليها قرايتك دي سلاحك ي فطوم وبالنسبه لحالتي مالي اسي انا تمام الحمدلله ومبسوطه وم فيني شي،قالت لي اسي انا اتقدم لي ود عمي وجاااي يخطبني كلم ابووي واخواني وافقو لكن ابوي قال لي م بغصبك لكن ي شهد انا م دايرة اقرى يعلم الله بقيت بمشي المدرسه بزهج كل م اتزكرك بقعد ابكي،قولته ليها بدل م تبكي ادعي لي وبعدين دي كلها ابتلاءات من ربنا واكيد بعد الصبر يأتي الفرج ولا شنوو؟قالت لي اسي الراجل الما بخجل السكران دة انتي قعدتي معاهو كيف التلاته اسابيع دي يععع ي شهد،قولته ليها الحمدلله بس،قالت لي دايرة اسألك بس م تزعلي مني فهمتي؟قولته ليها اها؟قالت لي حصلت بيناتكم حاجه ؟هزيت ليها راسي،قالت لي كزابه؟😳قولي والله؟قولته ليها والله م حصل شي ،قالت لي م خليتي يهبشك يعني؟قولته ليها اقفلي الموضوع خلاص عمتي خديجه جات😊ضحكت قالت لي شهد يعني انتي للأن بت زينا كدة😂😂😂😂😂😂😂🙊🙈قولته ليها هسسسس قولته ليك 😒😪قولته ليها اها دكتور هاشم م جا ؟؟قالت لي لسسه في الخرطوم ،،عدت الأياام وأكرم لا جا لا سمعنا منو خبر اتصل مرتين بس على ولدو الكبير وتاني إختفى،بعد شهر من الكلام دة في يووم جات مرتو الكبيرة تكوورك وتبكي ،عمتي خديجه قالت ليها في شنوو؟قالت ليها اكرم مات قالو البيرة وقعت فيهو في الدهب😭عمتي خديجه بقت تقول :لااله الا الله،انالله وانا اليه راجعون ،سبحان الله دمعتها م جرت عليهو م انو انا حسيتها موجوعه بس ابدا م بكت،انا بكيت من بكى الناس عليهو ،م بقدر اشوف زول ببكي قدامي وامسك دموعي،بس ابدا م زعلته عليهو بالعكس حسيت انو ربنا بحبني بجد،مع انو ابدا م اتوقعته يحصل كدة وربنا ياخدو بالصورة دي،،،فاطمة جات قعدت معي جوة في اوضتي المحبوسه فيها وكانت بتضحك قالت لي بلا وإنجلا يلا أإنبسطتي بلا أكرم الجزار بلا مرض😂😻💃عاينته ليها بإستغراب قولته ليها فاطمة انتي م جادة والله؟قالت لي يعلم الله لو علي ازغرد ،قولته ليها الراجل مات بدل م تدعي ليهو بتضحكي؟قالت لي الله يرحمو ي زوله المات فقد نفسو 😒
م كنت عارفه انبسط ولا ازعل على نفسي،احترته في البحصل في حياتي دي،كأنها سبورة بيضاء وكل زول شايل ليهو قلم اسود وبشخبط فيها على كيفو،او كأنها قطعهه قماش في يد ترزي وبفصل فيها على كيفو،بقيت حاسه انو حياتي دي ابدا م حقتي ،حقت غيري وكل حد عندو حريه التصرف فيها زي م هو عايز،عشته مأساة انا في غنى عنها ،واتزوجته غصبا عني، لبسته التوب الأبيض واترملته وانا صغيرة ،بقيت اسأل في نفسي اها وبعد م اترملته تاني الحيحصل شنو في حياتيبعد كدة ؟هل حأرجع تاني لبيت اهلي وحأعيش نفس المأساة الكنت عايشاها ويمكن الموضوع يتطور للأسوأ،؟؟..
بعد اسبوعين من الوفاة امي قالت لي عمتي خديجه انها حتسوقني البيت وتحبسني هناك معاها،لكن عمتي خديجه رفضت وقالت الا اقعد معاها ،المهم قعدته معاها بعد ايام البكى بي فترة جاتنا خالتي علويه بالغداء اثناء م نحن بنتغدأ قالت لي عمتي خديجه:ي حبوبه خديجه اسي اراد الله واكرم دة ربنا اتولاه برحمتو والحمدلله اها البت دي م تخليها ترجع المدرسه تكمل قرايتها وتمتحن ،عمتي خديجه قالت ليها والله ي بتي هي كان عندها الرغبة اصلي م بأبى ليها السنه الجايه طوالي تنزل،،،خالتي علويه قالت ليها ليه السنه الجايه اسي م فاتوها كتير ي دوب شهرين ونص او اقل من ما نزلو خليها تنزل تمتحن وتشد حيلها بس،عمتي خديجه قالت ليها لكن هي م محبوسه لسسسه م تمت ال4شهور حقتها م صح تطلع من البيت💔قالت ليها والله بت صغيرة ولا حقت حبس زاتها سمح ماف مشكله انا بتكفل اني اجيب ليها اكتب واراجع ليها هنا في البيت لحدي م تتم ال4شهور حقتها اها قولتي شنوو؟؟؟ عمتي خديجه عاينت لي قالت ليها سمح م عندي مشكله تمتحن طواااالي وتكمل قرايتها اااهم شي للبت التعليم اسي نحن الكبار ديل لو كان اتعلمنا زي الزمن دة كنا موظفين،،،خالتي علويه قالت لي خلاص ي شهد انا والله متكفله بجيب ليك الكتب واااي شي بلزمك انتي زوله شاطرة ومجتهدة ياااخ انا واحدة من الناس الكنت بتبسط جدا منك وزعلته شديد لمن اهلك عرسو ليك اكرم الله يرحمو مع احترامي ليك ي خالتو خديجه❤ لكن اسي خلاص واصلي قرايتك وشدي حيلك م تيأسي لسه وانتي لسه صغيرة والطريق قدامك طويل ولا انتي رايك شنووو؟؟
وإتخلصته ليكم من اكرم السكاري كيف ليكم؟؟😌😎😂😁
#نتلاقى
